ಸಹಸ್ತ್ರ ಸೀಮಾ ಬಾಲ್ನ (ಎಸ್ಎಸ್ಬಿ) ಮಹಾನಿರ್ದೇಶಕ ದಲ್ಜಿತ್ ಸಿಂಗ್ ಚೌಧರಿ ಅವರು ಗಡಿ ಭದ್ರತಾ ಪಡೆಯ ಡೈರೆಕ್ಟರ್ ಜನರಲ್ನ ಹೆಚ್ಚುವರಿ ಜವಾಬ್ದಾರಿಯನ್ನು ವಹಿಸಿಕೊಂಡರು ಎಂದು ಶನಿವಾರ ಬಿಡುಗಡೆಯಾದ ಹೇಳಿಕೆ ತಿಳಿಸಿದೆ.
ದಲ್ಜಿತ್ ಸಿಂಗ್ ಚೌಧರಿ ಅವರು ಉತ್ತರ ಪ್ರದೇಶ ಕೇಡರ್ನ ಭಾರತೀಯ ಪೊಲೀಸ್ ಸೇವೆಯ 1990 ರ ಬ್ಯಾಚ್ ಅಧಿಕಾರಿ. ಅವರ 34 ವರ್ಷಗಳ ಸೇವೆಯಲ್ಲಿ, ಅವರು ಉತ್ತರ ಪ್ರದೇಶದಲ್ಲಿ ವಿವಿಧ ಹುದ್ದೆಗಳಲ್ಲಿ ಸೇವೆ ಸಲ್ಲಿಸಿದ್ದಾರೆ. 2017 ರಿಂದ ಇಂಡೋ-ಟಿಬೆಟಿಯನ್ ಬಾರ್ಡರ್ ಪೋಲಿಸ್ (ಐಟಿಪಿಬಿ) ನಲ್ಲಿ ಎಡಿಜಿ ಮತ್ತು ಕೇಂದ್ರೀಯ ಮೀಸಲು ಪೊಲೀಸ್ ಪಡೆಗಳಲ್ಲಿ ಎಸ್ಡಿಜಿ ಆಗಿ ಕೇಂದ್ರ ಪ್ರತಿನಿಧಿಯಾಗಿ ಸೇವೆ ಸಲ್ಲಿಸುವ ವಿಶೇಷತೆಯನ್ನು ಹೊಂದಿದ್ದಾರೆ. ಅವರು ಜನವರಿ 23, 2024 ರಂದು ಡಿಜಿ ಎಸ್ಎಸ್ಬಿ ಪ್ರಭಾರವನ್ನು ವಹಿಸಿಕೊಂಡರು ಎಂದು ಪ್ರಕಟಣೆ ತಿಳಿಸಿದೆ.
ಅವರು ಹೆಸರಾಂತ ಶಾರ್ಫ್ ಶೂಟರ್ ಮತ್ತು ಸ್ಕೈಡೈವರ್. ವೃತ್ತಿಯಲ್ಲಿನ ಶೌರ್ಯಕ್ಕಾಗಿ 4 ಪೊಲೀಸ್ ಪದಕಗಳು, ಪ್ರತಿಭಾನ್ವಿತ ಸೇವೆಗಾಗಿ ಪೊಲೀಸ್ ಪದಕ, ವಿಶಿಷ್ಠ ಸೇವೆಗಾಗಿ ರಾಷ್ಟ್ರಪತಿಗಳ ಪೊಲೀಸ್ ಪದಕ ಮತ್ತು ಅತಿ ಉತ್ಕೃಷ್ಟ ಸೇವಾ ಪದಕವನ್ನು ಅವರಿಗೆ ನೀಡಲಾಗಿದೆ ಎಂದು ಪ್ರಕಟಣೆ ತಿಳಿಸಿದೆ.
ಇದನ್ನೂ ಓದಿ; ವಯನಾಡ್ ದುರಂತ | 350 ದಾಟಿದ ಮೃತರ ಸಂಖ್ಯೆ: ಮುಂದುವರಿದ ರಕ್ಷಣಾ ಕಾರ್ಯಾಚರಣೆ
