ಜೂನ್ 5, ಗುರುವಾರ ರಾತ್ರಿ ಸೈಬರಾಬಾದ್‌ನ ಸೂರಾರಾಮ್ ಪೊಲೀಸ್ ಠಾಣೆ ವ್ಯಾಪ್ತಿಯ ಕೈಸರ್ ನಗರದಲ್ಲಿ, ಗೋರಕ್ಷಕರೆಂದು ಹೇಳಿಕೊಳ್ಳುವ ಇಬ್ಬರು ವ್ಯಕ್ತಿಗಳು ಡ್ರ್ಯಾಗರ್ ಹೊಂದಿರುವುದನ್ನು ಸ್ಥಳೀಯ ಜನರು ಮತ್ತೆಹಚ್ಚಿದ ನಂತರ ಉದ್ವಿಗ್ನತೆ ಉಂಟಾಗಿತ್ತು. ಇಬ್ಬರನ್ನೂ ಜನರು ಪೊಲೀಸರಿಗೆ ಒಪ್ಪಿಸಿದ್ದಾರೆ.
ಮಧ್ಯರಾತ್ರಿಯ ಸುಮಾರಿಗೆ ಸ್ಥಳೀಯ ಜಾನುವಾರು ವ್ಯಾಪಾರಿಗಳು ಅನುಮಾನಾಸ್ಪದವಾಗಿ ಜನರ ಗುಂಪೊಂದು ಓಡಾಡುತ್ತಿರುವುದನ್ನು ಕಂಡು ಬೈಕ್‌ನಲ್ಲಿದ್ದ ಇಬ್ಬರು ವ್ಯಕ್ತಿಗಳನ್ನು ಹಿಡಿದಾಗ ಈ ಘಟನೆ ಸಂಭವಿಸಿದೆ.
ಜನರು ಸೂರಾರಾಮ್ ಪೊಲೀಸರಿಗೆ ಈ ಬಗ್ಗೆ ಮಾಹಿತಿ ನೀಡಿದರು, ಗಸ್ತು ವಾಹನ ಸ್ಥಳಕ್ಕೆ ಬಂದು ಅನುಮಾಣಿತ ವ್ಯಕ್ತಿಗಳನ್ನು ವಶಕ್ಕೆ ಪಡೆದರು.
ಬಲ್ಕಂಪೇಟೆಯ ಈ ವ್ಯಕ್ತಿಗಳು ದನಗಳ ಮಾರಾಟದ ಬಗ್ಗೆ ತಿಳಿದುಕೊಂಡು ಖೈಸರ್‌ನಗರಕ್ಕೆ ಬಂದಿದ್ದಾರೆ ಎಂದು ಸ್ಥಳೀಯರು ತಿಳಿಸಿದ್ದಾರೆ.
ಯುವಕರ ಬೈಕ್ ಅನ್ನು ಪರಿಶೀಲಿಸಿದಾಗ ಒಂದು ದೊಡ್ಡ ಡ್ರ್ಯಾಗರ್ (ಕಠಾರಿ) ಪತ್ತೆಯಾಗಿದ್ದು, ಅದನ್ನು ಪೊಲೀಸರು ವಶಪಡಿಸಿಕೊಂಡಿದ್ದಾರೆ. ಉಳಿದವರು ಸ್ಥಳದಿಂದ ಪರಾರಿಯಾಗಿದ್ದಾರೆ.
ಘಟನೆಯ ಬಗ್ಗೆ ತಿಳಿದ ಕೂಡಲೇ ಭಾರಿ ಜನಸಮೂಹ ಜಮಾಯಿಸಿತು. ಪೊಲೀಸರು ತಕ್ಷಣ ಜನರನ್ನು ಚದುರಿಸಿದರು. ಇಬ್ಬರನ್ನೂ ಪೊಲೀಸ್ ಠಾಣೆಗೆ ಸ್ಥಳಾಂತರಿಸಲಾಯಿತು.
