ಎಎಪಿ ನಾಯಕರನ್ನು ಸರಣಿ ಹಂತಕ ಚಾರ್ಲ್ಸ್ ಶೋಭರಾಜ್‌ಗೆ ಹೋಲಿಸಿದ ಪ್ರಧಾನಿ ಮೋದಿ

ಯಮುನಾ ನದಿಯಲ್ಲಿ “ವಿಷ” ಬೆರೆಸಲಾಗುತ್ತಿದೆ ಎಂಬ ಎಎಪಿ ಮುಖ್ಯಸ್ಥ ಅರವಿಂದ್ ಕೇಜ್ರಿವಾಲ್ ಅವರ ಹೇಳಿಕೆಗೆ ಪ್ರಧಾನಿ ನರೇಂದ್ರ ಮೋದಿ ಬುಧವಾರ ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದು, ದೆಹಲಿ ಚುನಾವಣೆಯಲ್ಲಿ ತಮ್ಮ ಸೋಲಿನ ಭಯದಿಂದ ಎಎಪಿ (ಆಪ್‌ಡಾ = ವಿಪತ್ತು) ಜನರು ಹತಾಶರಾಗಿದ್ದಾರೆ ಎಂದು ಹೇಳಿದ್ದಾರೆ. ಫೆಬ್ರವರಿ 5 ರ ವಿಧಾನಸಭಾ ಚುನಾವಣೆಗೆ ಮುನ್ನ ಕರ್ತಾರ್ ನಗರದಲ್ಲಿ ಸಾರ್ವಜನಿಕ ಸಭೆಯನ್ನುದ್ದೇಶಿಸಿ ಮಾತನಾಡಿದ ಅವರು, ಜನರನ್ನು ವಂಚಿಸುವ ಮೂಲಕ ಕುಖ್ಯಾತಿ ಪಡೆದಿದ್ದ ಸರಣಿ ಕೊಲೆಗಾರ ಚಾರ್ಲ್ಸ್ ಸೋಭರಾಜ್‌ಗೆ ಎಎಪಿ ನಾಯಕರನ್ನು ಹೋಲಿಸಿದ್ದಾರೆ. ಎಎಪಿ ನಾಯಕರನ್ನು

“‘ಶೀಶ್ ಮಹಲ್ ನಿರ್ಮಿಸಿದವರು ಮತ್ತು ಸಾವಿರಾರು ಕೋಟಿ ರೂಪಾಯಿ ಮೌಲ್ಯದ ಸಾರ್ವಜನಿಕ ಹಣವನ್ನು ಲೂಟಿ ಮಾಡಿದವರು ಬಡವರ ಕಲ್ಯಾಣದ ಬಗ್ಗೆ ಎಂದಿಗೂ ಯೋಚಿಸಲು ಸಾಧ್ಯವಿಲ್ಲ. ಅದಕ್ಕಾಗಿಯೇ ಅವರು ದೆಹಲಿಯಲ್ಲಿ ಸುಳ್ಳುಗಳನ್ನು ಹರಡುತ್ತಿದ್ದಾರೆ. ಈ ಆಪ್‌-ಡಾ ಜನರು ಜನರು ಸಿಕ್ಕಿಹಾಕಿಕೊಳ್ಳುವಷ್ಟು ಮುಗ್ಧತೆಯಿಂದ ಸುಳ್ಳುಗಳನ್ನು ಮಾತನಾಡುತ್ತಾರೆ” ಎಂದು ಮೋದಿ ಹೇಳಿದ್ದಾರೆ.

ನಾನುಗೌರಿ.ಕಾಂಗೆ ದೇಣಿಗೆ ನೀಡಿ ಬೆಂಬಲಿಸಿ
ಇಲ್ಲಿಕ್ಲಿಕ್ ಮಾಡಿ

“ಚಾರ್ಲ್ಸ್ ಶೋಭರಾಜ್ ಬಗ್ಗೆ ನೀವು ಕೇಳಿರಬಹುದು, ಅವರು ಪ್ರಸಿದ್ಧ ದರೋಡೆಕೋರರಾಗಿದ್ದರು. ಅವರು ಮುಗ್ಧತೆಯಿಂದ ಜನರನ್ನು ವಂಚಿಸುವುದರಲ್ಲಿ ಎಷ್ಟು ಪರಿಣಿತರಾಗಿದ್ದರು ಎಂದರೆ ಪ್ರತಿ ಬಾರಿಯೂ ಜನರು ಅವರಿಂದ ಮೋಸ ಹೋಗುತ್ತಿದ್ದರು. ಅದಕ್ಕಾಗಿಯೇ ಅಂತಹ ಜನರ ಬಗ್ಗೆ ಪತ್ರಿಯೊಬ್ಬರು ಜಾಗರೂಕರಾಗಿರಬೇಕು” ಎಂದು ಅವರು ಹೇಳಿದ್ದಾರೆ.

“ಆಪ್‌-ಡಾ” ಸರ್ಕಾರದ ನೆಪಗಳು, ನಕಲಿ ಭರವಸೆಗಳು ಹಾಗೂ “ಲೂಟಿ ಮತ್ತು ಸುಳ್ಳುಗಳು” ಕೆಲಸ ಮಾಡುವುದಿಲ್ಲ ಎಂದು ದೆಹಲಿ ಸ್ಪಷ್ಟಪಡಿಸಿದೆ ಎಂದು ಮೋದಿ ಹೇಳಿದ್ದಾರೆ. 25 ವರ್ಷಗಳ ಕಾಂಗ್ರೆಸ್ ಮತ್ತು ಎಎಪಿ ಸರ್ಕಾರಗಳು ಇದ್ದು, ಈ ಬಾರಿ ಸೇವೆ ಸಲ್ಲಿಸಲು ನಮಗೆ ಅವಕಾಶ ನೀಡುವಂತೆ ಮತದಾರರಿಗೆ ಅವರು ಮನವಿ ಮಾಡಿದ್ದಾರೆ.

ಎಎಪಿ ವಿರುದ್ಧ ಮತ್ತಷ್ಟು ವಾಗ್ದಾಳಿ ನಡೆಸಿದ ಮೋದಿ, ಕಳೆದ ಎರಡು ಚುನಾವಣೆಗಳಲ್ಲಿ, ಯಮುನಾ ನದಿಯನ್ನು ಸ್ವಚ್ಛಗೊಳಿಸುವ ಭರವಸೆಯ ಮೇರೆಗೆ ಪಕ್ಷವು ಮತಗಳನ್ನು ಕೇಳಿತು. ಆದರೆ ಈಗ ಈ ವಿಷಯವು ಮತಗಳನ್ನು ನೀಡುವುದಿಲ್ಲ ಎಂದು ಹೇಳುತ್ತದೆ, ಇದು ವಂಚನೆ ಮತ್ತು ನಾಚಿಕೆಯಿಲ್ಲದ ವಿಚಾರವಾಗಿದೆ ಎಂದು ಅವರು ಹೇಳಿದ್ದಾರೆ.

ಎಎಪಿ ಇತಿಹಾಸ, ಹರಿಯಾಣದ ಜನರು ಮತ್ತು ದೇಶ ಮರೆಯದ “ಪಾಪ” ಮಾಡಿದೆ ಎಂದು ಅವರು ತಿಳಿಸಿದ್ದಾರೆ. “ಮಾಜಿ ಮುಖ್ಯಮಂತ್ರಿಯೊಬ್ಬರು ಹರಿಯಾಣದ ಜನರ ವಿರುದ್ಧ ದುರುದ್ದೇಶಪೂರಿತ ಆರೋಪಗಳನ್ನು ಮಾಡಿದ್ದಾರೆ. ಆಪ್‌-ಡಾ ಜನರು ಸೋಲಿನ ಭಯದಿಂದ ಹತಾಶರಾಗಿದ್ದಾರೆ. ಹರಿಯಾಣ ದೆಹಲಿಗಿಂತ ಭಿನ್ನವಾಗಿದೆಯೇ? ಅವರಿಗೆ ದೆಹಲಿಯಲ್ಲಿ ಮಕ್ಕಳು ಮತ್ತು ಸಂಬಂಧಿಕರಿಲ್ಲವೇ? ಅವರು ತಮ್ಮದೇ ಜನರಿಗೆ ವಿಷ ಬೆರೆಸುತ್ತಾರೆಯೇ?” ಎಂದು ಕೇಜ್ರಿವಾಲ್ ಅವರನ್ನು ಟೀಕಿಸುತ್ತಾ ಮೋದಿ ಹೇಳಿದ್ದಾರೆ.

ದೆಹಲಿಯ ಜನರು, ಪ್ರಧಾನಿ ಮೋದಿ, ರಾಯಭಾರ ಕಚೇರಿಗಳಲ್ಲಿರುವ ರಾಜತಾಂತ್ರಿಕರು ಮತ್ತು ರಾಷ್ಟ್ರ ರಾಜಧಾನಿಯಲ್ಲಿರುವ ನ್ಯಾಯಾಧೀಶರು ಹರಿಯಾಣದ ಅದೇ ನೀರನ್ನು ಕುಡಿಯುತ್ತಾರೆ ಎಂದು ಅವರು ಹೇಳಿದ್ದಾರೆ. “ಮೋದಿಗೆ ವಿಷ ನೀಡಲು, ಹರಿಯಾಣ ಬಿಜೆಪಿ ನೀರಿನಲ್ಲಿ ವಿಷ ಬೆರೆಸಿದೆ ಎಂದು ಯಾರಾದರೂ ಭಾವಿಸಲು ಸಾಧ್ಯವೆ? ನೀವು ಏನು ಹೇಳುತ್ತಿದ್ದೀರಿ? ತಪ್ಪುಗಳನ್ನು ಕ್ಷಮಿಸುವುದು ಭಾರತೀಯರ ಸ್ವಭಾವ, ಆದರೆ ದೆಹಲಿ ಅಥವಾ ಭಾರತ ಎರಡೂ ದುರುದ್ದೇಶದಿಂದ ಮಾಡಿದ ಪಾಪಗಳನ್ನು ಕ್ಷಮಿಸುವುದಿಲ್ಲ” ಎಂದು ಅವರು ಹೇಳಿದ್ದಾರೆ.

ಇದನ್ನೂ ಓದಿ: ಮೈಕ್ರೋ ಫೈನಾನ್ಸ್ ಕಿರುಕುಳ: ಮನೆ ಜಪ್ತಿಯಿಂದ ಮನನೊಂದಿದ್ದ ಮಹಿಳೆ ವಿಷ ಕುಡಿದು ಸಾವು

ಮೈಕ್ರೋ ಫೈನಾನ್ಸ್ ಕಿರುಕುಳ: ಮನೆ ಜಪ್ತಿಯಿಂದ ಮನನೊಂದಿದ್ದ ಮಹಿಳೆ ವಿಷ ಕುಡಿದು ಸಾವು