ಕೊರೊನಾ ಸಂಕಷ್ಟದಲ್ಲಿ ಶಾಲೆ-ಕಾಲೇಜುಗಳು ಬಾಗಿಲು ಮುಚ್ಚಿವೆ. ಈ ನಡುವೆ ಆನ್ಲೈನ್ ಶಿಕ್ಷಣ ಶುರುವಾಗಿ ಉಳ್ಳವರು ಶಿಕ್ಷಣ ಪಡೆಯುತ್ತಿದ್ದರೆ, ಉಳಿದ ಅದೇಷ್ಟೊ ಮಕ್ಕಳು ಶಿಕ್ಷಣದಿಂದ ವಂಚಿತರಾಗಿದ್ದಾರೆ. ಬಡತನ, ಲ್ಯಾಪ್ಟಾಪ್ಗಳ ಕೊರತೆ, ನೆಟ್ವರ್ಕ್ ಇಲ್ಲದೆ ಇರುವುದು, ಹಳ್ಳಿಗಳ ಮಕ್ಕಳಿಗೆ ಇರುವ ಸಮಸ್ಯೆಗಳು ಒಂದೆರಡಲ್ಲ.
ಈ ಎಲ್ಲದರ ನಡುವೆ ಕೆಲ ಶಿಕ್ಷಕರು ಮಕ್ಕಳಿಗೆ ಶಿಕ್ಷಣ ನೀಡಲು ಹಲವು ಕ್ರಮಗಳು, ಪ್ರಯತ್ನಗಳನ್ನು ಮಾಡುತ್ತಿದ್ದಾರೆ. ಛತ್ತಿಸ್ಘಡದ ಕೊರಿಯಾ ಜಿಲ್ಲೆಯ ಸರ್ಕಾರಿ ಶಾಲಾ ಶಿಕ್ಷಕ ರುದ್ರ ರಾಣಾ ಅವರು ವಿದ್ಯಾರ್ಥಿಗಳಿರುವಲ್ಲೇ ಹೋಗಿ ಪಾಠ ಮಾಡುತ್ತಿದ್ದಾರೆ.
ಇದನ್ನೂ ಓದಿ: ಪ್ರಧಾನಿಗೆ ವ್ಯಂಗ್ಯವಾಗಿ ಶುಭಾಶಯ ತಿಳಿಸಿದ ಎಚ್ಡಿಕೆ, ಸಿದ್ದರಾಮಯ್ಯ!
ಶಿಕ್ಷಕ ರುದ್ರ ರಾಣಾ ತನ್ನ ಬೈಕ್ನಲ್ಲಿ ಕಪ್ಪು ಹಲಗೆ, ಫಲಕಗಳೊಂದಿಗೆ ಹಳ್ಳಿಗಳಿಗೆ ಪ್ರಯಾಣಿಸುತ್ತಾರೆ. ವಿದ್ಯಾರ್ಥಿಗಳನ್ನು ಒಟ್ಟುಗೂಡಿಸಿ ಅಲ್ಲೇ ಪಾಠ ಮಾಡುತ್ತಾರೆ. ಈ ತರಗತಿಗಳಿಗೆ ’ಮೊಹಲ್ಲಾ’ ತರಗತಿಗಳು ಎನ್ನುತ್ತಾರೆ.
“ನಾನು, ಕಪ್ಪು ಹಲಗೆ, ಪುಸ್ತಕಗಳು ಮತ್ತು ಫಲಕಗಳನ್ನೂ ಸಹ ನನ್ನ ಬಳಿ ಇಟ್ಟುಕೊಂಡಿದ್ದೇನೆ. ಶಾಲೆಯಲ್ಲಿರುವಂತೆಯೇ ನಾನು ಗಂಟೆ ಬಾರಿಸುತ್ತೇನೆ ಮತ್ತು ನಂತರ ವಿದ್ಯಾರ್ಥಿಗಳು ಬರುತ್ತಾರೆ, ನಂತರ ಪ್ರಾರ್ಥನೆಯನ್ನು ಮಾಡುತ್ತಾರೆ ಮತ್ತು ನಾವು ಪಠ್ಯಕ್ರಮದ ಪ್ರಕಾರ ತರಗತಿ ಪ್ರಾರಂಭಿಸುತ್ತೇವೆ” ಎಂದು ಎಎನ್ಐ ಜೊತೆಗೆ ಮಾತನಾಡಿದ್ದಾರೆ.
“ನಾನು ಒಂದು ಪ್ರದೇಶದಿಂದ ಮತ್ತೊಂದು ಪ್ರದೇಶಕ್ಕೆ ಪ್ರಯಾಣಿಸುತ್ತೇನೆ, ವಿದ್ಯಾರ್ಥಿಗಳನ್ನು ಒಟ್ಟುಗೂಡಿಸುತ್ತೇನೆ ಮತ್ತು ಕೊರೊನಾ ವೈರಸ್ ಮತ್ತು ಅದರ ವಿಷಯಗಳ ಬಗ್ಗೆ ಅವರಿಗೆ ಶಿಕ್ಷಣ ನೀಡುತ್ತೇನೆ. ಸ್ಥಳೀಯರು ಈ ಕ್ರಮವನ್ನು ಮೆಚ್ಚುತ್ತಿದ್ದಾರೆ. ವಿದ್ಯಾರ್ಥಿಗಳು ಸಹ ಮುಂದೆ ಬಂದು ಆಸಕ್ತಿ ತೋರಿಸುತ್ತಿದ್ದಾರೆ” ಎಂದು ರಾಣಾ ಹೇಳಿದ್ದಾರೆ.
ಇದನ್ನೂ ಓದಿ: ರಾಜ್ಯೋತ್ಸವ ಪ್ರಶಸ್ತಿಗಾಗಿ ಅರ್ಜಿ ಹಾಕದಿರಲು ಹೋರಾಟಗಾರ ರಾಮಕೃಷ್ಣಪ್ಪ ನೀಡಿದ ಒಂಬತ್ತು ಕಾರಣಗಳು
ಶಿಕ್ಷಕರು ನಮಗೆ ವಿಭಿನ್ನ ವಿಚಾರಗಳನ್ನು ಕಲಿಸುತ್ತಾರೆ. ನಂತರ ನಾವು ಅವುಗಳನ್ನು ನಮ್ಮದೇ ಆದ ರೀತಿಯಲ್ಲಿ ಅಧ್ಯಯನ ಮಾಡುತ್ತೇವೆ. ನಾವು ಶಾಲೆ ಯನ್ನು ಮಿಸ್ ಮಾಡಿಕೊಳ್ಳುತ್ತಿದ್ದೇವೆ. ಆದರೆ ಸರ್ ನಡೆಸುವ ಈ ತರಗತಿಗಳು ನಾವು ಶಾಲೆಯಲ್ಲಿದ್ದಂತೆ ಅನ್ನಿಸುತ್ತದೆ” ಎಂದು ವಿದ್ಯಾರ್ಥಿ ಸೂರಜ್ ಹೇಳಿದ್ದಾರೆ.
ಕೊರೊನಾದಂತಹ ಸಾಂಕ್ರಾಮಿಕ ರೋಗದ ನಡುವೆಯೂ ಶಿಕ್ಷಣ ವಂಚಿತ ವಿದ್ಯಾರ್ಥಿಗಳಿಗಾಗಿ ಈ ಶಿಕ್ಷಕರ ವಿಭಿನ್ನ ಪ್ರಯತ್ನ ನಿಜಕ್ಕೂ ಪ್ರಶಂಸನೀಯವಾದದ್ದು.
