ರಷ್ಯಾದ ಪ್ರಮುಖ ಟಿವಿ ಚಾನೆಲ್ ‘ಚಾನೆಲ್ ಒನ್’ನ ಮಿಲಿಟರಿ ವರದಿಗಾರ್ತಿ ಬುಧವಾರ ಉಕ್ರೇನ್ ಗಡಿಯಲ್ಲಿ ಗುಂಡಿ ದಾಳಿಗೆ ಬಲಿಯಾಗಿದ್ದಾರೆ ಎಂದು ಅವರ ಸಂಸ್ಥೆ ಮಾಲೀಕರು ತಿಳಿಸಿದ್ದಾರೆ. ಈ ಘಟನೆಯು ರಷ್ಯಾದ ಗಡಿಯ ಬೆಲ್ಗೊರೊಡ್ ಪ್ರದೇಶದಲ್ಲಿ ನಡೆದಿದೆ ಎಂದು ಚಾನೆಲ್ ಖಚಿತಪಡಿಸಿದೆ.
“ಚಾನೆಲ್ ಒನ್ ಯುದ್ಧ ವರದಿಗಾರ್ತಿ ಅನ್ನಾ ಪ್ರೊಕೊಫೀವಾ ತಮ್ಮ ಕರ್ತವ್ಯನಿರತರಾಗಿದ್ದಾಗ ನಿಧನರಾದರು” ಎಂದು ಟಿವಿ ಚಾನೆಲ್ ಹೇಳಿಕೆಯಲ್ಲಿ ಬರೆದಿದೆ.
ಪತ್ರಕರ್ತೆ ಅನ್ನಾ ಪ್ರೊಕೊಫೀವಾ ಸಹೋದ್ಯೋಗಿ, ಕ್ಯಾಮೆರಾಮನ್ ಡಿಮಿಟ್ರಿ ವೋಲ್ಕೊವ್ ಅವರೂ ಸಹ ಗಾಯಗೊಂಡಿದ್ದಾರೆ ಎಂದು ಚಾನೆಲ್ ಹೇಳಿದೆ.
ಪ್ರೊಕೊಫೀವಾ ಅವರಿಗೆ 35 ವರ್ಷ ವಯಸ್ಸಾಗಿದ್ದು, 2023 ರಿಂದ ಚಾನೆಲ್ನೊಂದಿಗೆ ಉಕ್ರೇನ್ ಸಂಘರ್ಷವನ್ನು ವರದಿ ಮಾಡುತ್ತಿದ್ದರು ಎಂದು ಅದು ಹೇಳಿದೆ.
ಟೆಲಿಗ್ರಾಮ್ನಲ್ಲಿ ಅವರ ಕೊನೆಯ ಪೋಸ್ಟ್ ಮಂಗಳವಾರ ಪೋಸ್ಟ್ ಮಾಡಲಾಗಿದೆ. ಅವರು ಕಾಡಿನಲ್ಲಿ, ಮಿಲಿಟರಿ ಸಮವಸ್ತ್ರದಲ್ಲಿ ಕುರ್ಚಿಯ ಮೇಲೆ ಕುಳಿತು ತಲೆಗೆ ಜೋಡಿಸಲಾದ ಕ್ಯಾಮೆರಾ ಧರಿಸಿ ಕಾಣಿಸಿಕೊಂಡಿದ್ದಾರೆ.
ಮೂರು ವರ್ಷಗಳ ಸಂಘರ್ಷದಲ್ಲಿ ಹಲವಾರು ರಷ್ಯಾದ ಪತ್ರಕರ್ತರು ಸಾವನ್ನಪ್ಪಿದ್ದಾರೆ. ಸೋಮವಾರ ರಷ್ಯಾದ ಪ್ರಮುಖ ಕ್ರೆಮ್ಲಿನ್ ಪರ ಪತ್ರಿಕೆ ಇಜ್ವೆಸ್ಟಿಯಾದ ಯುದ್ಧ ವರದಿಗಾರ ಉಕ್ರೇನ್ನ ಖಾರ್ಕಿವ್ ಪ್ರದೇಶದಲ್ಲಿ ನಿಧನರಾದರು.
ಫೆಬ್ರವರಿ 2022 ರಲ್ಲಿ ಯುದ್ಧ ಪ್ರಾರಂಭವಾದಾಗಿನಿಂದ ಕನಿಷ್ಠ 21 ಪತ್ರಕರ್ತರು ಸಾವನ್ನಪ್ಪಿದ್ದಾರೆ ಎಂದು ಅಂತರರಾಷ್ಟ್ರೀಯ ಪತ್ರಕರ್ತರ ಒಕ್ಕೂಟ ತಿಳಿಸಿದೆ.
ಠಾಣೆಗೆ ಹಾಜರಾಗಲು ಸಮಯಾವಕಾಶ ಕೋರಿದ ಕುನಾಲ್ ಕಮ್ರಾ; ಮನವಿ ತಿರಸ್ಕರಿಸಿದ ಮುಂಬೈ ಪೊಲೀಸರು
