ಕೇಂದ್ರ ಆಯುಷ್ ಮತ್ತು ರಕ್ಷಣಾ ರಾಜ್ಯ ಸಚಿವರಾದ ಶ್ರೀಪಾದ್ ವೈ ನಾಯಕ್ರವರಿಗೆ ಕೊರೊನಾ ಸೋಂಕು ತಗುಲಿದೆ. ತಾನು ಪಾಸಿಟಿವ್ ಆಗಿದ್ದೇನೆ ಸಚಿವರು ಟ್ವೀಟ್ ಮಾಡಿದ್ದು, ಲಕ್ಷಣ ರಹಿತರಾಗಿರುವುದರಿಂದ ಮನೆಯಲ್ಲಿಯೇ ಐಸೋಲೇಷನ್ನಲ್ಲಿರುವುದಾಗಿ ತಿಳಿಸಿದ್ದಾರೆ.
I underwent Covid-19 test today & it has turned out assymptomaically positive. My vitals are within normal limits and I have opted for home isolation.
Those who have came in contact with me in last few days are advised to get tested for themselves and take required precautions.— Shripad Y. Naik (@shripadynaik) August 12, 2020
ಕೊರೊನಾ ವಿರುದ್ದ ಹೋರಾಡಲು ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುವ ಆಯುಷ್ ಕಿಟ್ಗಳನ್ನು ಅವರು ಇತ್ತೀಚೆಗೆ ಬಿಡುಗಡೆ ಮಾಡಿದ್ದರು ಎಂದು ಟ್ವಿಟರ್ ಬಳಕೆದಾರ ಡಾ. ಅಝೀಂ ಹೇಳಿದ್ದಾರೆ.
ಗೋವಾ ಸರ್ಕಾರದ ಪತ್ರಿಕಾ ಪ್ರಕಟಣೆಯಲ್ಲಿ, ಮೇ 19 ರಂದು ಶ್ರೀಪಾದ್ ನಾಯಕ್ ತನ್ನ ಸಚಿವಾಲಯದಿಂದ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುವ ಔಷಧೀಯ ಕಿಟ್ಗಳನ್ನು ಪೊಲೀಸ್ ಸಿಬ್ಬಂದಿ ಮತ್ತು ಪಣಜಿಯ ಕಲೆಕ್ಟರೇಟ್ ಸಿಬ್ಬಂದಿಗೆ ವಿತರಿಸಿದೆ ಎಂದು ಉಲ್ಲೇಖಿಸಿದೆ.
ಕಿಟ್ನಲ್ಲಿ ಹ್ಯಾಂಡ್ ಸ್ಯಾನಿಟೈಸರ್, ಆಯುರ್ವೇದ ಆರೋಗ್ಯ ಪೂರಕ ಚವಾನ್ಪ್ರಾಶ್, ಹೋಮಿಯೋಪತಿ ಮಾತ್ರೆಗಳು ಆರ್ಸೆನಿಕಮ್ ಆಲ್ಬಮ್ -30 ಒಳಗೊಂಡಿದೆ. ಅದರಲ್ಲಿ “ಚವಾನ್ಪ್ರಾಶ್ ಮತ್ತು ಪುಡಿ ರೋಗನಿರೋಧಕ ಶಕ್ತಿಯನ್ನು ಹೆಚ್ಚಿಸುತ್ತದೆ” ಎಂದು ಒತ್ತಿಹೇಳಿದೆ.
ಆಯುಷ್ ಸಚಿವಾಲಯವು ವೈದ್ಯಕೀಯ ಸಮಸ್ಯೆಗಳಿಗೆ ದೃಢೀಕರಿಸದ ಪರಿಹಾರಗಳನ್ನು ನೀಡುತ್ತಿದೆ ಎಂಬ ಟೀಕೆಗಳು ಈ ಹಿಂದೆ ಕೇಳಿಬಂದಿದ್ದವು.
ಆಗಸ್ಟ್ 12 ರಂದು, ಶ್ರೀಪಾದ್ ನಾಯಕ್ ತಮ್ಮ ಸಚಿವಾಲಯವು ಪ್ರಾರಂಭಿಸಿದ “ಆಯುಷ್ ಫಾರ್ ಇಮ್ಯೂನಿಟಿ” ಅಭಿಯಾನದ ವೀಡಿಯೊ ಸಭೆಯ ಅಧ್ಯಕ್ಷತೆ ವಹಿಸಿದ್ದರು. ಅದರಲ್ಲಿ ಪ್ರಸ್ತುತ ಸಾಂಕ್ರಾಮಿಕ ರೋಗದಲ್ಲಿ ಯೋಗ ಮತ್ತು ಆಯುರ್ವೇದದ ಪಾತ್ರ ಮಹತ್ವದ್ದು ಎಂದು ಅವರು ಹೇಳಿದ್ದರು.
ಆಯುಷ್ ಸಚಿವಾಲಯವು ಜನವರಿ 29 ರಂದು ಬೆಳಿಗ್ಗೆ 10: 30 ಕ್ಕೆ ಪತ್ರಿಕಾ ಹೇಳಿಕೆ ನೀಡಿದ್ದು, ಅದರಲ್ಲಿ ಕೊರೊನಾ ವೈರಸ್ನಿಂದ ತಮ್ಮನ್ನು ರಕ್ಷಿಸಿಕೊಳ್ಳಲು ವಿವಿಧ ಹೋಮಿಯೋಪತಿ ಮತ್ತು ಆಯುರ್ವೇದ ತಂತ್ರಗಳನ್ನು ವಿವರಿಸಿದೆ.
ಓದಿ: ಹಪ್ಪಳ ತಿಂದರೆ ಕೊರೊನಾ ತಡೆಗಟ್ಟಬಹುದು ಎಂದಿದ್ದ ಕೇಂದ್ರ ಸಚಿವನಿಗೆ ಕೊರೊನಾ ಪಾಸಿಟಿವ್!
