“ರಾಹುಲ್ ಗಾಂಧಿ ಎದುರಿಗೆ ಸೋನಿಯಾ ಗಾಂಧಿಯವರ ಕಾಲಿಗೆ ಮನಮೋಹನ್ ಸಿಂಗ್ ಬಿದ್ದು ಆರ್ಶೀವಾದ ಪಡೆದುಕೊಂಡಿದ್ದಾರೆ. 71 ವರ್ಷದ ಸೋನಿಯಾ ಕಾಳಿಗೆ 85 ವರ್ಷದ ಮನಮೋಹನ್ ಸಿಂಗ್ ಏಕೆ ಬೀಳಬೇಕು” ಎಂದು ಫೋಟೊವೊಂದನ್ನು ಸಾಮಾಜಿಕ ಜಾಲತಾಣಗಳಲ್ಲಿ ಹಲವರು ಹಂಚಿಕೊಂಡಿದ್ದಾರೆ.
ವೈರಲ್ ಫೋಟೊದಲ್ಲಿ ಸೋನಿಯಾ ಗಾಂಧಿಯವರ ಕಾಲಿಗೆ ವ್ಯಕ್ತಿಯೋರ್ವ ನಮಸ್ಕರಿಸುತ್ತಿರುವುದು ಕಾಣುತ್ತದೆ. ಹಿನ್ನೆಲೆಯಲ್ಲಿ ರಾಹುಲ್ ಗಾಂಧಿ ಇದ್ದಾರೆ.
“ಅವಳ ಗುಲಾಮರು ಅವಳನ್ನು ದೇವರು, ತಾಯಿ ಎಂದು ಕರೆಯುತ್ತಾರೆ. ಆದರೆ ಆಕೆಗೆ ಕನಿಷ್ಟ ಸಾಮಾನ್ಯ ಜ್ಞಾನಿವಲ್ಲ” ಎಂದು ಹಲವರು ಆರೋಪಿಸಿದ್ದಾರೆ. ಪೋಸ್ಟ್ನ ಆರ್ಕೈವ್ ಮಾಡಲಾದ ಆವೃತ್ತಿ ಇಲ್ಲಿದೆ. ಚಿತ್ರವನ್ನು ಫೇಸ್ಬುಕ್ನಲ್ಲಿ ವ್ಯಾಪಕವಾಗಿ ಹಂಚಿಕೊಳ್ಳಲಾಗಿದೆ. ಅದರ ಸ್ಕ್ರೀನ್ಶಾಟ್ ಕೆಳಗೆ ಇದೆ.
ಕಳೆದ ವರ್ಷವೂ ಸಹ ಇದೇ ಆರೋಪ ಮಾಡಲಾಗಿತ್ತು. ರಾಹುಲ್ ಗಾಂಧಿಗಾದರೂ ಬುದ್ಧಿ ಬೇಡವೇ? ಅದನ್ನು ನಗುತ್ತಾ ನೋಡುತ್ತಿದ್ದಾರೆ ಎಂದು ಸಹ ಆರೋಪಿಸಲಾಗಿತ್ತು.
संसद में आँख मारने वाला चाहिए…, या चीन से आँख मिलाने वाला .., या पाकिस्तान को आँख दिखाने वाला ..??तय कर लो….!!
Posted by पंडित राम शर्मा – भट्ट ब्राह्मण on Sunday, April 28, 2019
ಫ್ಯಾಕ್ಟ್ ಚೆಕ್
ಗೂಗಲ್ ರಿವರ್ಸ್ ಇಮೇಜ್ ಸರ್ಚ್ ಮೂಲಕ ಹುಡುಕಿದಾಗ ಈ ಚಿತ್ರವು 2011ರ ನವೆಂಬರ್ನಲ್ಲಿ ನಡೆದ ಭಾರತೀಯ ಯುವ ಕಾಂಗ್ರೆಸ್ ಸಮಾವೇಶದಲ್ಲಿ ತೆಗೆಯಲಾದ ಫೋಟೊ ಇದಾಗಿದೆ. ಚಿತ್ರಕ್ಕೆ “ನವದೆಹಲಿ, ಭಾರತ – ನವೆಂಬರ್ 29: ಕಾಂಗ್ರೆಸ್ ಪ್ರಧಾನ ಕಾರ್ಯದರ್ಶಿ ರಾಹುಲ್ ಗಾಂಧಿ ನೋಡುವಾಗ ಪ್ರತಿನಿಧಿಯೊಬ್ಬರು ಸೋನಿಯಾ ಗಾಂಧಿಯವರ ಪಾದಗಳನ್ನು ಮುಟ್ಟುತ್ತಾರೆ. ಮಂಗಳವಾರ ನವದೆಹಲಿಯಲ್ಲಿ ಚುನಾಯಿತ ಪದಾಧಿಕಾರಿಗಳ ಭಾರತೀಯ ಯುವ ಕಾಂಗ್ರೆಸ್ ರಾಷ್ಟ್ರೀಯ ಮಟ್ಟದ ಸಮಾವೇಶ. (ಶೇಖರ್ ಯಾದವ್ / ಗೆಟ್ಟಿ ಇಮೇಜಸ್ ಮೂಲಕ ಇಂಡಿಯಾ ಟುಡೆ ಚಿತ್ರ)” ಎಂದು ಶೀರ್ಷಿಕೆ ನೀಡಲಾಗಿದೆ. ಅಲ್ಲಿಗೆ ಅದು ಬೇರೆಯೇ ಪ್ರತಿನಿಧಿ ಹೊರತು ಮನಮೋಹನ್ ಸಿಂಗ್ ಅಲ್ಲ ಎನ್ನುವುದು ಸ್ಪಷ್ಟವಾಗಿದೆ.
ಜೊತೆಗೆ ಗೆಟ್ಟಿ ಇಮೇಜಸ್ನಲ್ಲಿ ಅದೇ ದಿನದಿಂದ ಮನಮೋಹನ್ ಸಿಂಗ್ರವರ ಚಿತ್ರ ಹುಡುಕಿದಾಗ ಇದರಲ್ಲಿ ಡಾ. ಮನಮೋಹನ್ ಸಿಂಗ್ ನೀಲಿ ಪೇಟ ಧರಿಸಿರುವುದನ್ನು ಕಾಣಬಹುದು. ಹಾಗಾಗಿ ಮನಮೋಹನ್ ಸಿಂಗ್ ಸೋನಿಯಾ ಗಾಂಧಿಯವರ ಕಾಲಿಗೆ ಬಿದ್ದಿದ್ದಾರೆ ಎಂಬ ಆರೋಪವು ಸಂಪೂರ್ಣ ತಪ್ಪಾಗಿದೆ.
ಇದನ್ನೂ ಓದಿ: ಫ್ಯಾಕ್ಟ್ಚೆಕ್: ಇತ್ತೀಚಿನ ಭಾರತ-ಚೀನಾ ಸೈನಿಕರ ಘರ್ಷಣೆಯ ವಿಡಿಯೋ ಬಹಿರಂಗ? ವಾಸ್ತವವೇನು?