ಭಾರತವು ಹಲವು ವರ್ಷಗಳಿಂದ ಹೆಚ್ಚಿನ ಸುಂಕದ ವ್ಯಾಪಾರವನ್ನು ಅಮೆರಿಕ ಮೇಲೆ ಹೇರುವ ಮೂಲಕ ನಮಗೆ ತೀವ್ರ ಹೊಡೆತ ನೀಡುತ್ತಿದೆ ಎಂದು ಡೊನಾಲ್ಡ್ ಟ್ರಂಪ್ ದೂರಿದ್ದಾರೆ.
ಕೆಲವೇ ದಿನಗಳಲ್ಲಿ ಭಾರತಕ್ಕೆ ಮೊದಲ ಬಾರಿಗೆ ಆಗಮಿಸುತ್ತಿರುವ ಅವರು ’ಈ ಸಂದರ್ಭದಲ್ಲಿ ಅಮೆರಿಕದ ಉತ್ಪನ್ನಗಳನ್ನು ಉತ್ತೇಜಿಸಲು ಪ್ರಧಾನಿ ನರೇಂದ್ರ ಮೋದಿಯವರೊಂದಿಗೆ ವ್ಯವಹಾರ ಮಾತನಾಡುತ್ತೇನೆ’ ಎಂದು ತಿಳಿಸಿದ್ದಾರೆ.
ಅಧ್ಯಕ್ಷ ಟ್ರಂಪ್ ಮತ್ತು ಅಮೆರಿಕದ ಪ್ರಥಮ ಮಹಿಳೆ ಮೆಲಾನಿಯಾರವರು ಎರಡು ದಿನಗಳ ಭಾರತ ಪ್ರವಾಸದ ಮೇರೆಗೆ ಫೆಬ್ರವರಿ 24 ಮತ್ತು 25 ರಂದು ಅಹಮದಾಬಾದ್, ಆಗ್ರಾ ಮತ್ತು ನವದೆಹಲಿಗೆ ಪ್ರಯಾಣಿಸಲಿದ್ದಾರೆ.
“ನಾನು ಮುಂದಿನ ವಾರ ಭಾರತಕ್ಕೆ ಹೋಗುತ್ತಿದ್ದೇನೆ ಮತ್ತು ನಾವು ವ್ಯಾಪಾರವನ್ನು ಮಾತನಾಡುತ್ತಿದ್ದೇವೆ. ಅವರು ಅನೇಕ ವರ್ಷಗಳಿಂದ ನಮ್ಮನ್ನು ತೀವ್ರವಾಗಿ ಹೊಡೆಯುತ್ತಿದ್ದಾರೆ” ಎಂದು ಟ್ರಂಪ್ ಗುರುವಾರ ಕೊಲೊರಾಡೋದಲ್ಲಿ ನಡೆದ ‘ಕೀಪ್ ಅಮೇರಿಕಾ ಗ್ರೇಟ್’ ರ್ಯಾಲಿಯಲ್ಲಿ ಹೇಳಿದ್ದಾರೆ.
“ಈಗ ನಾವು ಸ್ವಲ್ಪ ಮಾತನಾಡಬೇಕಾಗಿದೆ … ನಾವು ಸ್ವಲ್ಪ ವ್ಯವಹಾರವನ್ನು ಕುರಿತು ಮಾತನಾಡಬೇಕಾಗಿದೆ. ಅಮೆರಿಕಾದ ಮೇಲೆ ವಿಶ್ವದಲ್ಲೇ ಅತಿ ಹೆಚ್ಚು ತೆರಿಗೆಯನ್ನು ಹೇರಿರುವ ದೇಶ ಭಾರತವಾಗಿದೆ. ಇದು ನಮಗೆ ತೀವ್ರ ಹೊಡೆತ ನೀಡುತ್ತಿದೆ ಎಂದು ಅವರು ಹೇಳಿದ್ದಾರೆ.
“ನಾನು ಬಹುದೊಡ್ಡ ವ್ಯಾಪರ ಒಪ್ಪಂದವನ್ನು ಭಾರತದಿಂದ ನಿರಿಕ್ಷಿಸುತ್ತೇನೆ. ಬಹುಶಃ ಚುನಾವಣೆಯ ನಂತರ ನಾವು ಅದನ್ನು ಮಾಡುತ್ತೇವೆ ಎಂದು ಅವರು ಎರಡು ದಿನದ ಹಿಂದೆ ಹೇಳಿದ್ದರು.
“ಉತ್ತಮ ವ್ಯವಹಾರಗಳಾಗಿದ್ದರೆ ಮಾತ್ರ ನಾವು ಒಪ್ಪಂದಗಳನ್ನು ಮಾಡಿಕೊಳ್ಳುತ್ತೇವೆ. ಏಕೆಂದರೆ ನಾವು ಅಮೆರಿಕವನ್ನು ಮೊದಲ ಸ್ಥಾನದಲ್ಲಿರಿಸುತ್ತೇವೆ. ಜನರು ಇಷ್ಟಪಡುತ್ತಾರೋ ಇಲ್ಲವೋ, ನಾವು ಅಮೆರಿಕವನ್ನು ಮೊದಲ ಸ್ಥಾನದಲ್ಲಿರಿಸುತ್ತೇವೆ” ಎಂದು ಟ್ರಂಪ್ ಹೇಳಿದ್ದಾರೆ.