ಚೀನಾದ ಪೀಪಲ್ಸ್ ಲಿಬರೇಶನ್ ಆರ್ಮಿ (ಪಿಎಲ್ಎ)ಯ ಚೀನಾದ ಪಡೆಗಳು ಅರುಣಾಚಲ ಪ್ರದೇಶದ ಅಂಜಾವ್ ಜಿಲ್ಲೆಯ ಭಾರತೀಯ ಭೂಪ್ರದೇಶದೊಳಗೆ ಕನಿಷ್ಠ 60 ಕಿಲೋಮೀಟರ್ ಪ್ರವೇಶಿಸಿವೆ ಎಂದು ವರದಿಯಾಗಿದೆ. ಅವರು ಜಿಲ್ಲೆಯ ಕಪಾಪು ಪ್ರದೇಶದಲ್ಲಿ ಸ್ವಲ್ಪ ಸಮಯ ಬಿಡಾರ ಹೂಡಿದ್ದಾರೆ ಎಂದು ರಾಷ್ಟ್ರೀಯ ಮಾಧ್ಯಮಗಳು ವರದಿ ಮಾಡಿವೆ.
ಸ್ಥಳದಲ್ಲಿ ಕಂಡುಬಂದಿರುವ ಬೆಂಕಿ, ಸ್ಪ್ರೇ-ಬಣ್ಣದ ಬಂಡೆಗಳು ಮತ್ತು ಚೈನೀಸ್ ಆಹಾರ ಸಾಮಗ್ರಿಗಳು ಸಾಮಾಜಿಕ ಮಾಧ್ಯಮದಲ್ಲಿ ಹಂಚಿಕೆಯಾಗುತ್ತಿವೆ, ಇತ್ತೀಚೆಗೆ ಈ ಪ್ರದೇಶದಲ್ಲಿ ಆಕ್ರಮಣ ನಡೆದಿದೆ ಎಂದು ಈ ಚಿತ್ರಗಳು ತೋರಿಸುತ್ತಿವೆ.
Chinese PLA incursion: Troops reportedly camp 60 km inside Indian Territory: Shall we declare Modi as betraying Bharat Mata’s honour? I demand breaking Ambassador level relationship with China. https://t.co/7nhqCgmCJA
— Subramanian Swamy (@Swamy39) September 11, 2024
ಅಕ್ಟೋಬರ್ 2018 ರ ಸಮಯದಲ್ಲಿ, ಸುಮಾರು 10 ಚೀನೀ ಸೈನಿಕರು ಭಾರತದೊಳಗೆ ಸುಮಾರು 14 ಕಿಮೀ ದೂರದಲ್ಲಿ, ದಿಬಾಂಗ್ ಕಣಿವೆಯ ಮಾಥು ಮತ್ತು ಎಮ್ರಾ ನದಿಗಳ ದಡದ ಬಳಿ ಪ್ರವೇಶಿಸಿದ್ದರು. ಅಲ್ಲಿ ಅವರು ತಮ್ಮ ಟೆಂಟ್ ಅನ್ನು ಸ್ಥಾಪಿಸಿ, ಕೆಲವು ಗಂಟೆಗಳ ಕಾಲ ಉಳಿದುಕೊಂಡಿದ್ದರು.
ಸೆಪ್ಟೆಂಬರ್ 2019 ರಲ್ಲಿ, ಈಸ್ಟರ್ ಅರುಣಾಚಲ ಪ್ರದೇಶದ ಸಂಸದೀಯ ಕ್ಷೇತ್ರದ ಸಂಸದ ಮತ್ತು ಬಿಜೆಪಿಯ ಅಂದಿನ ರಾಜ್ಯಾಧ್ಯಕ್ಷ ಅರುಣಾಚಲ ಪ್ರದೇಶದ ತಾಪಿರ್ ಗಾವೊ ಅವರು ಅರುಣಾಚಲ ಪ್ರದೇಶದ ಅಂಜಾವ್ ಜಿಲ್ಲೆಯಲ್ಲಿ ಚೀನಾದ ಒಳನುಗ್ಗುವಿಕೆಯ ವೀಡಿಯೊವನ್ನು ಹಂಚಿಕೊಂಡಿದ್ದರು.
ಅಂಜಾವ್ ಜಿಲ್ಲೆಯ ಇಬ್ಬರು ಯುವಕರಾದ ಬಟೆಲುಮ್ ಟಿಕ್ರೊ (35) ಮತ್ತು ಅವರ ಸೋದರಸಂಬಂಧಿ ಬೈನ್ಸಿ ಮನ್ಯು (37) ಎರಡು ವರ್ಷಗಳಿಂದ ನೈಜ ನಿಯಂತ್ರಣ ರೇಖೆಯ (ಎಲ್‌ಎಸಿ) ಸಮೀಪವಿರುವ ದೂರದ ಪ್ರದೇಶದಿಂದ ನಾಪತ್ತೆಯಾಗಿದ್ದಾರೆ. ಅವರ ಕುಟುಂಬವು ಚೀನಾದ ಪೀಪಲ್ಸ್ ಲಿಬರೇಷನ್ ಸೈನ್ಯ (ಪಿಎಲ್ಎ) ವಶದಲ್ಲಿದ್ದಾರೆ ಎಂದು ಹೇಳಿಕೊಂಡಿದ್ದಾರೆ.
ನವೆಂಬರ್ 2021 ರಲ್ಲಿ, ಅರುಣಾಚಲ ಪ್ರದೇಶದಲ್ಲಿ ಚೀನಾ ಎರಡನೇ ಗ್ರಾಮವನ್ನು (ಕನಿಷ್ಠ 60 ಕಟ್ಟಡಗಳ ಸಮೂಹ) ನಿರ್ಮಿಸಿದೆ. ಇದು ಭಾರತದೊಳಗೆ ಸುಮಾರು 6 ಕಿಲೋಮೀಟರ್ ನೈಜ ನಿಯಂತ್ರಣ ರೇಖೆ (ಎಲ್‌ಎಸಿ) ಮತ್ತು ಅಂತರರಾಷ್ಟ್ರೀಯ ಗಡಿಯ ನಡುವಿನ ಪ್ರದೇಶದಲ್ಲಿ ನಿರ್ಮಿಸಿದೆ. ವರದಿಗಳ ಪ್ರಕಾರ, ಅರುಣಾಚಲ ಪ್ರದೇಶದ ಶಿಯೋಮಿ ಜಿಲ್ಲೆಯಲ್ಲಿ ಮಾರ್ಚ್ 2019 ಮತ್ತು ಫೆಬ್ರವರಿ 2021 ರ ನಡುವೆ ನಿರ್ಮಿಸಲಾದ ಚೀನೀ ಗ್ರಾಮವಾಗಿದೆ.
ಆಗಸ್ಟ್ 2022 ರಲ್ಲಿ ಸಾಮಾಜಿಕ ಮಾಧ್ಯಮದಲ್ಲಿ ವ್ಯಾಪಕವಾಗಿ ಪ್ರಸಾರವಾದ ದೃಶ್ಯಗಳಲ್ಲಿ, ಪಿಎಲ್ಎ ಸೈನಿಕರು ಹಡಿಗ್ರಾ ಸರೋವರದ ಬಳಿ ಮೂಲಸೌಕರ್ಯ ಚಟುವಟಿಕೆಗಳನ್ನು ನಡೆಸುತ್ತಿರುವುದು ಕಂಡುಬಂದಿತ್ತು. ಸ್ಥಳದಲ್ಲಿ ಮೂರು ಅಗೆಯುವ ಯಂತ್ರಗಳು ಕಾರ್ಯನಿರ್ವಹಿಸುತ್ತಿದ್ದವು.
ಇದನ್ನೂ ಓದಿ; ಅನರ್ಹತೆ ಬಳಿಕ ಪ್ಯಾರಿಸ್‌ನಲ್ಲಿ ನನಗೆ ಯಾವುದೇ ಬೆಂಬಲ ಸಿಗಲಿಲ್ಲ: ವಿನೇಶಾ ಫೋಗಟ್
