ರಾಜ್ಯದಲ್ಲಿ ನಡೆಯುತ್ತಿರುವ ಪರಿಶಿಷ್ಟ ಜಾತಿಗಳ ಸಮೀಕ್ಷೆಯ ಸಮಯದಲ್ಲಿ ‘ಸ್ಪರ್ಶ’ ಸಮುದಾಯವಾದ ಲಿಂಗಾಯತ ಜಂಗಮರನ್ನು ‘ಅಸ್ಪೃಶ್ಯ’ ಬೇಡ ಅಥವಾ ಬುಡ್ಗ ಜಂಗಮ ಎಂದು ಪರಿಗಣಿಸದಂತೆ ಆಹಾರ ಮತ್ತು ನಾಗರಿಕ ಸರಬರಾಜು ಸಚಿವ ಕೆ.ಎಚ್. ಮುನಿಯಪ್ಪ ಅವರು ಸರ್ಕಾರವನ್ನು ಒತ್ತಾಯಿಸಿದ್ದಾರೆ. ಒಳ ಮೀಸಲಾತಿ ಒದಗಿಸಲು ಪ್ರಾಯೋಗಿಕ ದತ್ತಾಂಶವನ್ನು ಸಂಗ್ರಹಿಸಲು ರಾಜ್ಯಾದ್ಯಂತ ಪರಿಶಿಷ್ಟ ಜಾತಿಗಳ ಸಮೀಕ್ಷೆ ನಡೆಯುತ್ತಿದ್ದು, ಈ ವೇಳೆ ಸಚವ ಮುನಿಯಪ್ಪ ಅವರು ತಮ್ಮ ಆತಂಕವನ್ನು ವ್ಯಕ್ತಪಡಿಸಿದ್ದಾರೆ. ಬೇಡ ಜಂಗಮ vs ಲಿಂಗಾಯತ ಜಂಗಮ
ಈ ಬಗ್ಗೆ ಅವರು ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರಿಗೆ ನಾಲ್ಕು ಪುಟಗಳ ಪತ್ರ ಪತ್ರ ಬರೆದಿದ್ದು, ಬೇಡ ಅಥವಾ ಬುಡ್ಗ ಜಂಗಮ ಎಂಬ ನಾಮಕರಣಗಳನ್ನು ಬಳಸಿಕೊಂಡು ತಮ್ಮನ್ನು ಪರಿಶಿಷ್ಟ ಜಾತಿಗಳೆಂದು ಗುರುತಿಸಿಕೊಳ್ಳುವ ಜನರನ್ನು ಎಣಿಸುವಾಗ ಸರ್ವೇಯರ್ಗಳು ವಿವೇಚನೆಯನ್ನು ಬಳಸಬೇಕು ಎಂದು ಮುನಿಯಪ್ಪ ಹೇಳಿದ್ದಾರೆ.
ಬೀದರ್, ಕಲಬುರಗಿ, ಯಾದಗಿರಿ, ರಾಯಚೂರು, ಬಳ್ಳಾರಿ, ತುಮಕೂರು ಮತ್ತು ಕೋಲಾರ ಜಿಲ್ಲೆಗಳಲ್ಲಿ ತೆಲುಗು ಮಾತನಾಡುವ ಬೇಡ-ಬುಡ್ಗ ಜಂಗಮರು ವಲಸೆ ಬಂದಿದ್ದಾರೆ ಎಂದು ಸ್ವತಃ ಎಸ್ಸಿ ಸಮುದಾಯದ ವ್ಯಕ್ತಿಯಾಗಿರುವ ಆಗಿರುವ ಮುನಿಯಪ್ಪ ಅವರು ಸಿದ್ದರಾಮಯ್ಯ ಅವರಿಗೆ ಬರೆದಿರುವ ಪತ್ರದಲ್ಲಿ ಹೇಳಿದ್ದಾರೆ. ಈ ಸಮುದಾಯವನ್ನು ಕರ್ನಾಟಕದಲ್ಲಿ ಪರಿಶಿಷ್ಟ ಜಾತಿಗಳ ಅಡಿಯಲ್ಲಿ ವರ್ಗೀಕರಿಸಲಾಗಿದೆ ಎಂದು ಅವರು ಹೇಳಿದ್ದಾರೆ.
“ಸಾಂಪ್ರದಾಯಿಕವಾಗಿ, ಬೇಡ-ಬುಡ್ಗ ಜಂಗಮರು ಹೊಲೆಯ ಮತ್ತು ಮಾದಿಗ ಸಮುದಾಯಗಳಿಗೆ ಅರ್ಚಕರು. ಮಾಳ ಜಂಗಮ ಸಮುದಾಯದ ಮಠಾಧೀಶರು ಅವರನ್ನು ಪೌರೋಹಿತ್ಯಕ್ಕೆ ದೀಕ್ಷೆ ನೀಡುತ್ತಾರೆ. ಅವರು ಭಿಕ್ಷೆ ಬೇಡುವುದು ಮತ್ತು ಭವಿಷ್ಯ ಹೇಳುವ ಮೂಲಕ ಜೀವನ ಸಾಗಿಸುತ್ತಾರೆ” ಎಂದು ಮುನಿಯಪ್ಪ ಹೇಳಿದ್ದು, ಬೇಡ-ಬುಡ್ಗ ಜಂಗಮರು ಮಾಂಸಾಹಾರಿಗಳು ಎಂದು ಹೇಳಿದ್ದಾರೆ.
ರಾಜ್ಯದಲ್ಲಿ ಬೇಡ-ಬುಡ್ಗ ಜಂಗಮರ ಜನಸಂಖ್ಯೆಯಲ್ಲಿನ “ಅಸ್ವಾಭಾವಿಕ” ಏರಿಕೆಯ ಬಗ್ಗೆ ಮುನಿಯಪ್ಪ ಆತಂಕ ವ್ಯಕ್ತಪಡಿಸಿದ್ದಾರೆ. 1961 ರಲ್ಲಿ, ಅವರ ಜನಸಂಖ್ಯೆ 5,141 ಆಗಿತ್ತು. ಈ ಸಂಖ್ಯೆ 1991 ರಲ್ಲಿ 1.21 ಲಕ್ಷ, 2011 ರಲ್ಲಿ 1.17 ಲಕ್ಷ ಮತ್ತು 2014 ರಲ್ಲಿ 4.10 ಲಕ್ಷವಾಯಿತು. ಎಂದು ಅವರು ತಿಳಿಸಿದ್ದಾರೆ.
“ಇತ್ತೀಚಿನ ವರ್ಷಗಳಲ್ಲಿ, ಲಿಂಗಾಯತ ಮತ್ತು ವೀರಶೈವ ಸಮುದಾಯಗಳ ‘ಸ್ಪರ್ಶ’ ಲಿಂಗಾಯತ ಜಂಗಮರು, ಪರಿಶಿಷ್ಟ ಜಾತಿಗಳ ಬೇಡ ಮತ್ತು ಬುಡ್ಗ ಜಂಗಮರು ಎಂದು ಹೇಳಿಕೊಂಡು ನಕಲಿ ಜಾತಿ ಪ್ರಮಾಣಪತ್ರಗಳನ್ನು ಪಡೆದುಕೊಂಡಿದ್ದಾರೆ ಮತ್ತು ಮೀಸಲಾತಿ ಸೌಲಭ್ಯಗಳನ್ನು ಪಡೆಯುತ್ತಿದ್ದಾರೆ” ಎಂದು ಮುನಿಯಪ್ಪ ಹೇಳಿದ್ದಾರೆ.
ಬೇಡ ಮತ್ತು ಬುಡ್ಗ ಜಂಗಮರು ಕರ್ನಾಟಕದ ಲಿಂಗಾಯತ ಜಂಗಮಗಿಂತ “ಸಂಪೂರ್ಣವಾಗಿ ಭಿನ್ನರಾಗಿದ್ದಾರೆ” ಎಂದು ಮುನಿಯಪ್ಪ ಕೆಎಸ್ ಸಿಂಗ್ ಅವರ ದಿ ಶೆಡ್ಯೂಲ್ಡ್ ಕ್ಯಾಸ್ಟ್ಸ್ ಅನ್ನು ಉಲ್ಲೇಖಿಸಿ ಹೇಳಿದ್ದಾರೆ.
“ಆದ್ದರಿಂದ, ಪರಿಶಿಷ್ಟ ಜಾತಿಗಳ ಸಮೀಕ್ಷೆಯ ಸಮಯದಲ್ಲಿ ಸರ್ವೇಯರ್ಗಳು ಬೇಡ ಮತ್ತು ಬುಡ್ಗ ಜಂಗಮರು ಎಂದು ಹೇಳಿಕೊಳ್ಳುವವರ ಸಾಮಾಜಿಕ ಮತ್ತು ಸಾಂಸ್ಕೃತಿಕ ಹಿನ್ನೆಲೆಯನ್ನು ಪರಿಶೀಲಿಸಬೇಕು” ಎಂದು ಮುನಿಯಪ್ಪ ಹೇಳಿದ್ದಾರೆ.
ಪರಿಶಿಷ್ಟ ಜಾತಿಗಳ ಸಮೀಕ್ಷೆಯು ಮೇ 5 ರಂದು ಪ್ರಾರಂಭವಾಗಿ ಮೇ 17 ರಂದು ಕೊನೆಗೊಳ್ಳಲಿದೆ. ಮನೆ-ಮನೆ ಸಮೀಕ್ಷೆಯಲ್ಲಿ ಭಾಗವಹಿಸದವರಿಗೆ ಮೇ 19-21 ರವರೆಗೆ ವಿಶೇಷ ಶಿಬಿರಗಳನ್ನು ನಡೆಸಲಾಗುವುದು. ಮೇ 19-23 ರವರೆಗೆ ಆನ್ಲೈನ್ ಸ್ವಯಂ ಘೋಷಣೆಗೆ ಅವಕಾಶವೂ ಇರುತ್ತದೆ.
ಇಲ್ಲಿ ಕ್ಲಿಕ್ ಮಾಡಿ
ಇದನ್ನೂಓದಿ: ಮಂಗಳೂರು ಕರಾವಳಿಯಲ್ಲಿ ಮುಳುಗುತ್ತಿದ್ದ ಹಡಗಿನಿಂದ ಆರು ಸಿಬ್ಬಂದಿ ರಕ್ಷಿಸಿದ ಭಾರತೀಯ ಕರಾವಳಿ ರಕ್ಷಣಾ ಪಡೆ
ಮಂಗಳೂರು ಕರಾವಳಿಯಲ್ಲಿ ಮುಳುಗುತ್ತಿದ್ದ ಹಡಗಿನಿಂದ ಆರು ಸಿಬ್ಬಂದಿ ರಕ್ಷಿಸಿದ ಭಾರತೀಯ ಕರಾವಳಿ ರಕ್ಷಣಾ ಪಡೆ
