2024ರ ಲೋಕಸಭೆ ಚುನಾವಣೆಗೆ ಪಶ್ಚಿಮ ಬಂಗಾಳದಿಂದ 42 ಅಭ್ಯರ್ಥಿಗಳನ್ನು ಘೋಷಿಸುವ ಮೂಲಕ ಮಮತಾ ಬ್ಯಾನರ್ಜಿ ಯಾವುದೇ ರಾಜಕೀಯ ನಾಯಕ ಅಥವಾ ಪಕ್ಷ ತನ್ನನ್ನು ನಂಬಬಾರದು ಎಂಬುದನ್ನು ಸಾಬೀತುಪಡಿಸಿದ್ದಾರೆ ಎಂದು ಕಾಂಗ್ರೆಸ್ ನಾಯಕ ಅಧೀರ್ ರಂಜನ್ ಚೌಧರಿ ಹೇಳಿದ್ದಾರೆ.
ತಾನು ‘ಇಂಡಿಯಾ ಬ್ಲಾಕ್‌’ನೊಂದಿಗೆ ಇಲ್ಲ ಎಂಬ ಸಂದೇಶವನ್ನು ಈ ಪಟ್ಟಿಯು ಪ್ರಧಾನಿ ಕಾರ್ಯಾಲಯಕ್ಕೆ ಕಳುಹಿಸುತ್ತದೆ. ಪಶ್ಚಿಮ ಬಂಗಾಳದ ಎಲ್ಲ 42 ಸ್ಥಾನಗಳಿಗೆ ತೃಣಮೂಲ ಭಾನುವಾರ 42 ಹೆಸರುಗಳನ್ನು ಘೋಷಿಸಿದ ನಂತರ ಈ ಹೇಳಿಕೆ ಬಂದಿದೆ. ಅಧೀರ್ ಅವರು ಪ್ರತಿನಿಧಿಸುತ್ತಿರುವ ಬಹರಂಪುರ ಕ್ಷೇತ್ರದಕ್ಕೆ ಟಿಎಂಸಿಯು ಮಾಜಿ ಕ್ರಿಕೆಟಿಗ ಯೂಸುಫ್ ಪಠಾಣ್ ಹೆಸರನ್ನು ಘೋಷಿಸಿದೆ. “ಮಮತಾ ಬ್ಯಾನರ್ಜಿ ಅಥವಾ ತೃಣಮೂಲ ಯೂಸುಫ್ ಪಠಾಣ್ ಅವರನ್ನು ಗೌರವಿಸಲು ಬಯಸಿದರೆ, ಅವರನ್ನು ರಾಜ್ಯಸಭೆಗೆ ಕಳುಹಿಸಬಹುದಿತ್ತು ಅಥವಾ ಯೂಸುಫ್ ಪಠಾಣ್ ಅವರಿಗೆ ಗುಜರಾತ್‌ನಲ್ಲಿ ಸ್ಥಾನವನ್ನು ಕೇಳಬಹುದಿತ್ತು” ಎಂದು ಅಧೀರ್ ಹೇಳಿದರು.
“ಮಮತಾ ಬ್ಯಾನರ್ಜಿ ಅವರು ಇಂಡಿಯಾ ಬಣದೊಂದಿಗೆ ನಿಂತರೆ, ಪ್ರಧಾನಿ ಮೋದಿ ಅವರು ಇಡಿ ಮತ್ತು ಸಿಬಿಐ ಅನ್ನು ಮನೆ ಮನೆಗೆ ಕಳುಹಿಸುತ್ತಾರೆ ಎಂದು ಹೆದರುತ್ತಾರೆ. ಹಾಗಾಗಿ ಈಗ ಅವರು ಪಿಎಂಒಗೆ ‘ನನ್ನ ಬಗ್ಗೆ ಅಸಮಾಧಾನಗೊಳ್ಳಬೇಡಿ, ನಾನು ಬಿಜೆಪಿ ವಿರುದ್ಧ ಮೈತ್ರಿಯೊಂದಿಗೆ ನಿಲ್ಲುವುದಿಲ್ಲ’ ಎಂದು ಸಂದೇಶವನ್ನು ಕಳುಹಿಸಿದ್ದಾರೆ ಎಂದು ಅಧೀರ್ ರಂಜನ್ ಹೇಳಿದ್ದಾರೆ.
ತೃಣಮೂಲದ ಬ್ರಿಗೇಡ್ ರ್ಯಾಲಿಯಿಂದ ಮಾಡಿದ 42 ಹೆಸರುಗಳ ಘೋಷಣೆಯು ಪಶ್ಚಿಮ ಬಂಗಾಳದಲ್ಲಿ ತೃಣಮೂಲ ಕಾಂಗ್ರೆಸ್‌ನೊಂದಿಗೆ ಮೈತ್ರಿ ಮಾಡಿಕೊಳ್ಳುತ್ತದೆ ಎಂಬ ಊಹಾಪೋಹಗಳನ್ನು ಕೊನೆಗೊಳಿಸಿತು. ಇದು ಸೀಟು ಹಂಚಿಕೆಗೆ ಅಡ್ಡಿಯಾಯಿತು. ಬಂಗಾಳದಲ್ಲಿ ಕಾಂಗ್ರೆಸ್‌ಗೆ 3-4 ಕ್ಕಿಂತ ಹೆಚ್ಚು ಸ್ಥಾನಗಳನ್ನು ನೀಡಲು ತೃಣಮೂಲ ಒಪ್ಪಲಿಲ್ಲ. ಇಷ್ಟೆಲ್ಲಾ ಆದರೂ, ಟಿಎಂಸಿ ಮಾತ್ರ ಪಶ್ಚಿಮ ಬಂಗಾಳದಲ್ಲಿ ಮೈತ್ರಿ ಮುಗಿದಿದೆ ಎಂದು ಇನ್ನೂ ಅಧಿಕೃತ ಘೋಷಣೆ ಮಾಡಿಲ್ಲ.
ಪಶ್ಚಿಮ ಬಂಗಾಳದಲ್ಲಿ ಟಿಎಂಸಿಯೊಂದಿಗೆ ಬಿಜೆಪಿ ವಿರುದ್ಧ ಹೋರಾಡಲು ಪಕ್ಷವು ಬಯಸಿದೆ ಎಂದು ಪ್ರಧಾನ ಕಾರ್ಯದರ್ಶಿ ಜೈರಾಮ್ ರಮೇಶ್ ಹೇಳಿದ್ದಾರೆ. ಟಿಎಂಸಿ ನಡೆಯಿಂದ ಕಾಂಗ್ರೆಸ್‌ಗೆ ಆಶ್ಚರ್ಯವಾಗಿದೆ; ಈ ರೀತಿಯ ಏಕಪಕ್ಷೀಯ ಘೋಷಣೆಗಳನ್ನು ಮಾಡಲು ತೃಣಮೂಲದ ಮೇಲೆ ಯಾವ ಒತ್ತಡ ಇದ್ದಿರಬಹುದೆಂದು ತನಗೆ ತಿಳಿದಿಲ್ಲ ಎಂದು ಅವರು ಹೇಳಿದರು.
ಇಂಡಿಯಾ ಬ್ಲಾಕ್‌ನಿಂದ ನಿರ್ಗಮಿಸುವ ಬಗ್ಗೆ ಮಮತಾ ಸ್ಪಷ್ಟಪಡಿಸಲಿಲ್ಲ. ವಾಸ್ತವವಾಗಿ, ಟಿಎಂಸಿ ಇತರ ರಾಜ್ಯಗಳಲ್ಲಿ ಮೈತ್ರಿ ಹೊಂದಿದೆ. ‘ನಾವು ಸಮಾಜವಾದಿ ಪಕ್ಷದೊಂದಿಗೆ ಮೈತ್ರಿ ಮಾಡಿಕೊಂಡು ಉತ್ತರ ಪ್ರದೇಶದಲ್ಲಿ ಒಂದು ಸ್ಥಾನಕ್ಕೆ ಸ್ಪರ್ಧಿಸುತ್ತೇವೆ. ನಾನು ಅಖಿಲೇಶ್ (ಯಾದವ್) ಜೊತೆ ಮಾತನಾಡಿದ್ದೆವು. ನಾವು ಮೇಘಾಲಯದಲ್ಲಿ ವಿರೋಧ ಪಕ್ಷವಾಗಿದ್ದೇವೆ; ನಾವು ಅಲ್ಲಿ ಮತ್ತು ಅಸ್ಸಾಂನಲ್ಲಿಯೂ ಸ್ಪರ್ಧಿಸುತ್ತೇವೆ’ ಎಂದು ಮಮತಾ ಹೇಳಿದರು.
ಇದನ್ನೂ ಓದಿ; ಜೈಲಿಗೆ ಹೋಗುತ್ತಿದ್ದ ಕಳ್ಳರು ಈಗ ಬಿಜೆಪಿ ಸೇರುತ್ತಿದ್ದಾರೆ, ಇದೆ ‘ಮೋದಿ ಗ್ಯಾರಂಟಿ’: ಅಭಿಷೇಕ್ ಬ್ಯಾನರ್ಜಿ
