ಮಾಜಿ ಹಣಕಾಸು ಸಚಿವ ಅರುಣ್ ಜೇಟ್ಲಿ ಅವರ ಪುತ್ರ ಹಾಗೂ ದೆಹಲಿ ಜಿಲ್ಲಾ ಕ್ರಿಕೆಟ್ ಸಂಸ್ಥೆಯ ಅಧ್ಯಕ್ಷರಾಗಿರುವ ರೋಹನ್ ಜೇಟ್ಲಿ ಅವರು ಮಹಿಳೆಯೊಬ್ಬಳಿಗೆ ಮದುವೆಯಾಗುವ ನೆಪದಲ್ಲಿ ಲೈಂಗಿಕ ದೌರ್ಜನ್ಯ ನಡೆಸಿದ್ದಾರೆ ಎನ್ನುವ ಆರೋಪ ಕೇಳಿಬಂದಿದೆ.
ಜ್ಯೋತ್ಸ್ನಾ ಸಹಾನಿ ಎಂಬ ಮಹಿಳೆ ಈ ಗಂಭೀರ ಆರೋಪ ಮಾಡಿದ್ದು, ”ರೋಹನ್ ಜೇಟ್ಲಿ ಮದುವೆಯ ನೆಪದಲ್ಲಿ ತನ್ನ ಮೇಲೆ ಲೈಂಗಿಕ ದೌರ್ಜನ್ಯ ನಡೆಸಿದ್ದಾರೆ. ಅವರು ದೆಹಲಿ ಜಿಲ್ಲಾ ಕ್ರಿಕೆಟ್ ಸಂಸ್ಥೆ(ಡಿಡಿಸಿಎ)ಯ ಅಧ್ಯಕ್ಷರಾಗಿದ್ದು ಅಲ್ಲಿಯೂ ಹಣ ದುರುಪಯೋಗ ಮಾಡಿದ್ದಾರೆ” ಎಂದು ಆರೋಪ ಮಾಡಿದ್ದಾರೆ.
ಈ ವಿಚಾರವಾಗಿ ಜೇಟ್ಲಿ ಮತ್ತು ಅವರ ಪತ್ನಿ ತನಗೆ ಜೀವ ಬೆದರಿಕೆ ಹಾಕಿದ್ದಾರೆ ಎಂದು ಮಹಿಳೆ ಆರೋಪಿಸಿದ್ದಾರೆ. ಆಪಾದಿತ ಸಂತ್ರಸ್ತೆ ವಿವರಗಳನ್ನು ಕಲೆಹಾಕಿರುವ ಇಮೇಲ್ ಅನ್ನು ಪತ್ರಕರ್ತೆ ಸಾಕ್ಷಿ ಜೋಶಿ ಬಹಿರಂಗಪಡಿಸಿದ್ದಾರೆ. ಈ ವಿಚಾರವಾಗಿ ಬಿಸಿಸಿಐಗೆ ಪತ್ರ ಬರೆಯಲಾಗಿದೆ.
#JyotsnaSahni ने लगाए #DDCA President #RohanJaitley पर गंभीर आरोप। यौन शोषण से लेकर भ्रष्टाचार, Misuse of DDCA funds,जान से मारने की धमकी,खिलाड़ियों का ‘Diamond gift’ लेकर चयन करने के गंभीर आरोप
ये ईमेल कल ही ज्योत्सना @JayShah @VVSLaxman281 #RogerBinny को भेज चुकी हैं https://t.co/5wIA6QPF1q pic.twitter.com/2Jegitjc0O— Sakshi Joshi (@sakshijoshii) February 23, 2023
ತಾನು ನಡೆದುಕೊಂಡು ಹೋಗುತ್ತಿದ್ದಾಗ ಇಬ್ಬರು ಪುರುಷರು ತನ್ನ ಬಳಿಗೆ ಬಂದು “ರೋಹನ್ ಜೊತೆಗಿನ ನನ್ನ ಸಂಬಂಧದ ಬಗ್ಗೆ ಯಾರಿಗಾದರೂ ಹೇಳಿದರೆ ನನಗೆ ಜೀವ ಬೆದರಿಕೆ ಹಾಕಿದರು” ಎಂದು ಮಹಿಳೆ ಪತ್ರದಲ್ಲಿ ಆರೋಪಿಸಿದ್ದಾರೆ.
ಇದೇ ಮಾದರಿಯಲ್ಲಿ ವ್ಯಕ್ತಿಯೊಬ್ಬ ತನ್ನನ್ನು ಕೊಲೆ ಮಾಡುವುದಾಗಿ ಬೆದರಿಕೆ ಹಾಕಿದ್ದಾನೆ ಎಂದು ಹೇಳಿರುವ ಮಹಿಳೆ, ”ರೋಹನ್ ಜೇಟ್ಲಿ ಮತ್ತು ಅವರ ಪತ್ನಿ ಮೆಹರುನಿಸ್ಸಾ ಅವರಿಂದ ನನ್ನ ಜೀವಕ್ಕೆ ಗಂಭೀರ ಬೆದರಿಕೆ ಇದೆ” ಎಂದು ಪತ್ರ ಬರೆದಲ್ಲಿ ಉಲ್ಲೇಖಿಸಿದ್ದಾರೆ.
