ಬೆಂಗಳೂರಿಗೆ ಬಂದ ಡಿ.ಕೆ ಶಿವಕುಮಾರ್‌ : ಸ್ವಾಗತಕೋರಿದ ಎಚ್‌ಡಿಕೆ, ಕರವೇ ನಾರಾಯಣಗೌಡರು…

ಹಲವು ದಿನಗಳ ಜೈಲುವಾಸ ಮುಗಿಸಿ ಜಾಮೀನಿನ ಮೇಲೆ ಬಿಡುಗಡೆಗೊಂಡ ನಂತರ ಕಾಂಗ್ರೆಸ್ ನಾಯಕ ಡಿ.ಕೆ ಶಿವಕುಮಾರ್ ಇಂದು ಬೆಂಗಳೂರಿಗೆ ಬಂದು ತಲುಪಿದರು.

ಆ ಸಂದರ್ಭದಲ್ಲಿ ಮಾಜಿ ಮುಖ್ಯಮಂತ್ರಿ ಎಚ್‌.ಡಿ ಕುಮಾರಸ್ವಾಮಿ, ಕರ್ನಾಟಕ ರಕ್ಷಣಾ ವೇದಿಕೆ ರಾಜ್ಯಧ್ಯಕ್ಷ ನಾರಾಯಣಗೌಡರು ಹಾಜರಿದ್ದು ಸ್ವಾಗತ ಕೋರಿದರು.

ಇಡಿ ಪ್ರಕರಣದಲ್ಲಿ ಬಂಧಿತನಾಗಿದ್ದ ಡಿ.ಕೆ ಶಿವಕುಮಾರ್ ಮೂರು ದಿನಗಳ ಹಿಂದೆಯೇ ಬಿಡುಗಡೆಯಾಗಿದ್ದರೂ ದೆಹಲಿಯಲ್ಲಿ ಸೋನಿಯಾ ಗಾಂಧಿ, ಮಲ್ಲಿಕಾರ್ಜುನ ಖರ್ಗೆ ಸೇರಿದಂತೆ ಪಕ್ಷದ ಹಿರಿಯ ನಾಯಕರನ್ನು ಭೇಟಿ ಮಾಡಿ ಚರ್ಚಿಸಿದ್ದರು. ದೇವಾಲಯಕ್ಕೂ ತೆರಳಿ ಆರ್ಶಿವಾದ ಪಡೆದಿದ್ದರು.

ಇಂದು ಬೆಂಗಳೂರಿಗೆ ಅವರು ಬರುವ ಸುದ್ದಿ ತಿಳಿಯುತ್ತಿದ್ದಂತೆಯೇ ಸಾವಿರಾರು ಅಭಿಮಾನಿಗಳು ಏರ್‌ಪೋರ್ಟ್‌‌ನತ್ತ ತೆರಳಿದ್ದರು. ಸುಮಾರು 600 ಕೆಜಿಯ ಸೇಬಿನ ಹಾರವನ್ನು ಹಾಕಿ ಸ್ವಾಗತಿಸಲು ಸಿದ್ದರಾಗಿದ್ದರೆ ಎಂದು ತಿಳಿದುಬಂದಿದೆ.

ಡಿ.ಕೆ ಶಿವಕುಮಾರ್‌ ಸ್ವಾಗತಕ್ಕೆ ಹಲವು ಕಲಾತಂಡಗಳು ಸಹ ಸಿದ್ದರಿದ್ದು ವಿಮಾನನಿಲ್ದಾನ ರಸ್ತೆಯಲ್ಲಿ ಉತ್ಸಾಹ ಗರಿಗೆದರಿದೆ.