ಕಾನೂನು ಸುದ್ದಿ ವೆಬ್‌ಸೈಟ್ ಲೈವ್ ಲಾ ಸಲ್ಲಿಸಿದ ಮನವಿಯನ್ನು ಕೇರಳ ಹೈಕೋರ್ಟ್ ಇಂದು ವಿಚಾರಣೆ ನಡೆಸಿ, ಹೊಸ ಐಟಿ ನಿಯಮಗಳ ಬಗ್ಗೆ ಕೇಂದ್ರ ಮಾಹಿತಿ ಮತ್ತು ಪ್ರಸಾರ ಸಚಿವಾಲಯಕ್ಕೆ ನೋಟಿಸ್ ನೀಡಿದೆ.
ಹೊಸ ಐಟಿ ನಿಯಮಗಳನ್ನು “ಕಾನೂನುಬಾಹಿರ” ಮತ್ತು ಮೂಲಭೂತ ಹಕ್ಕುಗಳ “ಉಲ್ಲಂಘನೆ” ಎಂದು ಲೈವ್ ಲಾ ವರದಿ ಮಾಡಿತ್ತು. ಇದರ ವಿರುದ್ಧ ಕ್ರಮಕ್ಕೆ ಕೇಂದ್ರ ಸರ್ಕಾರ ಮುಂದಾಗಿತ್ತು.
ಮಾಹಿತಿ ತಂತ್ರಜ್ಞಾನದ ಭಾಗ -3 ನಿಯಮಗಳು, 2021 ರ ಅಡಿಯಲ್ಲಿ ಕಾನೂನು ಸುದ್ದಿ ವೆಬ್‌ಸೈಟ್ ಲೈವ್‌ಲಾ ವಿರುದ್ಧ ಕ್ರಮ ಕೈಗೊಳ್ಳುವುದನ್ನು ಈ ಆದೇಶ ತಡೆಯುತ್ತದೆ. ಭಾಗ-3 ಸಾಮಾಜಿಕ ಮಾಧ್ಯಮ ನೆಟ್‌ವರ್ಕ್‌ಗಳು, ವೆಬ್‌ಸೈಟ್‌ಗಳು, ಅಪ್ಲಿಕೇಶನ್‌ಗಳು ಮತ್ತು ಪೋರ್ಟಲ್‌ಗಳು, ಮಾಧ್ಯಮ ಹಂಚಿಕೆ ವೆಬ್‌ಸೈಟ್‌ಗಳು, ಬ್ಲಾಗ್‌ಗಳು, ಆನ್ಲೈನ್ ಚರ್ಚಾ ವೇದಿಕೆಗಳು ಮತ್ತು ಸರ್ಕಾರವು ವ್ಯಾಖ್ಯಾನಿಸಿರುವ ಇತರ ಮಧ್ಯಸ್ಥದಾರ ಕಂಪನಿಗಳು ಅನುಸರಿಸುವ ‘ಸರಿಯಾದ ಪರಿಶ್ರಮ’ಕ್ಕೆ ಸಂಬಂಧಿಸಿದೆ. ಇದು ಕುಂದುಕೊರತೆ ನಿವಾರಣಾ ಕಾರ್ಯವಿಧಾನ, ನಿಯಮಗಳು ಮತ್ತು ನಿಬಂಧನೆಗಳನ್ನು ಪ್ರಕಟಿಸುವುದು, ಗೌಪ್ಯತೆ ನೀತಿ ಮತ್ತು ಬಳಕೆದಾರರ ಒಪ್ಪಂದವನ್ನು ಒಳಗೊಂಡಿದೆ.
ಈ ಪ್ರಕರಣವನ್ನು ಮತ್ತಷ್ಟು ಆಲಿಸುವವರೆಗೆ ಮತ್ತು ಕೇಂದ್ರ ಸಚಿವಾಲಯದಿಂದ ಪ್ರತಿಕ್ರಿಯೆ ಬರುವವರೆಗೆ ಈ ವಿಭಾಗದ ಅಡಿಯಲ್ಲಿ ಲೈವ್ ಲಾ ವಿರುದ್ಧ ಯಾವುದೇ ಬಲವಂತದ ಕ್ರಮ ಕೈಗೊಳ್ಳಲಾಗದು ಎಂದು ಹೈಕೋರ್ಟ್ ಹೇಳಿದೆ.
ಹೊಸ ಐಟಿ ನಿಯಮಗಳನ್ನು ಭಾರತದ ಸಂವಿಧಾನದ ಪ್ರಕಾರ ನಿಗದಿಪಡಿಸಿದಂತೆ ಮೂಲಭೂತ ಹಕ್ಕುಗಳ “ಕಾನೂನುಬಾಹಿರ ಉಲ್ಲಂಘನೆಯಾಗಿದೆ” ಎಂದು ಘೋಷಿಸಬೇಕೆಂದು ಕೋರಿ ಲೈವ್‌ಲಾ ಸಲ್ಲಿಸಿದ್ದ ರಿಟ್ ಅರ್ಜಿಯನ್ನು ಹೈಕೋರ್ಟ್ ವಿಚಾರಣೆ ನಡೆಸಿತು.
ಇದನ್ನೂ ಓದಿ: ವಿದೇಶದಿಂದ ಬಸ್ ಖರೀದಿಯಲ್ಲೂ ಲಂಚ: ಎಲ್ಲ ಗೊತ್ತಿದ್ದರೂ ಮಲಗೇ ಇರುವ ದೊಡ್ಡ ಮೀಡಿಯಾ!
