ಸಂಸತ್ತಿನಲ್ಲಿ ಕಾಂಗ್ರೆಸ್ ಮುಖ್ಯಸ್ಥ ಮಲ್ಲಿಕಾರ್ಜುನ ಖರ್ಗೆ ಅವರ ‘ಮದುವೆ’ ಮತ್ತು ‘ಪ್ರೀತಿ’ ಹೇಳಿಕೆಗೆ ಮಾಜಿ ಪ್ರಧಾನಿ ಮತ್ತು ರಾಜ್ಯಸಭಾ ಸಂಸದ ಎಚ್ಡಿ ದೇವೇಗೌಡ ಪ್ರತಿಕ್ರಿಯಿಸಿದ್ದಾರೆ.
ದೇವೇಗೌಡರು ಕಾಂಗ್ರೆಸ್ ಅನ್ನು “ಪ್ರೀತಿಸಿದರು” ಆದರೆ ಮೋದಿ (ಬಿಜೆಪಿ) ಜೊತೆ “ಮದುವೆಯಾದರು” (ವೋ ಮೊಹಬ್ಬತ್ ಹುಮಾರೆ ಸಾಥ್ ಕಿಯೇ, ಶಾದಿ ಮೋದಿ ಸಹಾಬ್ ಕೆ ಸಾಥ್) ಎಂದು ಖರ್ಗೆ ಹೇಳಿಕೆ ನೀಡಿದ್ದರು. ಇದಕ್ಕೆ ಪ್ರತಿಕ್ರಿಯಿಸಿದ ಗೌಡರು, ತಾವು ಕಾಂಗ್ರೆಸ್ ಜೊತೆ “ಬಲವಂತದ ಮದುವೆ” ಮಾಡಿಕೊಂಡಿರುವುದಾಗಿಯೂ, ಅದು “ದುರುದ್ದೇಶಪೂರಿತ ಸಂಬಂಧ”ವಾದ್ದರಿಂದ ಅವರಿಗೆ “ವಿಚ್ಛೇದನ” ನೀಡಬೇಕಾಯಿತು ಎಂದೂ ಹೇಳಿದ್ದಾರೆ.
ಕಾಂಗ್ರೆಸ್ ತನ್ನನ್ನು ಮತ್ತು ಪಕ್ಷದ ಇತರ ಕೆಲವು ನಾಯಕರನ್ನು “ಕೈಬಿಟ್ಟಿದೆ” ಎಂದು ಹೇಳಿದ ಅವರು, ಇದರಿಂದಾಗಿ “ಸ್ಥಿರ ಮೈತ್ರಿ”ಗಾಗಿ ಬಿಜೆಪಿಗೆ ಹೋಗಬೇಕಾಯಿತು. ಇದಲ್ಲದೆ, ಕಾಂಗ್ರೆಸ್ ಮೈತ್ರಿಕೂಟವನ್ನು ತೊರೆದದ್ದು ತಾನಲ್ಲ, ಬದಲಾಗಿ ಅವರೇ ಹೊರನಡೆದರು ಎಂದು ಉಲ್ಲೇಖಿಸಿದ್ದಾರೆ.
ಈ ಕುರಿತು ತಮ್ಮ ಅಧಿಕೃತ ಸಾಮಾಜಿಕ ಮಾಧ್ಯಮ ಎಕ್ಸ್ ಖಾತೆಯಲ್ಲಿ ಪೋಸ್ಟ್ ಹಂಚಿಕೊಂಡಿದ್ದು, “ನನ್ನ ಪ್ರೀತಿಯ ಮತ್ತು ದೀರ್ಘಕಾಲದ ಸ್ನೇಹಿತ ಮಲ್ಲಿಕಾರ್ಜುನ ಖರ್ಗೆ ಅವರು ಇಂದು ಸಂಸತ್ತಿನಲ್ಲಿ ನಾನು (ಕಾಂಗ್ರೆಸ್) ಅವರನ್ನು “ಪ್ರೀತಿಸುತ್ತಿದ್ದೆ” ಆದರೆ ಅಂತಿಮವಾಗಿ ಮೋದಿ ಜಿ (ಬಿಜೆಪಿ) ಅವರನ್ನು “ವಿವಾಹವಾದೆ” ಎಂದು ಹಗುರವಾದ ಕಾಮೆಂಟ್ ಮಾಡಿದ್ದಾರೆ.
ನಾನು ಹಾಗೆ ಏಕೆ ಮಾಡಿದೆ ಎಂಬುದಕ್ಕೆ ಕಾರಣ ತಿಳಿದಿಲ್ಲ ಎಂದು ಅವರು ಹೇಳಿದ್ದಾರೆ ನನ್ನ ಸ್ನೇಹಿತನಿಗೆ ಮದುವೆಯ ಭಾಷೆಯಲ್ಲಿ ನಾನು ಪ್ರತಿಕ್ರಿಯಿಸಿದರೆ, ನಾನು ಕಾಂಗ್ರೆಸ್ ಜೊತೆ “ಬಲವಂತದ ಮದುವೆ”ಯಲ್ಲಿದ್ದೆ ಆದರೆ ಅದು ನಿಂದನೀಯ ಸಂಬಂಧವಾಗಿರುವುದರಿಂದ ಅವರಿಗೆ “ವಿಚ್ಛೇದನ” ನೀಡಬೇಕಾಯಿತು ಎಂದು ನಾನು ಹೇಳಲು ಬಯಸುತ್ತೇನೆ.” ಎಂದು ತಿರುಗೇಟು ನೀಡಿದ್ದಾರೆ.
