ರಾಜಕಾರಣಿಗಳಿಗೆ ಕ್ಯಾಮರಾ ಅಂದ್ರೆ ಬಲು ಪ್ರೀತಿ ಎಂದು ಎಲ್ಲರಿಗೂ ಗೊತ್ತಿರುವ ವಿಚಾರ, ಆದ್ರೆ ಉತ್ತರ ಪ್ರದೇಶದ ನಗರವೊಂದರ ಮೇಯರ್ ಈ ವಿಚಾರದಲ್ಲಿ ಒಂದು ಹೆಜ್ಜೆ ಮುಂದೆ ಹೋಗಿದ್ದಾರೆ.
ಉತ್ತರ ಪ್ರದೇಶದ ಪ್ರಮುಖ ನಗರಗಳಲ್ಲಿ ಒಂದಾದ ಮೊರಾದಾಬಾದ್ನ ಮೇಯರ್ ಹಾಗೂ ಬಿಜೆಪಿ ನಾಯಕ ವಿನೋದ್ ಅಗರ್ವಾಲ್ ಅವರು ಸೆಪ್ಟೆಂಬರ್ 17ರಂದು ಪ್ರಧಾನಿ ನರೇಂದ್ರ ಮೋದಿಯ ಜನ್ಮ ದಿನಾಚರಣೆಯಂದು ರಕ್ತದಾನ ಮಾಡಿದಂತೆ ಕ್ಯಾಮರಾ ಮುಂದೆ ನಟಿಸಿದ್ದಾರೆ ಎಂದು ವರದಿಯಾಗಿದೆ.
ಈ ಕುರಿತ ವಿಡಿಯೋವೊಂದು ವೈರಲ್ ಆಗಿದ್ದು, ಅದರಲ್ಲಿ ಮೇಯರ್ ವಿನೋದ್ ಅವರು ಬೆಡ್ ಮೇಲೆ ಮಲಗಿ ರಕ್ತದಾನ ಮಾಡಿದಂತೆ ಫೋಸ್ ಕೊಟ್ಟಿರುವುದು ಇದೆ. ಬಿಜೆಪಿ ಪಕ್ಷದ ಕಚೇರಿಯಲ್ಲಿ ಆಯೋಜಿಸಿದ್ದ ರಕ್ತದಾನ ಶಿಬಿರದಲ್ಲಿ ಮೇಯರ್ ಈ ರೀತಿಯ ನಟನೆ ಮಾಡಿದ್ದಾರೆ ಎಂದು ತಿಳಿದು ಬಂದಿದೆ.
ಬೆಡ್ ಮೇಲೆ ಮಲಗಿದ್ದ ಮೇಯರ್ಗೆ ರಕ್ತದೊತ್ತದ ಪರಿಶೀಲಿಸಿದ ವೈದ್ಯಕೀಯ ಸಿಬ್ಬಂದಿ, ರಕ್ತ ತೆಗೆಯಲು ಸೂಜಿ ಚುಚ್ಚಲು ಮುಂದಾಗಿದ್ದಾರೆ. ಈ ವೇಳೆ ಬೇಡ ಎಂದ ಮೇಯರ್ ತಕ್ಷಣ ಅಲ್ಲಿಂದ ಎದ್ದು ನಡೆಯುವುದನ್ನು ವಿಡಿಯೋದಲ್ಲಿ ನೋಡಬಹುದು.
This is Moradabad Mayor From BJP Vinod Agarwal
Staging a fake blood donation on the PM's birthday shows just how hollow both this politician and the PM's brand of leadership have become. Instead of addressing real issues, they focus on orchestrated gimmicks to fool the public. pic.twitter.com/nqUd6GHezO— Abhijeet Chaturvedi (@reall_abhijeet) September 20, 2024
ರಕ್ತದಾನದ ನಟನೆಯ ಬಳಿಕ ಎಕ್ಸ್ನಲ್ಲಿ ವಿಡಿಯೋ ಪೋಸ್ಟ್ ಮಾಡಿದ್ದ ಅಗರ್ವಾಲ್ ಅವರು “ಪ್ರಧಾನಿ ನರೇಂದ್ರ ಮೋದಿಯವರ ಜನ್ಮದಿನದ ಅಂಗವಾಗಿ ರಕ್ತದಾನ ಮಾಡುವ ಮೂಲಕ ಸಾಮಾಜಿಕ ಜವಬ್ದಾರಿಯನ್ನು ನಿರ್ವಹಿಸಿದ್ದೇನೆ” ಎಂದು ಬರೆದುಕೊಂಡಿದ್ದರು ಎಂದು ವರದಿಗಳು ಹೇಳಿವೆ.
ವಿಡಿಯೋ ವೈರಲ್ ಆದ ನಂತರ ಈ ಕುರಿತು ಅಗರ್ವಾಲ್ ಅವರನ್ನು ಪ್ರಶ್ನಿಸಿದಾಗ, “ಅದು ವಿರೋಧಿಗಳು ನನ್ನ ಮಾನಹಾನಿ ಮಾಡಲು ನಡೆಸಿದ ಪಿತೂರಿ” ಎಂದಿದ್ದಾರೆ.
ಅಲ್ಲದೆ, “ನಾನು ರಕ್ತದಾನ ಮಾಡಲು ಶಿಬಿರಕ್ಕೆ ಹೋಗಿದ್ದೆ. ಅಲ್ಲಿ ವೈದ್ಯರು ನನಗೆ ಮದುಮೇಹ ಇದೆ ಎಂದು ರಕ್ತ ತೆಗೆಯಲು ನಿರಾಕರಿಸಿದರು” ಎಂದು ಸಮಜಾಯಿಸಿ ನೀಡಿದ್ದಾರೆ.
ಇದನ್ನೂ ಓದಿ : ಕೋಲ್ಕತ್ತಾ ವೈದ್ಯೆ ಅತ್ಯಾಚಾರ-ಕೊಲೆ ಪ್ರಕರಣ: 42 ದಿನಗಳ ನಂತರ ಕರ್ತವ್ಯಕ್ಕೆ ಮರಳಿದ ಕಿರಿಯ ವೈದ್ಯರು
