ಲಡಾಖ್‌ನ ವಾಸ್ತವ ನಿಯಂತ್ರಣ ರೇಖೆಯಲ್ಲಿ (ಎಲ್‌ಎಸಿ) ಭಾರತ ಮತ್ತು ಚೀನಾ ನಡುವೆ ಉದ್ವಿಗ್ನತೆ ಹೆಚ್ಚಾಗುತ್ತಿರುವುದರಿಂದ ಹಾಗೂ ಮಿಲಿಟರಿ ಕಮಾಂಡರ್ಗಳ ನಡುವೆ ಇಲ್ಲಿಯವರೆಗೆ ಯಾವುದೇ ಮಾತುಕತೆಗಳನ್ನು ನಿಗದಿಪಡಿಸದ ಕಾರಣ, ಚೀನಾದ ಸೈನ್ಯವು ಪಾಂಗೊಂಗ್ ತ್ಸೋ ಪ್ರದೇಶದಲ್ಲಿ ತನ್ನ ಸ್ಥಾನಗಳನ್ನು ಬಲಪಡಿಸಲು ಪ್ರಾರಂಭಿಸಿದೆ.
ಫಿಂಗರ್ 4 ನಲ್ಲಿ ಹೆಲಿಪ್ಯಾಡ್ ನಿರ್ಮಾಣ ಸೇರಿದಂತೆ ಪಾಂಗೊಂಗ್ ತ್ಸೊದ ದಕ್ಷಿಣ ದಂಡೆಯಲ್ಲಿ ಚೀನಾದ ಸೈನ್ಯದ ಜಮಾವಣೆ ಹೆಚ್ಚಳಗೊಂಡಿದೆ.
“ಚೀನಿಯರು ಪಾಂಗೊಂಗ್ ತ್ಸೋ ಸರೋವರದ ಉತ್ತರ ದಂಡೆಯಲ್ಲಿ ತಮ್ಮ ಸ್ಥಾನಗಳನ್ನು ಬಲಪಡಿಸಲು ಪ್ರಾರಂಭಿಸಿದ್ದಾರೆ ಎಂಬುದು ಸರಿಯಾಗಿದೆ. ಕಳೆದ ಎಂಟು ವಾರಗಳಲ್ಲಿ ಅವರು ಮಾಡಿದ ಇತರ ಎಲ್ಲಾ ಮೂಲಸೌಕರ್ಯ ನಿರ್ಮಾಣಗಳ ಜೊತೆಗೆ ಫಿಂಗರ್ 4 ಪ್ರದೇಶದಲ್ಲಿ ಈಗ ಹೆಲಿಪ್ಯಾಡ್ ನಿರ್ಮಿಸಲಾಗುತ್ತಿದೆ” ಎಂದು ಅಧಿಕಾರಿಯೊಬ್ಬರು ಇಳಿಸಿದ್ದಾರೆಂದು ದಿ ಇಂಡಿಯನ್ ಎಕ್ಸ್‌ಪ್ರೆಸ್‌ ವರದಿ ಮಾಡಿದೆ.
ಮತ್ತೊಬ್ಬ ಅಧಿಕಾರಿ “ಚೀನಿಯರು ಏಪ್ರಿಲ್‌ನಲ್ಲಿದ್ದಂತೆ ಯಥಾಸ್ಥಿತಿಯನ್ನು ಪುನಃಸ್ಥಾಪಿಸುವ ಉದ್ದೇಶವಿಲ್ಲ ಎಂದು ನಮಗೆ ಹೇಳುತ್ತಿದ್ದಾರೆ. ಅದಕ್ಕಾಗಿಯೇ ಅವರು ಪಾಂಗೊಂಗ್ ತ್ಸೊದ ಬಗ್ಗೆ ಚರ್ಚಿಸಲು ಆಸಕ್ತಿ ಹೊಂದಿಲ್ಲ” ಎಂದು ಹೇಳಿದ್ದಾರೆ.
ಪ್ಯಾಂಗೊಂಗ್ ತ್ಸೊ ಮತ್ತು ಅದರ ಉತ್ತರ ದಂಡೆ ವಿವಾದಿತ ಪ್ರದೇಶವಾಗಿದೆ. ಆದರೆ ಪ್ರಸ್ತುತ ಉದ್ವಿಗ್ನತೆಗಳು ಸಂಭವಿಸುವ ಮೊದಲು, ಚೀನಿಯರು ಫಿಂಗರ್ 8 ನಲ್ಲಿ ಶಾಶ್ವತ ನೆಲೆಯನ್ನು ಹೊಂದಿದ್ದರು. ಅವರು ಈಗ ತಮ್ಮ ಪಶ್ಚಿಮಕ್ಕೆ ಎಂಟು ಕಿಲೋಮೀಟರ್ ದೂರದಲ್ಲಿರುವ ಫಿಂಗರ್ 4 ನಲ್ಲಿ ಪಿಲ್‌ಬಾಕ್ಸ್‌ಗಳು, ಬಂಕರ್‌ಗಳು ಮತ್ತು ಇತರ ಮೂಲಸೌಕರ್ಯಗಳನ್ನು ಸಹ ನಿರ್ಮಿಸಲಾಗಿದೆ.
ದೆಹಲಿಯ ಸೇನಾಧಿಕಾರಿಗಳು ಎರಡೂ ಕಡೆಯ ಮಿಲಿಟರಿ ಕಮಾಂಡರ್ಗಳ ನಡುವೆ ಈವರೆಗೆ ಹೆಚ್ಚಿನ ಮಾತುಕತೆಗಳನ್ನು ನಿಗದಿಪಡಿಸಿಲ್ಲ ಎಂದು ಖಚಿತಪಡಿಸಿದ್ದಾರೆ.
