ಮದುವೆ ಮೆರವಣಿಗೆಯಲ್ಲಿ ಕುದುರೆ ಸವಾರಿ ಮಾಡುತ್ತದ್ದ ದಲಿತ ವರನ ಮೇಲೆ ಜಾತಿ ನಿಂದನೆ ಮಾಡಿ ಹಲ್ಲೆ ನಡೆಸಿರುವ ಘಟನೆ ಮಧ್ಯಪ್ರದೇಶದ ಟಿಕಮ್ಗಢ ಜಿಲ್ಲೆಯ ಮೋಖ್ರಾ ಗ್ರಾಮದಲ್ಲಿ ನಡೆದಿದೆ. ಘಟನೆ ವಿರುದ್ಧ ಗ್ರಾಮದ ಮೂವರು ನಿವಾಸಿಗಳ ವಿರುದ್ಧ ಪ್ರಕರಣ ದಾಖಲಿಸಲಾಗಿದೆ ಎಂದು ದಿ ಇಂಡಿಯನ್ ಎಕ್ಸ್ಪ್ರೆಸ್ ಶನಿವಾರ ವರದಿ ಮಾಡಿದೆ. ಮಧ್ಯಪ್ರದೇಶ
ಭನ್ ಕುನ್ವರ್ ರಾಜಾ ಪರ್ಮಾರ್ ಮತ್ತು ಇತರ ಇಬ್ಬರು – ಸೂರ್ಯ ಪಾಲ್ ಮತ್ತು ಡ್ರಿಗ್ಪಾಲ್ – ಶುಕ್ರವಾರ ಜಿತೇಂದ್ರ ಅಹಿರ್ವರ್ ಎಂಬ ದಲಿತ ಸಮುದಾಯದ ಯುವಕನ ಮೇಲೆ ಕಲ್ಲುಗಳಿಂದ ಹಲ್ಲೆ ನಡೆಸಿದ್ದಾರೆ ಎಂದು ಆರೋಪಿಸಲಾಗಿದೆ. ದುಷ್ಕರ್ಮಿಗಳು ಪರ್ಮಾರ್ ಅಹಿರ್ವರ್ ಮೇಲೆ ಜಾತಿವಾದಿ ನಿಂದನೆಗಳನ್ನು ಕೂಗಿದ್ದಾರೆ ಮತ್ತು “ಕೆಳಜಾತಿಯ ವ್ಯಕ್ತಿ” ಕುದುರೆ ಸವಾರಿ ಮಾಡಬಾರದು ಎಂದು ಹೇಳಿದ್ದಾಗಿ ವರದಿ ಹೇಳಿದೆ.
“ನಾವು ಪ್ರದೇಶದ ಮೂಲಕ ಹಾದುಹೋಗುವಾಗ ಅವರು ನಮ್ಮನ್ನು ತಡೆದು, ಕಲ್ಲುಗಳನ್ನು ಎಸೆದು, ಕುದುರೆಯನ್ನು ಇಳಿಸಿ ಬರಿಗಾಲಿನಲ್ಲಿ ನಡೆಯಲು ಹೇಳಿದರು. ಅವರು ನಮ್ಮನ್ನು ಅವಮಾನಿಸಿದ್ದು, ನಾವು ಅವರ ಮನೆಗಳ ಬಳಿ ಚಪ್ಪಲಿಗಳನ್ನು ಕೂಡಾ ಧರಿಸಬಾರದು ಎಂದು ಹೇಳಿದ್ದಾರೆ.” ಎಂದು ಅಹಿರ್ವರ್ ಆರೋಪಿಸಿದ್ದಾರೆ.
ಹಲ್ಲೆಯಲ್ಲಿ ನಾಲ್ವರಿಗೆ ಗಾಯ
ब्रेकिंग न्यूज़ #दलित समाज का दूल्हा घोड़े पर बैठकर नहीं निकल सकता
#टीकमगढ़ जिले में ग्राम मौखरा थाना बड़ागांव विधानसभा टीकमगढ़ में जातिवादी मानसिकता रखने वाले लोगों ने जितेंद्र अहिरवार की रछवाई गांव में से निकलने से रोका और पत्थराव किया और परिजनों के साथ मारपीट की।… pic.twitter.com/WMPnoP02VA
— Uma Shankar Patel (@OBCUMASHANKAR) April 25, 2025
ಅಹಿರ್ವರ್ ನೀಡಿದ ದೂರಿನ ಮೇರೆಗೆ ಮೂವರು ಆರೋಪಿಗಳ ವಿರುದ್ಧ ಎಫ್ಐಆರ್ ದಾಖಲಿಸಲಾಗಿದೆ. ಆರೋಪಿಗಳ ವಿರುದ್ಧ ಭಾರತೀಯ ನ್ಯಾಯ ಸಂಹಿತಾ ಸೆಕ್ಷನ್ಗಳ ಅಡಿಯಲ್ಲಿ ಹಲ್ಲೆ, ತಪ್ಪು ನಿಯಂತ್ರಣ, ಕ್ರಿಮಿನಲ್ ಬೆದರಿಕೆ ಮತ್ತು ಅಶ್ಲೀಲ ನಡವಳಿಕೆಯ ಅಡಿಯಲ್ಲಿ ಪ್ರಕರಣ ದಾಖಲಿಸಲಾಗಿದೆ ಎಂದು IANS ವರದಿ ಮಾಡಿದೆ.
ಪರ್ಮಾರ್ನನ್ನು ವಶಕ್ಕೆ ಪಡೆಯಲಾಗಿದ್ದು, ಇತರ ಇಬ್ಬರು ಶಂಕಿತರನ್ನು ಪತ್ತೆಹಚ್ಚಲು ಪ್ರಯತ್ನಗಳು ನಡೆಯುತ್ತಿವೆ ಎಂದು ಬಡಗಾಂವ್ ಧಸನ್ ಠಾಣೆಯ ಉಸ್ತುವಾರಿ ನರೇಂದ್ರ ವರ್ಮಾ ದಿ ಇಂಡಿಯನ್ ಎಕ್ಸ್ಪ್ರೆಸ್ಗೆ ತಿಳಿಸಿದ್ದಾರೆ. ಮಧ್ಯಪ್ರದೇಶ
ಇಲ್ಲಿ ಕ್ಲಿಕ್ ಮಾಡಿ
ಇದನ್ನೂಓದಿ: ರಾಜಸ್ಥಾನ | ಮಸೀದಿ ಹೊರಗೆ ಗುಂಪುಕಟ್ಟಿ ಪ್ರಚೋದನಕಾರಿ ಘೋಷಣೆ ಕೂಗಿದ ಬಿಜೆಪಿ ಶಾಸಕ; ಎಫ್ಐಆರ್
ರಾಜಸ್ಥಾನ | ಮಸೀದಿ ಹೊರಗೆ ಗುಂಪುಕಟ್ಟಿ ಪ್ರಚೋದನಕಾರಿ ಘೋಷಣೆ ಕೂಗಿದ ಬಿಜೆಪಿ ಶಾಸಕ; ಎಫ್ಐಆರ್
