“ಮಹಿಳೆಯರಿಗೆ ಕೆಲಸ ಮಾಡಲು ಸ್ವಾತಂತ್ರ್ಯ ಮತ್ತು ಎಲ್ಲಾ ಕ್ಷೇತ್ರಗಳಲ್ಲಿ ಸಮಾನ ಹಕ್ಕುಗಳನ್ನು ನೀಡುವುದು ಅತ್ಯಗತ್ಯ” ಎಂದು ರಾಷ್ಟ್ರೀಯ ಸ್ವಯಂಸೇವಕ ಸಂಘದ (ಆರ್ಎಸ್ಎಸ್) ಮುಖ್ಯಸ್ಥ ಮೋಹನ್ ಭಾಗವತ್ ಹೇಳಿದ್ದಾರೆ.
ಬುಧವಾರ ಮಹಾರಾಷ್ಟ್ರದ ನಾಗ್ಪುರದಲ್ಲಿ ನಡೆದ ವಾರ್ಷಿಕ ದಸರಾ ಕಾರ್ಯಕ್ರಮದಲ್ಲಿ ಮಾತನಾಡಿರುವ ಅವರು, “ನಮ್ಮ ಸ್ವಂತ ಕುಟುಂಬಗಳಲ್ಲಿನ ಬದಲಾವಣೆಗಳಿಂದ ಪ್ರಾರಂಭಿಸಿ, ನಾವು ಅದನ್ನು ಸಂಸ್ಥೆಯ ಮೂಲಕ ಸಮಾಜಕ್ಕೆ ಕೊಂಡೊಯ್ಯಬೇಕಾಗುತ್ತದೆ. ಮಹಿಳೆಯರ ಸಮಾನ ಸಹಭಾಗಿತ್ವವನ್ನು ಖಾತ್ರಿಪಡಿಸುವವರೆಗೆ ದೇಶದ ಪ್ರಗತಿಯ ಗುರಿ ತಲುಪಲು ಸಾಧ್ಯವಾಗುವುದಿಲ್ಲ” ಎಂದು ಅಭಿಪ್ರಾಯಪಟ್ಟಿದ್ದಾರೆ.
ಪರ್ವತಾರೋಹಿ ಸಂತೋಷ್ ಯಾದವ್ ಅವರನ್ನು ಕಾರ್ಯಕ್ರಮಕ್ಕೆ ಮುಖ್ಯ ಅತಿಥಿಯಾಗಿ ಆರ್ಎಸ್ಎಸ್ ಆಹ್ವಾನಿಸಿತ್ತು.
ನಾನುಗೌರಿ.ಕಾಂಗೆ ದೇಣಿಗೆ ನೀಡಿ ಬೆಂಬಲಿಸಿ
₹100 ₹200 ₹500 ₹1000 Others
“ಡಾಕ್ಟರ್ ಸಾಬ್ (ಡಾ.ಕೆ.ಬಿ.ಹೆಡಗೇವಾರ್) ಕಾಲದಿಂದಲೂ ಸಂಘದಲ್ಲಿ ಸಾಧಕರು, ಬುದ್ಧಿಜೀವಿಗಳ ಭಾಗವಾಗಿ ಮಹಿಳೆಯರು ಇದ್ದಾರೆ. ಆರ್ಎಸ್ಎಸ್ ಕಾರ್ಯಗಳಲ್ಲಿ ಸ್ಫೂರ್ತಿಯ ಮೂಲವಾಗಿ ಮಹಿಳೆಯರ ಉಪಸ್ಥಿತಿ ರೂಢಿಯಲ್ಲಿದೆ. ಅಂದು ನಮ್ಮ ಕಾರ್ಯಕ್ರಮದಲ್ಲಿ ಅನುಸಿಯಾಬಾಯಿ ಕಾಳೆ ಉಪಸ್ಥಿತರಿದ್ದರು. ನಂತರ, ಭಾರತೀಯ ಮಹಿಳಾ ಸಮ್ಮೇಳನದ ಮುಖ್ಯಸ್ಥೆ ರಾಜಕುಮಾರಿ ಅಮೃತ್ ಕೌರ್ ಕೂಡ ನಮ್ಮ ಶಿಬಿರದ ಭಾಗವಾಗಿದ್ದರು. 1934ರ ಡಿಸೆಂಬರ್ನಲ್ಲಿಯೂ ಮಹಿಳೆಯೊಬ್ಬರು ಮುಖ್ಯ ಅತಿಥಿಯಾಗಿದ್ದರು. ಇದು ಇಂದಿನವರೆಗೂ ನಡೆದುಕೊಂಡು ಬಂದಿದೆ” ಎಂದು ತಿಳಿಸಿದ್ದಾರೆ.
“ತುರ್ತು ಪರಿಸ್ಥಿತಿಯ ನಂತರ ಆರ್ಎಸ್ಎಸ್ನ ಅಕೋಲಾ ಕಾರ್ಯಕ್ರಮಕ್ಕೂ ಮಹಿಳೆಯೊಬ್ಬರು ಮುಖ್ಯ ಅತಿಥಿಯಾಗಿದ್ದರು. ಆಗ ನಾನು ಅಲ್ಲಿ ಪ್ರಚಾರಕನಾಗಿದ್ದೆ. ಆ ವಿಜಯದಶಮಿ ಕಾರ್ಯಕ್ರಮಕ್ಕೆ ಔರಂಗಾಬಾದ್ನ ಕುಮುದಾತಾಯಿ ರಂಗನೇಕರ್ ಮುಖ್ಯ ಅತಿಥಿಯಾಗಿದ್ದರು” ಎಂದು ಅವರು ಮಾಹಿತಿ ನೀಡಿದ್ದಾರೆ.
ಸಮಾಜವು ಪುರುಷರು ಮತ್ತು ಮಹಿಳೆಯರಿಂದ ಕೂಡಿದೆ ಎಂದು ಭಾಗವತ್ ಹೇಳಿದರು ಮತ್ತು “ಯಾರು ಶ್ರೇಷ್ಠರು ಎಂದು ನಾವು ಚರ್ಚಿಸುವುದಿಲ್ಲ”. “ಎರಡೂ ಇಲ್ಲದೆ ಸಮಾಜ ಅಸ್ತಿತ್ವದಲ್ಲಿರಲು ಸಾಧ್ಯವಿಲ್ಲ ಮತ್ತು ಏನನ್ನೂ ರಚಿಸಲಾಗುವುದಿಲ್ಲ ಎಂದು ನಮಗೆ ತಿಳಿದಿದೆ ಎಂದಿದ್ದಾರೆ.
“ಆದ್ದರಿಂದ ರಾಷ್ಟ್ರ ನಿರ್ಮಾಣದ ಕೆಲಸವನ್ನು ಪುರುಷರು ಮತ್ತು ಮಹಿಳೆಯರಿಗಾಗಿ ಇರುವ ವಿವಿಧ ಸಂಘಟನಾ ಘಟಕಗಳಿಂದ ಮಾಡಲಾಗುತ್ತದೆ, ಆದರೆ ಎಲ್ಲಾ ಸಾಮಾಜಿಕ ಕಾರ್ಯಗಳಲ್ಲಿ (ಸಂಘದಿಂದ ತೆಗೆದುಕೊಳ್ಳಲಾಗಿದೆ), ಪುರುಷರು ಮತ್ತು ಮಹಿಳೆಯರು ಒಟ್ಟಾಗಿ ಕೆಲಸ ಮಾಡುತ್ತಾರೆ” ಎಂದಿದ್ದಾರೆ.
ಸಮಾಜವನ್ನು ಸಂಘಟಿಸಬೇಕಾದರೆ ಮಹಿಳೆಯರು ಮತ್ತು ಅವರ ‘ಮಾತೃಶಕ್ತಿ’ಯನ್ನು ನಿರ್ಲಕ್ಷಿಸಲಾಗುವುದಿಲ್ಲ ಎಂದಿರುವ ಅವರು, “ನಾವು ಅವರನ್ನು ಬಲಪಡಿಸಬೇಕಾಗಿದೆ. ನಾವು ಅವರನ್ನು ತಾಯಿ ಎಂದು ಕರೆಯುತ್ತೇವೆ, ಜಗತ್ ಜನನಿ (ವಿಶ್ವದ ಸೃಷ್ಟಿಕರ್ತರು) ಎಂದು ಕಲ್ಪಿಸಿಕೊಳ್ಳುತ್ತೇವೆ. ಆದರೆ ಮಹಿಳೆಯರ ಕಾರ್ಯ ಚಟುವಟಿಕೆಯ ಕ್ಷೇತ್ರವನ್ನು ಸೀಮಿತಗೊಳಿಸಿದ್ದೇವೆ. ವಿದೇಶಿ ಆಕ್ರಮಣಕಾರರು ಬಂದಾಗ, ಈ ನಿರ್ಬಂಧಗಳು ನ್ಯಾಯಸಮ್ಮತತೆಯನ್ನು ಪಡೆದುಕೊಂಡವು. ದಾಳಿಕೋರರು ದೂರ ಹೋದರು, ಆದರೆ ನಾವು ನಿರ್ಬಂಧಗಳನ್ನು ಮುಂದುವರಿಸಿದೆವು. ನಾವು ಅವರನ್ನು ಎಂದಿಗೂ ಮುಕ್ತಗೊಳಿಸಲಿಲ್ಲ” ಎಂದು ಗಮನ ಸೆಳೆದಿದ್ದಾರೆ.
“ನಾವು ಅವರನ್ನು ಬ್ರಹ್ಮಾಂಡದ ಸೃಷ್ಟಿಕರ್ತರು ಎಂದು ಕಲ್ಪಿಸಿಕೊಳ್ಳುವುದು ಒಳ್ಳೆಯದು. ಆದರೆ ಅದಕ್ಕಾಗಿಯೇ ನಾವು ಅವರನ್ನು ಪ್ರಾರ್ಥನಾ ಕೋಣೆಯಲ್ಲಿ ಇರಿಸಬೇಕು ಎಂಬುದು ಒಳ್ಳೆಯದಲ್ಲ. ನಾವು ಅವರನ್ನು ಪ್ರಾರ್ಥನಾ ಕೋಣೆಯಲ್ಲಿ ಲಾಕ್ ಮಾಡುತ್ತಿದ್ದೇವೆ, ಎರಡನೇ ದರ್ಜೆ ಇಳಿಸಿ ಮನೆಯಲ್ಲಿ ಬಂಧಿಸಿದ್ದೇವೆ. ಇದನ್ನು ತೊಡೆದುಹಾಕಬೇಕು. ದೇಶೀಯ ಮತ್ತು ಸಾರ್ವಜನಿಕ ಕ್ಷೇತ್ರದಲ್ಲಿ ಸಮಾನ ಹಕ್ಕುಗಳನ್ನು, ನಿರ್ಧಾರ ತೆಗೆದುಕೊಳ್ಳುವಲ್ಲಿ ಸ್ವಾತಂತ್ರ್ಯವನ್ನು ನೀಡುವ ಮೂಲಕ ನಾವು ಅವರನ್ನು ಕ್ರಿಯಾಶೀಲರನ್ನಾಗಿ ಮಾಡಬೇಕು” ಎಂದು ಆಶಿಸಿದ್ದಾರೆ.
2017ರಲ್ಲಿ ಆರ್ಎಸ್ಎಸ್ ಮಹಿಳಾ ಕಾರ್ಯಕರ್ತರು ದೇಶದಲ್ಲಿ ‘ಮಾತೃಶಕ್ತಿ’ ಸಮೀಕ್ಷೆಯನ್ನು ನಡೆಸಿದರು. ಸಮಾಜದ ಎಲ್ಲಾ ವರ್ಗದ ಮಹಿಳೆಯರು ಸಮೀಕ್ಷೆಯಲ್ಲಿ ಸೇರಿದ್ದಾರೆ. ಸಮೀಕ್ಷೆಯನ್ನು ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್ ಉದ್ಘಾಟಿಸಿದರು ಎಂದು ಭಾಗವತ್ ಮಾಹಿತಿ ನೀಡಿದರು.
“ಗಂಡಸರು ಏನು ಮಾಡಬಲ್ಲನೋ ಅದನ್ನು ಮಹಿಳೆಯರೂ ಮಾಡಬಹುದು ಎಂಬುದು ಸಮೀಕ್ಷೆಯಿಂದ ತಿಳಿದುಬಂದಿದೆ. ಆದರೆ ಮಹಿಳೆಯರು ಮಾಡಬಹುದಾದ ಎಲ್ಲವನ್ನೂ ಪುರುಷರು ಮಾಡಲು ಸಾಧ್ಯವಿಲ್ಲ. ಆದ್ದರಿಂದ ಮಹಿಳೆಯರಿಗೆ ಕೆಲಸ ಮಾಡಲು ಸ್ವಾತಂತ್ರ್ಯ ಮತ್ತು ಎಲ್ಲಾ ಕ್ಷೇತ್ರಗಳಲ್ಲಿ ಸಮಾನ ಹಕ್ಕುಗಳನ್ನು ನೀಡುವುದು ಅನಿವಾರ್ಯವಾಗಿದೆ” ಎಂದಿದ್ದಾರೆ.
“ನಮ್ಮ ಸ್ವಂತ ಕುಟುಂಬಗಳಲ್ಲಿನ ಬದಲಾವಣೆಗಳಿಂದ ಪ್ರಾರಂಭಿಸಿ, ನಾವು ಅದನ್ನು ಸಂಘಟನೆಯ ಮೂಲಕ ಸಮಾಜಕ್ಕೆ ಕೊಂಡೊಯ್ಯಬೇಕಾಗುತ್ತದೆ. ಮಹಿಳೆಯರ ಸಮಾನ ಸಹಭಾಗಿತ್ವವನ್ನು ಖಾತ್ರಿಪಡಿಸುವವರೆಗೆ, ದೇಶದ ಪ್ರಗತಿಯನ್ನು ಗುರಿಯಾಗಿಟ್ಟುಕೊಂಡ ಪ್ರಯತ್ನಗಳು ಯಶಸ್ವಿಯಾಗುವುದಿಲ್ಲ” ಎಂದು ಸ್ಪಷ್ಟಪಡಿಸಿದ್ದಾರೆ.
ಇದನ್ನೂ ಓದಿರಿ: ಉತ್ತರ ಪ್ರದೇಶ: ವಿಗ್ರಹ ಮುಟ್ಟಿದ್ದಾನೆಂದು ದಲಿತ ವ್ಯಕ್ತಿಯ ಕೊಲೆ; ಆರೋಪ
“ನಮ್ಮ ಮಾತೃಭಾಷೆಗಳು ನರಳುತ್ತಿವೆ ಎಂದು ನಾವು ಕೊರಗುತ್ತಲೇ ಇದ್ದೇವೆ. ಈಗ ಮಾತೃಭಾಷೆಯಲ್ಲಿ ಶಿಕ್ಷಣವನ್ನು ಉತ್ತೇಜಿಸುವ ಹೊಸ ಶಿಕ್ಷಣ ನೀತಿ ಇದೆ. ಆದರೆ ನಾವು ನಮ್ಮ ಮಕ್ಕಳನ್ನು ನಮ್ಮ ಮಾತೃಭಾಷೆಯಲ್ಲಿ ಶಿಕ್ಷಣ ನೀಡುವ ಸಂಸ್ಥೆಗಳಿಗೆ ಕಳುಹಿಸುತ್ತಿದ್ದೇವೆಯೇ? ಉತ್ತಮ ವೃತ್ತಿಜೀವನವನ್ನು ಸಾಧಿಸಲು ಇಂಗ್ಲಿಷ್ ಶಿಕ್ಷಣದ ಅಗತ್ಯವಿದೆ ಎಂಬ ಪುರಾಣವಿದೆ. ಅದು ನಿಜವಲ್ಲ” ಎಂದಿದ್ದಾರೆ.
“ನಾವು ದೇಶದ ಉನ್ನತ ವ್ಯಕ್ತಿಗಳನ್ನು ಗಮನಿಸಿದರೆ, ಅವರಲ್ಲಿ ಸುಮಾರು 80 ಪ್ರತಿಶತದಷ್ಟು ಜನರು ಮೆಟ್ರಿಕ್ಯುಲೇಷನ್ ಮುಗಿಯುವವರೆಗೆ ತಮ್ಮ ಮಾತೃಭಾಷೆಯಲ್ಲಿ ಶಿಕ್ಷಣವನ್ನು ನೀಡುವ ಸಂಸ್ಥೆಗಳಲ್ಲಿ ಅಧ್ಯಯನ ಮಾಡಿದ್ದಾರೆ. ಎನ್ಇಪಿ ಹೊರತಾಗಿಯೂ, ನಾವು ನಮ್ಮ ಮಕ್ಕಳನ್ನು ನಮ್ಮ ಮಾತೃಭಾಷೆಯಲ್ಲಿ ಕಲಿಸುವ ಶಾಲೆಗಳಿಗೆ ಕಳುಹಿಸದಿದ್ದರೆ, ಈ ನೀತಿ ಎಂದಾದರೂ ಯಶಸ್ವಿಯಾಗುತ್ತದೆಯೇ” ಎಂದು ಪ್ರಶ್ನಿಸಿದ್ದಾರೆ.
ಎಂತೆಂತಾ ಗೂಬೆಗಳಿದ್ದರಲ್ಲವೇ, womwn reservation bill ಅನ್ನು ಇವರದೇ ಪಕ್ಷ 20 ವರುಷದಿಂದ ಪಾಸು ಮಾಡಿಲ್ಲಾ, ಮಾಡೋಕೆ ಹೇಳೋದಲ್ಲವೇ