ಕೇಂದ್ರ ಸರ್ಕಾರವು ₹1,78,173 ಕೋಟಿ ತೆರಿಗೆ ಪಾಲನ್ನು ಹಂಚಿಕೆ ಮಾಡಿದ್ದು, ಬಿಜೆಪಿ ಆಡಳಿತದ ರಾಜ್ಯಗಳಿಗೆ ಮತ್ತು ಮಿತ್ರ ಪಕ್ಷಗಳ ಸರ್ಕಾರಕ್ಕೆ ಸಿಂಹಪಾಲು ನೀಡಿದೆ. ಕರ್ನಾಟಕಕ್ಕೆ ₹6,498 ಕೋಟಿ ಸಿಕ್ಕಿದೆ.
“ಅಭಿವೃದ್ಧಿ ಮತ್ತು ಬಂಡವಾಳ ವೆಚ್ಚವನ್ನು ಹೆಚ್ಚಿಸಲು ರಾಜ್ಯಗಳನ್ನು ಸಕ್ರಿಯಗೊಳಿಸುವ ಪ್ರಯತ್ನದಲ್ಲಿ,ರಾಜ್ಯ ಸರ್ಕಾರಗಳಿಗೆ ₹1,78,173 ಕೋಟಿ ರೂಪಾಯಿಗಳ ತೆರಿಗೆ ಹಂಚಿಕೆಯನ್ನು ಬಿಡುಗಡೆ ಮಾಡಲಾಗಿದೆ” ಎಂದು ಕೇಂದ್ರ ಸರ್ಕಾರ ಹೇಳಿದೆ.
ಅಕ್ಟೋಬರ್‌ನಲ್ಲಿ ಬಾಕಿ ಇರುವ ₹89,086.50 ಕೋಟಿ ನಿಯಮಿತ ಕಂತಿನ ಜೊತೆಗೆ ಒಂದು ಮುಂಗಡ ಕಂತನ್ನೂ ಸಹ ಒಳಗೊಂಡಿದೆ.
ರಾಜ್ಯಗಳ ಪೈಕಿ ಉತ್ತರ ಪ್ರದೇಶ (₹31,962 ಕೋಟಿ), ಬಿಹಾರ (₹17,921 ಕೋಟಿ), ಮಧ್ಯಪ್ರದೇಶ (₹13,987 ಕೋಟಿ), ಮಹಾರಾಷ್ಟ್ರ (₹11,255 ಕೋಟಿ), ಪಶ್ಚಿಮ ಬಂಗಾಳ (₹13,404 ಕೋಟಿ), ರಾಜಸ್ಥಾನ (₹10,737 ಕೋಟಿ), ಒಡಿಶಾ (₹8,068 ಕೋಟಿ), ಆಂಧ್ರಪ್ರದೇಶ (₹7,211 ಕೋಟಿ) ಮತ್ತು ತೆಲಂಗಾಣ (₹3,745 ಕೋಟಿ) ರಾಜ್ಯಗಳು ಅತಿ ಹೆಚ್ಚು ಪಾಲು ಪಡೆದ ರಾಜ್ಯಗಳಾಗಿವೆ.
“ಈ ಬಿಡುಗಡೆಯು ಮುಂಬರುವ ಹಬ್ಬದ ಋತುವಿನ ದೃಷ್ಟಿಯಿಂದ ಮತ್ತು ರಾಜ್ಯಗಳು ಬಂಡವಾಳ ವೆಚ್ಚವನ್ನು ವೇಗಗೊಳಿಸಲು, ಅವುಗಳ ಅಭಿವೃದ್ಧಿ/ಕಲ್ಯಾಣ ಸಂಬಂಧಿತ ವೆಚ್ಚಗಳಿಗೆ ಹಣಕಾಸು ಒದಗಿಸಲು” ಎಂದು ಕೇಂದ್ರ ಹಣಕಾಸು ಸಚಿವಾಲಯದ ಹೇಳಿಕೆಯಲ್ಲಿ ತಿಳಿಸಲಾಗಿದೆ.
ಕೇಂದ್ರ ಸರ್ಕಾರವು 2024-25ರ ಹಣಕಾಸು ವರ್ಷದಲ್ಲಿ ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳಿಗೆ ₹23,48,980 ಕೋಟಿಗಳನ್ನು ವರ್ಗಾಯಿಸಲಿದೆ. ಇದು 2023-24ರ ವಾಸ್ತವಕ್ಕಿಂತ ಶೇ.11.9ರಷ್ಟು ಹೆಚ್ಚಳವಾಗಿದೆ. ಕೇಂದ್ರದ ತೆರಿಗೆ ಆದಾಯದಿಂದ ರಾಜ್ಯಗಳಿಗೆ ವಿಕೇಂದ್ರೀಕರಣವು 2024-25 ರಲ್ಲಿ ₹12,47,211 ಕೋಟಿ ಎಂದು ಅಂದಾಜಿಸಲಾಗಿದೆ. ಇದು 2023-24 ರ ವಾಸ್ತವಿಕತೆಗಿಂತ 10.4 ಶೇಕಡಾ ಹೆಚ್ಚಳವಾಗಿದೆ. ವಾಸ್ತವಿಕ ಅಂಶಗಳ ಪ್ರಕಾರ 2023-24 ರಲ್ಲಿ, ರಾಜ್ಯಗಳ ವಿಕೇಂದ್ರೀಕರಣ ಮೊತ್ತವು ₹10,21,448 ಕೋಟಿ ಆಗಿದ್ದು, ಇದು ಬಜೆಟ್ ಅಂದಾಜಿಗಿಂತ (ಶೇ 10.6 ರಷ್ಟು ಹೆಚ್ಚಳ) ₹1,08,046 ಕೋಟಿ ಹೆಚ್ಚು ಎಂದು ಅಂದಾಜಿಸಲಾಗಿದೆ.
ಈ ವರ್ಷದ ಜೂನ್‌ನಲ್ಲಿ, ಬಿಜೆಪಿ ನೇತೃತ್ವದ ಎನ್‌ಡಿಎ ಸರ್ಕಾರವು ತೆರಿಗೆಗಳ ವಿಕೇಂದ್ರೀಕರಣದ ಹೆಚ್ಚುವರಿ ಕಂತನ್ನು ಬಿಡುಗಡೆ ಮಾಡಿತು. ಒಟ್ಟು ಮೊತ್ತವು ₹1,39,750 ಕೋಟಿ ಫೆಬ್ರವರಿಯಲ್ಲಿ ಕೇಂದ್ರವು ರಾಜ್ಯಗಳಿಗೆ ತೆರಿಗೆ ಹಂಚಿಕೆಯಲ್ಲಿ ₹1.42 ಲಕ್ಷ ಕೋಟಿಳನ್ನು ಬಿಡುಗಡೆ ಮಾಡಿತ್ತು. ಅದೇ ತಿಂಗಳ ಹಿಂದೆ ವಿತರಿಸಲಾದ 72,961 ಕೋಟಿ ರೂಪಾಯಿಗಳಿಗೆ ಪೂರಕವಾಗಿದೆ.
ಕೇಂದ್ರ ಸರ್ಕಾರವು 2024-25ರಲ್ಲಿ ₹48,20,512 ಕೋಟಿಗಳನ್ನು ಖರ್ಚು ಮಾಡಲಿದೆ ಎಂದು ಅಂದಾಜಿಸಲಾಗಿದೆ. 2023-24ರ ವಾಸ್ತವಕ್ಕಿಂತ ಶೇ.8.5ರಷ್ಟು ಹೆಚ್ಚಳವಾಗಿದೆ.
ಇದನ್ನೂ ಓದಿ; ಬಿಜೆಪಿ ಆಡಳಿತಾವಧಿಯ ಕೋವಿಡ್-19 ವಂಚನೆ; ಎಸ್‌ಐಟಿ ತನಿಖೆಗೆ ಸಚಿವ ಸಂಪುಟ ಒಪ್ಪಿಗೆ
