ಉತ್ತರಪ್ರದೇಶದ ಸಂಭಾಲ್ ನಗರದಲ್ಲಿ ಸೋಮವಾರ ಪೊಲೀಸ್ ಠಾಣೆಯಲ್ಲಿ ಮುಸ್ಲಿಂ ಯುವಕನ ಶವ ಪತ್ತೆಯಾದ ನಂತರ ವ್ಯಾಪಕ ಪ್ರತಿಭಟನೆಗಳು ಭುಗಿಲೆದ್ದಿವೆ.
ಇರ್ಫಾನ್ (40) ಎಂದು ಗುರುತಿಸಲ್ಪಟ್ಟ ಸಂತ್ರಸ್ತನ ಕುಟುಂಬವು ದುಷ್ಕೃತ್ಯವನ್ನು ಶಂಕಿಸಿದ್ದು, ಪೊಲೀಸ್ ಚಿತ್ರಹಿಂಸೆ ನೀಡಲಾಗಿದೆ ಎಂದು ಆರೋಪಿಸಿದೆ. ಮಾಧ್ಯಮ ವರದಿಗಳು ಇರ್ಫಾನ್ ಅವರನ್ನು ಅನಿರ್ದಿಷ್ಟ ಪ್ರಕರಣಕ್ಕೆ ಸಂಬಂಧಿಸಿದಂತೆ ವಶಕ್ಕೆ ಪಡೆಯಲಾಗಿತ್ತು ಎಂದು ತಿಳಿಸಿವೆ.
ಇರ್ಫಾನ್ ಅವರ ಶವ ನಗರದ ನಕಾಸಾ ಪೊಲೀಸ್ ಠಾಣೆ ಪ್ರದೇಶದ ರಾಯ್ ಸತ್ತಿ ಪೊಲೀಸ್ ಹೊರಠಾಣೆಯಲ್ಲಿ ಪತ್ತೆಯಾಗಿತ್ತು. ಸಾವಿನ ಸುದ್ದಿ ತಿಳಿದ ನಂತರ ಅವರ ಕುಟುಂಬ ಸದಸ್ಯರು ದುಃಖಿತರಾದರು. ಇರ್ಫಾನ್ ಅವರ ಪತ್ನಿ ಮತ್ತು ಪೋಷಕರು ತಮ್ಮ ಪ್ರೀತಿಪಾತ್ರರು ಸಾವಿಗೆ ದುಃಖಿಸುತ್ತಿರುವುದನ್ನು ತೋರಿಸುವ ವೀಡಿಯೊ ವೈರಲ್ ಆಗಿದೆ.
ಪೊಲೀಸರು ಹೃದಯಾಘಾತದ ಸಾಧ್ಯತೆಯನ್ನು ಸೂಚಿಸಿದಾಗಲೂ, ಬಲಿಪಶುವಿನ ಕುಟುಂಬ ಸದಸ್ಯರು ಮತ್ತು ಸ್ಥಳೀಯರು ಔಟ್‌ಪೋಸ್ಟ್‌ನಲ್ಲಿ ಪ್ರತಿಭಟನೆ ನಡೆಸಿದರು. ಅಲ್ಲಿ ಹಾಜರಿದ್ದ ಅಧಿಕಾರಿಗಳು ಗುಂಪು ದಾಳಿಯ ಭಯದಿಂದ ಓಡಿಹೋಗಬೇಕಾಯಿತು. ನಂತರ, ಕ್ಷಿಪ್ರ ಕಾರ್ಯ ಪಡೆ (RAF) ಮತ್ತು ನಖಾಸಾ ಮತ್ತು ಕೊಟ್ವಾಲಿ ಪೊಲೀಸ್ ಠಾಣೆಗಳ ಸಿಬ್ಬಂದಿಯನ್ನು ಆ ಪ್ರದೇಶದಲ್ಲಿ ನಿಯೋಜಿಸಲಾಯಿತು ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
Locals protest after Muslim man dies in police custody in UP's Sambhal.
The custodial death of a #Muslim man caused local outrage in #UttarPradesh’s #Sambhal district on Monday.
Irfan, a resident of Sambhal’s #KagguSarai, was detained on Sunday night.
On Monday Irfan’s dead… pic.twitter.com/1QTvAgnir0
— Hate Detector 🔍 (@HateDetectors) January 20, 2025
ಪೊಲೀಸ್ ಠಾಣೆಯಲ್ಲಿ ಜನಸಮೂಹ ಜಮಾಯಿಸಿ ಪ್ರಕ್ಷುಬ್ದತೆ ಹೆಚ್ಚಾದಾಗ ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರು ಸ್ಥಳಕ್ಕೆ ಧಾವಿಸಿ ಇರ್ಫಾನ್ ಅವರ ಶವವನ್ನು ಮರಣೋತ್ತರ ಪರೀಕ್ಷೆ ಮತ್ತು ಹೆಚ್ಚಿನ ತನಿಖೆಗಾಗಿ ಆಸ್ಪತ್ರೆಗೆ ಕಳುಹಿಸಿದರು.
ಮೃತ ಇರ್ಫಾನ್ ಅವರ ಪತ್ನಿ ರೇಷ್ಮಾ (35) ಮಾಧ್ಯಮಗಳೊಂದಿಗೆ ಮಾತನಾಡಿ, ರೈಸಟ್ಟಿ ಪೊಲೀಸ್ ಔಟ್‌ಪೋಸ್ಟ್‌ನ ನಾಲ್ವರು ಪೊಲೀಸ್ ಸಿಬ್ಬಂದಿ ತಮ್ಮ ಮನೆಗೆ ನುಗ್ಗಿ ಅಸ್ವಸ್ಥರಾಗಿದ್ದ ತಮ್ಮ ಪತಿ ಇರ್ಫಾನ್ ಅವರನ್ನು ಕರೆದುಕೊಂಡು ಹೋಗಿ, ಅವರ ವಿರುದ್ಧದ ದೂರಿನ ಮೇರೆಗೆ ವಿಚಾರಣೆಗೆ ಕರೆದೊಯ್ಯಲಾಗುತ್ತಿದೆ ಎಂದು ಹೇಳಿದ್ದರು ಎಂದು ತಿಳಿಸಿದ್ದಾರೆ.
“ಅವರು ನನ್ನ ಪತಿಯನ್ನು ಪೊಲೀಸ್ ಔಟ್‌ಪೋಸ್ಟ್‌ಗೆ ಕರೆದೊಯ್ದರು, ಅಲ್ಲಿ ಅವರನ್ನು ಥಳಿಸಲಾಗಿದೆ. ಅವರು ಅಸ್ವಸ್ಥರಾಗಿದ್ದಾರೆ ಮತ್ತು ಕನಿಷ್ಠ ಅವರಿಗೆ ಔಷಧಿ ತೆಗೆದುಕೊಳ್ಳಲು ಸಮಯ ನೀಡಬೇಕು ಎಂದು ನಾವು ಪೊಲೀಸ್ ತಂಡವನ್ನು ಬೇಡಿಕೊಂಡೆವು, ಆದರೆ ಅವರು ಕೇಳಲಿಲ್ಲ. ಪೊಲೀಸರು ತಮ್ಮ ಪತಿಯನ್ನು ಜೀಪಿಗೆ ಕಟ್ಟಿದರು. ಅವರು ಔಷಧಿ ತೆಗೆದುಕೊಂಡಿದ್ದರೆ, ಅವರು ಬದುಕುಳಿಯಬಹುದಿತ್ತು. ಅವರನ್ನು ಪೊಲೀಸರೇ ಕೊಂದಿದ್ದಾರೆ ಎಂದು ಅವರು ಹೇಳಿದ್ದಾರೆ.
ಹಿರಿಯ ಅಧಿಕಾರಿಯೊಬ್ಬರು ಸಂಪೂರ್ಣ ತನಿಖೆ ನಡೆಸಿ ತಪ್ಪಿತಸ್ಥರ ವಿರುದ್ಧ ಕ್ರಮ ಕೈಗೊಳ್ಳಲಾಗುವುದು ಎಂದು ಹೇಳಿದ್ದಾರೆ ಎಂದು ಮಾಧ್ಯಮ ವರದಿಗಳು ತಿಳಿಸಿವೆ.
ಶೈಫಾ ಬೇಗಂ ಎಂಬುವರು ತಮ್ಮ ಮಗ ಅರ್ಮಾನ್ ತಮ್ಮ ಕುಟುಂಬದ ಉಳಿತಾಯದಿಂದ 6 ಲಕ್ಷ ರೂ.ಗಳನ್ನು ಇರ್ಫಾನ್‌ಗೆ ನೀಡಿರುವುದಾಗಿ ಮತ್ತು ಹೆಚ್ಚಿನ ಲಾಭ ಗಳಿಸಲು ಹಣವನ್ನು ಬೇರೆಯವರಿಗೆ ನೀಡಿರುವುದಾಗಿ ಹೇಳಿಕೊಂಡಿದ್ದಾರೆ ಎಂದು ಪೊಲೀಸ್ ದೂರು ದಾಖಲಿಸಿದ್ದರು. ದೂರಿನ ನಂತರ ವಿಚಾರಣೆಗಾಗಿ ಇರ್ಫಾನ್ ಅವರ ಮನೆಗೆ ತಂಡವನ್ನು ಕಳುಹಿಸಲಾಯಿತು ಎಂದು ಎಸ್‌ಪಿ ಹೇಳಿದ್ದಾರೆ.
ಏತನ್ಮಧ್ಯೆ, ಸಂಭಾಲ್‌ನ ಸಮಾಜವಾದಿ ಪಕ್ಷದ ಸಂಸದ ಜಿಯಾವುರ್ ರೆಹಮಾನ್ ಬಾರ್ಕ್ ಫೇಸ್‌ಬುಕ್‌ನಲ್ಲಿ ಪೋಸ್ಟ್‌ನಲ್ಲಿ “ತಪ್ಪಿತಸ್ಥ ಪೊಲೀಸರ” ವಿರುದ್ಧ ಕೊಲೆ ಪ್ರಕರಣ ದಾಖಲಿಸಬೇಕೆಂದು ಒತ್ತಾಯಿಸಿದ್ದಾರೆ.
ಪೊಲೀಸರು ಕಸ್ಟಡಿಯಲ್ಲಿ ಸಾವಿನ ಆರೋಪ ಎದುರಿಸುತ್ತಿರುವುದು ಇದೇ ಮೊದಲಲ್ಲ. ಅಮಾಯಕರನ್ನು ಎಷ್ಟು ದಿನ ಈ ರೀತಿ ಹತ್ಯೆ ಮಾಡಲಾಗುತ್ತದೆ? ಪೊಲೀಸರ ವಿರುದ್ಧ ಕೊಲೆ ಎಫ್‌ಐಆರ್ ದಾಖಲಿಸಬೇಕು ಎಂದು ಅವರು ಬರೆದಿದ್ದಾರೆ.
