ಅಮೆರಿಕದ ಪ್ರಸ್ತಾಪವನ್ನು ಒಪ್ಪಂದ ಕಾರಣ ಗಾಜಾಕ್ಕೆ ಎಲ್ಲಾ ಆಹಾರ ಮತ್ತು ಇತರ ಸರಬರಾಜುಗಳ ಪ್ರವೇಶವನ್ನು ಇಸ್ರೇಲ್ ನಿಲ್ಲಿಸಿದ್ದು ಜಗತ್ತಿನಾದ್ಯಂತ ತೀವ್ರ ಟೀಕೆಗೆ ಗುರಿಯಾಗಿದೆ. ಅದಾಗ್ಯೂ, ಕದನ ವಿರಾಮವನ್ನು ವಿಸ್ತರಿಸದಿದ್ದರೆ ಹೆಚ್ಚುವರಿ ಪರಿಣಾಮಗಳ ಬಗ್ಗೆ ಇಸ್ರೇಲ್ ಎಚ್ಚರಿಕೆ ನೀಡಿದೆ.
ಇಸ್ರೇಲ್ ಹಸಿವನ್ನು ಅಸ್ತ್ರವಾಗಿ ಬಳಸುವ ಮೂಲಕ ಮಾನವೀಯ ಕಾನೂನನ್ನು ಉಲ್ಲಂಘಿಸುತ್ತಿದೆ ಕದನ ವಿರಾಮದ ಮಧ್ಯವರ್ತಿಗಳಾದ ಈಜಿಪ್ಟ್ ಮತ್ತು ಕತಾರ್ ಭಾನುವಾರ ಎಂದು ಆರೋಪಿಸಿವೆ.
ತನ್ನ ಮೊದಲ ಕದನ ವಿರಾಮ ಹಂತವು ಕೊನೆಗೊಂಡ ನಂತರ ಇಸ್ರೇಲ್ ಮುಂದಿನ ಹಂತವನ್ನು ಹಳಿತಪ್ಪಿಸಲು ಪ್ರಯತ್ನಿಸುತ್ತಿದೆ ಎಂದು ಹಮಾಸ್ ಭಾನುವಾರ ಆರೋಪಿಸಿದೆ. ಇದು ಯುದ್ಧಾಪರಾಧವಾಗಿದ್ದು ಮತ್ತು ಕದನ ವಿರಾಮದ ಮೇಲಿನ ಅಸ್ಪಷ್ಟ ದಾಳಿ ಎಂದು ಇಸ್ರೇಲ್ನ ನಿರ್ಧಾರವನ್ನು ಹಮಾಸ್ ಬಣ್ಣಿಸಿದೆ.
ಎರಡನೇ ಹಂತದಲ್ಲಿ, ಗಾಜಾದಿಂದ ಇಸ್ರೇಲಿ ಸೇನೆಯ ಹಿಂತೆಗೆದುಕೊಳ್ಳುವಿಕೆ ಮತ್ತು ಶಾಶ್ವತ ಕದನ ವಿರಾಮಕ್ಕೆ ಪ್ರತಿಯಾಗಿ ಹಮಾಸ್ ಡಜನ್ಗಟ್ಟಲೆ ಉಳಿದ ಒತ್ತೆಯಾಳುಗಳನ್ನು ಬಿಡುಗಡೆ ಮಾಡಲಿದೆ.
ಎರಡನೇ ಹಂತದ ಮಾತುಕತೆ ಒಂದು ತಿಂಗಳ ಹಿಂದೆಯೇ ಆರಂಭವಾಗಬೇಕಿತ್ತು ಆದರೆ ಇನ್ನೂ ಆರಂಭವಾಗಿಲ್ಲ.
ವಾರಾಂತ್ಯದಲ್ಲಿ ಪ್ರಾರಂಭವಾದ ರಂಜಾನ್ ಮತ್ತು ಏಪ್ರಿಲ್ 20 ಕ್ಕೆ ಕೊನೆಗೊಳ್ಳುವ ಯಹೂದಿ ಪಾಸೋವರ್ ರಜಾದಿನದ ಮೂಲಕ ಕದನ ವಿರಾಮದ ಮೊದಲ ಹಂತವನ್ನು ವಿಸ್ತರಿಸಲು ಹೊಸದಾಗಿ ಅಮೆರಿಕ ಪ್ರಸ್ತಾಪ ಮಾಡಿದೆ ಎಂದು ಇಸ್ರೇಲ್ ಭಾನುವಾರ ಹೇಳಿದೆ.
ಅಮೆರಿಕದ ಪ್ರಸ್ತಾಪದಲ್ಲಿ, ಹಮಾಸ್ ಮೊದಲ ದಿನ ಅರ್ಧದಷ್ಟು ಒತ್ತೆಯಾಳುಗಳನ್ನು ಬಿಡುಗಡೆ ಮಾಡಬೇಕು ಮತ್ತು ಶಾಶ್ವತ ಕದನ ವಿರಾಮದ ಕುರಿತು ಒಪ್ಪಂದಕ್ಕೆ ಬಂದು ಉಳಿದವರನ್ನು ಬಿಡುಗಡೆ ಮಾಡಬೇಕಾಗಿದೆ ಎಂದು ಇಸ್ರೇಲಿ ಪ್ರಧಾನಿ ಬೆಂಜಮಿನ್ ನೆತನ್ಯಾಹು ಹೇಳಿದ್ದಾರೆ.
ಅದಾಗ್ಯೂ, ಪ್ರಸ್ತುತ ಹಮಾಸ್ ಬಳಿ 59 ಒತ್ತೆಯಾಳುಗಳು ಇದ್ದಾರೆ, ಅವರಲ್ಲಿ 35 ಮಂದಿ ಸತ್ತಿದ್ದಾರೆ ಎಂದು ನಂಬಲಾಗಿದೆ.
