ಚೆನ್ನೈನ ಮನಾಲಿ ಪ್ರದೇಶದಲ್ಲಿರುವ ಚಿನ್ನ ಸೆಕ್ಕಡುವಿನಲ್ಲಿರುವ ಗ್ರೇಟರ್ ಚೆನ್ನೈ ಕಾರ್ಪೊರೇಷನ್ (ಜಿಸಿಸಿ) ಜೈವಿಕ ಅನಿಲ ಸ್ಥಾವರದಲ್ಲಿ ಫೆಬ್ರವರಿ 15 ರ ಶನಿವಾರ ರಾತ್ರಿ ಸಂಭವಿಸಿದ ಸ್ಫೋಟದಲ್ಲಿ ಒಬ್ಬ ಕಾರ್ಮಿಕ ಸಾವನ್ನಪ್ಪಿ, ಮತ್ತೊಬ್ಬ ಕಾರ್ಮಿಕ ಗಾಯಗೊಂಡಿದ್ದಾರೆ. ಚೆನ್ನೈ
ತಡರಾತ್ರಿ ಕಾರ್ಮಿಕರು ಆವರಣದಲ್ಲಿ ತಮ್ಮ ಕೆಲಸಗಳನ್ನು ಮುಗಿಸುತ್ತಿದ್ದಾಗ ಸ್ಫೋಟ ಸಂಭವಿಸಿದೆ ಎಂದು ವರದಿಯಾಗಿದೆ. ಅಪಘಾತದ ಕಾರಣವನ್ನು ಇನ್ನೂ ನಿರ್ಧರಿಸಲಾಗಿಲ್ಲ ಎಂದು ವರದಿ ಹೇಳಿದೆ.
ನಾನುಗೌರಿ.ಕಾಂಗೆ ದೇಣಿಗೆ ನೀಡಿ ಬೆಂಬಲಿಸಿ
ಇಲ್ಲಿಕ್ಲಿಕ್ ಮಾಡಿ
ಮೃತರನ್ನು ಸ್ಥಾವರದ ಕಾರ್ಯಾಚರಣೆ ಎಂಜಿನಿಯರ್ ಆಗಿ ಕೆಲಸ ಮಾಡುತ್ತಿದ್ದ 30 ವರ್ಷದ ಸರವಣಕುಮಾರ್ ಎಂದು ಗುರುತಿಸಲಾಗಿದೆ. ಘಟಕದಲ್ಲಿ ಚಾಲಕನಾಗಿದ್ದ ಭಾಸ್ಕರನ್ (35) ಅವರಿಗೆ ಸುಟ್ಟ ಗಾಯಗಳಾಗಿದ್ದು, ಪ್ರಸ್ತುತ ಸರ್ಕಾರಿ ಸ್ಟಾನ್ಲಿ ವೈದ್ಯಕೀಯ ಕಾಲೇಜು ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ. ಚೆನ್ನೈ
ವರದಿಗಳ ಪ್ರಕಾರ, ಸ್ಫೋಟ ಸಂಭವಿಸಿದಾಗ ಸರವಣಕುಮಾರ್ ಮತ್ತು ಭಾಸ್ಕರನ್ ಇಬ್ಬರೂ ರಾತ್ರಿ 10 ಗಂಟೆ ಸುಮಾರಿಗೆ ನಿಯಂತ್ರಣ ಕೊಠಡಿ ಎಂದೂ ಕರೆಯಲ್ಪಡುವ ಸ್ಥಾವರದ ಮೇಲ್ವಿಚಾರಣಾ ನಿಯಂತ್ರಣ ಮತ್ತು ದತ್ತಾಂಶ ಸ್ವಾಧೀನ (ಎಸ್‌ಸಿಎಡಿಎ) ಕೊಠಡಿಯಲ್ಲಿದ್ದರು.
ಸ್ಪೋಟದ ತೀವ್ರತೆಗೆ ಗೋಡೆ ಕುಸಿದು, ಸರವಣಕುಮಾರ್ ಅದರ ಅಡಿಯಲ್ಲಿ ಸಿಲುಕಿಕೊಂಡಿದ್ದು, ಭಾಸ್ಕರನ್ ಅವರು ಸ್ಫೋಟದಿಂದಾಗಿ ಸುಟ್ಟಗಾಯಗಳಿಗೆ ಒಳಗಾಗಿದ್ದಾರೆ.
ಅಪಘಾತದ ಸ್ಥಳವನ್ನು ಪರಿಶೀಲಿಸಿದ ಕೈಗಾರಿಕಾ ಸುರಕ್ಷತೆ ಮತ್ತು ಆರೋಗ್ಯ ನಿರ್ದೇಶನಾಲಯದ ಅಧಿಕಾರಿಗಳು, ಹತ್ತಿರದ ಸ್ಥಾವರದಿಂದ ಅನಿಲ ಸೋರಿಕೆಯಾಗಿ ನಿಯಂತ್ರಣ ಕೊಠಡಿಯೊಳಗೆ ಅನಿಲ ಸಂಗ್ರಹವಾಗಿರಬಹುದೆಂದು ಹೇಳಿದ್ದಾರೆ. ಕೋಣೆಯೊಳಗಿನ ವಿದ್ಯುತ್ ಕಿಡಿ ಸ್ಫೋಟಕ್ಕೆ ಕಾರಣವಾಗಿರಬಹುದು ಎಂದು ಶಂಕಿಸಲಾಗಿದೆ.
ಆದಾಗ್ಯೂ, ನಿಖರವಾದ ಕಾರಣ ಇನ್ನೂ ತಿಳಿದುಬಂದಿಲ್ಲ. ಗ್ರೇಟರ್ ಚೆನ್ನೈ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ಘಟನೆಗೆ ಕಾರಣವಾದ ಸಂದರ್ಭಗಳನ್ನು ನಿರ್ಧರಿಸಲು ತನಿಖೆ ಆರಂಭಿಸಿದ್ದಾರೆ.
ಇದನ್ನೂಓದಿ: ಅಶ್ಲೀಲ ಹೇಳಿಕೆ: ಮಾರ್ಚ್‌ನಲ್ಲಿ ಮಹಿಳಾ ಆಯೋಗದ ಮುಂದೆ ಹಾಜರಾಗಲಿರುವ ಸಮಯ್ ರೈನಾ-ರಣವೀರ್
ಅಶ್ಲೀಲ ಹೇಳಿಕೆ: ಮಾರ್ಚ್‌ನಲ್ಲಿ ಮಹಿಳಾ ಆಯೋಗದ ಮುಂದೆ ಹಾಜರಾಗಲಿರುವ ಸಮಯ್ ರೈನಾ-ರಣವೀರ್
