ಶನಿವಾರ (ಫೆಬ್ರವರಿ 15, 2025) ತಡರಾತ್ರಿ ನವದೆಹಲಿ ರೈಲು ನಿಲ್ದಾಣದಲ್ಲಿ ಸಂಭವಿಸಿದ ಕಾಲ್ತುಳಿತದಲ್ಲಿ ಕನಿಷ್ಠ 18 ಜನರು ಸಾವನ್ನಪ್ಪಿದ್ದಾರೆ ಮತ್ತು ಒಂದು ಡಜನ್‌ಗೂ ಹೆಚ್ಚು ಜನರು ಗಾಯಗೊಂಡಿದ್ದಾರೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಈ ಕಾಲ್ತುಳಿತಕ್ಕೂ ಮುನ್ನ, ಮಹಾ ಕುಂಭ ಮೇಳ ನಡೆಯುತ್ತಿರುವ ಪ್ರಯಾಗ್‌ರಾಜ್‌ಗೆ ರೈಲುಗಳನ್ನು ಹತ್ತಲು ಕಾಯುತ್ತಿದ್ದ ಪ್ರಯಾಣಿಕರ ಗುಂಪು ನಿಲ್ದಾಣದ 13 ಮತ್ತು 14ನೇ ಪ್ಲಾಟ್‌ಫಾರ್ಮ್‌ನಲ್ಲಿ ಭಾರಿ ಪ್ರಮಾಣದಲ್ಲಿ ನೂಕುನುಗ್ಗಲು ಉಂಟಾಯಿತು ಎಂದು ಅಧಿಕಾರಿಗಳು ಹೇಳಿದ್ದಾರೆ.
ಎಲ್‌ಎನ್‌ಜೆಪಿ ಆಸ್ಪತ್ರೆಯ ಮುಖ್ಯ ಅಪಘಾತ ವೈದ್ಯಕೀಯ ಅಧಿಕಾರಿಯ ಪ್ರಕಾರ ಹನ್ನೊಂದು ಮಂದಿ ಗಾಯಗೊಂಡಿದ್ದಾರೆ.
ದಿ ಹಿಂದೂ ಜೊತೆ ಮಾತನಾಡಿದ ದೆಹಲಿ ಅಗ್ನಿಶಾಮಕ ಸೇವೆಗಳ ಮುಖ್ಯಸ್ಥ ಅತುಲ್ ಗರ್ಗ್, ಕಾಲ್ತುಳಿತಕ್ಕೆ ಕಾರಣ ಸ್ಪಷ್ಟವಾಗಿಲ್ಲ, ಆದರೆ ಮಹಾಕುಂಭಕ್ಕಾಗಿ ಪ್ರಯಾಗ್‌ರಾಜ್‌ಗೆ ಎರಡು ರೈಲುಗಳನ್ನು ರದ್ದುಗೊಳಿಸುವುದರಿಂದ ಎರಡು ಪ್ಲಾಟ್‌ಫಾರ್ಮ್‌ಗಳಲ್ಲಿ ಜನಸಂದಣಿ ಮತ್ತು ಅವ್ಯವಸ್ಥೆ ಉಂಟಾಗಿದೆ ಎಂದು ಆರಂಭಿಕ ವರದಿಗಳು ಸೂಚಿಸಿವೆ.
ಪ್ರಧಾನಿ ನರೇಂದ್ರ ಮೋದಿ ಅವರು ತಮ್ಮ ಎಕ್ಸ್‌ ಖಾತೆಯಲ್ಲಿ, “ನವದೆಹಲಿ ರೈಲು ನಿಲ್ದಾಣದಲ್ಲಿ ಕಾಲ್ತುಳಿತದಿಂದ ದುಃಖಿತನಾಗಿದ್ದೇನೆ. ತಮ್ಮ ಪ್ರೀತಿಪಾತ್ರರನ್ನು ಕಳೆದುಕೊಂಡ ಎಲ್ಲರ ದುಃಖದಲ್ಲಿ ಪಾಲ್ಗೊಳ್ಳುತ್ತೇನೆ. ಗಾಯಾಳುಗಳು ಬೇಗನೆ ಚೇತರಿಸಿಕೊಳ್ಳಲಿ ಎಂದು ನಾನು ಪ್ರಾರ್ಥಿಸುತ್ತೇನೆ. ಈ ಕಾಲ್ತುಳಿತದಿಂದ ಹಾನಿಗೊಳಗಾದ ಎಲ್ಲರಿಗೂ ಅಧಿಕಾರಿಗಳು ಸಹಾಯ ಮಾಡುತ್ತಿದ್ದಾರೆ.” ಎಂದಿದ್ದಾರೆ.
ಚಿತ್ರದಲ್ಲಿ: ಮನೋಜ್ ತನ್ನ ಮಗಳ ಫೋಟೋವನ್ನು ತನ್ನ ಫೋನ್‌ನಲ್ಲಿ ತೋರಿಸುತ್ತಿದ್ದಾರೆ.
ಅಗ್ನಿಶಾಮಕ ಇಲಾಖೆ ಹೇಳಿದ್ದೇನು: ಶನಿವಾರ ರಾತ್ರಿ 9.55ರ ಸುಮಾರಿಗೆ 14 ಮತ್ತು 15ನೇ ಪ್ಲಾಟ್‌ಫಾರ್ಮ್‌ಗಳಲ್ಲಿ ಕಾಲ್ತುಳಿತ ಸಂಭವಿಸಿದೆ ಎಂಬ ದೂರು ಬಂದ ನಂತರ ನಾಲ್ಕು ಅಗ್ನಿಶಾಮಕ ವಾಹನಗಳನ್ನು ಸೇವೆಗೆ ನಿಯೋಜಿಸಲಾಗಿತ್ತು ಎಂದು ಅಗ್ನಿಶಾಮಕ ದಳದ ಅಧಿಕಾರಿಗಳು ತಿಳಿಸಿದ್ದಾರೆ. ಗಾಯಾಳುಗಳನ್ನು ಲೋಕ ನಾಯಕ್ ಆಸ್ಪತ್ರೆಗೆ ದಾಖಲಿಸಲಾಯಿತು, ಅಲ್ಲಿ ಹಿರಿಯ ಅಧಿಕಾರಿಯೊಬ್ಬರು ದಿ ಇಂಡಿಯನ್ ಎಕ್ಸ್‌ಪ್ರೆಸ್‌ಗೆ 15 ಜನರು ಸಾವನ್ನಪ್ಪಿದ್ದಾರೆ ಎಂದು ತಿಳಿಸಿದ್ದಾರೆ.
ರೈಲ್ವೆ ಹೇಳಿದ್ದೇನು: ಅಧಿಕೃತ ಹೇಳಿಕೆಯನ್ನು ಬಿಡುಗಡೆ ಮಾಡಿದ ರೈಲ್ವೆ, “13 ಮತ್ತು 14 ನೇ ಪ್ಲಾಟ್‌ಫಾರ್ಮ್‌ಗಳ ಬಳಿ ಭಾರೀ ಜನದಟ್ಟಣೆಯ ಪರಿಸ್ಥಿತಿ ನಿರ್ಮಾಣವಾಯಿತು. ಪ್ರಯಾಣಿಕರ ಸಂಖ್ಯೆಯಲ್ಲಿ ಹಠಾತ್ ಏರಿಕೆಯಿಂದಾಗಿ, ಕೆಲವು ವ್ಯಕ್ತಿಗಳು ಮೂರ್ಛೆ ಹೋದರು, ಇದು ಕಾಲ್ತುಳಿತದಂತಹ ಪರಿಸ್ಥಿತಿಯ ವದಂತಿಗಳಿಗೆ ಕಾರಣವಾಯಿತು, ಇದು ಪ್ರಯಾಣಿಕರಲ್ಲಿ ಭಯಭೀತಿಯನ್ನು ಉಂಟುಮಾಡಿತು. ನಂತರ ದಟ್ಟಣೆಯನ್ನು ಕಡಿಮೆ ಮಾಡುವ ಮೂಲಕ ಪರಿಸ್ಥಿತಿಯನ್ನು ನಿಯಂತ್ರಣಕ್ಕೆ ತರಲಾಯಿತು. ಈ ವಿಷಯವನ್ನು ರೈಲ್ವೆಯ ಡಿಸಿಪಿ ಕೆಪಿಎಸ್ ಮಲ್ಹೋತ್ರಾ ವಿವರಿಸುತ್ತಾ,, ಪ್ಲಾಟ್‌ಫಾರ್ಮ್ ಸಂಖ್ಯೆ 14ರಲ್ಲಿ ಪ್ರಯಾಗ್‌ರಾಜ್ ಎಕ್ಸ್‌ಪ್ರೆಸ್‌ನೊಂದಿಗೆ ಬಹಳಷ್ಟು ಜನರು ಜಮಾಯಿಸಿದರು. ರೈಲುಗಳು ವಿಳಂಬವಾದ ಕಾರಣ ಸ್ವತಂತ್ರ ಸೇನಾನಿ ಎಕ್ಸ್‌ಪ್ರೆಸ್ ಮತ್ತು ಭುವನೇಶ್ವರ ರಾಜಧಾನಿಯ ಪ್ರಯಾಣಿಕರು 12, 13 ಮತ್ತು 14ನೇ ಪ್ಲಾಟ್‌ಫಾರ್ಮ್‌ಗಳ ಕಡೆ ಹೋದರು ಎಂದು ಅವರು ಹೇಳಿದರು.
ಪೂನಂ ದೇವಿ ತನ್ನ ಮೊಮ್ಮಗನೊಂದಿಗೆ ಇರುವ ಕೊನೆಯ ಫೋಟೋ ಇಲ್ಲಿದೆ.
ನಮಗೆ ತಿಳಿದು ಬಂದ ಮಾಹಿತಿಯ ಪ್ರಕಾರ, 1,500 ಸಾಮಾನ್ಯ ಟಿಕೆಟ್‌ಗಳು ಮಾರಾಟವಾದವು, ಇದರಿಂದಾಗಿ ಜನಸಂದಣಿ ಅನಿಯಂತ್ರಿತವಾಯಿತು ಎಂದು ಅವರು ಹೇಳಿದರು.
ದೆಹಲಿ ಪೊಲೀಸರು 18 ಮೃತರ ಹೆಸರುಗಳನ್ನು ಬಿಡುಗಡೆ ಮಾಡಿದ್ದಾರೆ
1. ಆಹಾ ದೇವಿ w/o ರವಿಂದೀ ನಾಥ್, ಬಕ್ಸೂರ್ ಬಿಹಾರ, ವಯಸ್ಸು 79 ವರ್ಷ
2. ಪಿಂಕಿ ದೇವಿ w/o ಉಪೇಂದರ್ ಶರ್ಮಾ, ಸಂಗಮ್ ವಿಹಾರ್ ದೆಹಲಿ, ವಯಸ್ಸು 41 ವರ್ಷಗಳು
3. ಶೀಲಾ ದೇವಿ w/o ಉಮೇಶ್ ಗಿರಿ, ಸರಿತಾ ವಿಹಾರ್ ದೆಹಲಿ, ವಯಸ್ಸು 50 ವರ್ಷಗಳು
4. ವ್ಯೋಮ್ s/o ಧರಂವೀರ್, ಬವಾನಾ ದೆಹಲಿ, ವಯಸ್ಸು 25 ವರ್ಷಗಳು
5. ಪೂನಂ ದೇವಿ w/o ಮೇಘನಾಥ್, ಸರನ್ ಬಿಹಾರ, ವಯಸ್ಸು 40 ವರ್ಷಗಳು
6. ಲಲಿತಾ ದೇವಿ w/o ಸಂತೋಷ್, ಪರ್ಣ ಬಿಹಾರ, ವಯಸ್ಸು 35 ವರ್ಷಗಳು
7. ಸುರುಚಿ D/o ಮನೋಜ್ ಶಾ, ಮುಜಫರ್‌ಪುರ ಬಿಹಾರ, ವಯಸ್ಸು 11 ವರ್ಷಗಳು
8. ಕೃಷ್ಣಾ ದೇವಿ w/o ವಿಜಯ್ ಶಾ, ಸಮಸ್ತಿಪುರ್ ಬಿಹಾರ, ವಯಸ್ಸು 40 ವರ್ಷಗಳು
9. ವಿಜಯ್ ಸಾಹ್ s/o ರಾಮ್ ಸರೂಪ್ ಸಾಹ್, ಸಮಸ್ತಿಪುರ್ ಬಿಹಾರ, ವಯಸ್ಸು 15 ವರ್ಷಗಳು
10. ನೀರಜ್ s/o ಇಂದರ್‌ಜೀತ್ ಪಾಸ್ವಾನ್, ವೈಶಾಲಿ ಬಿಹಾರ, ವಯಸ್ಸು 12 ವರ್ಷಗಳು
11. ಶಾಂತಿ ದೇವಿ w/o ರಾಜ್ ಕುಮಾರ್ ಮಾಂಝಿ, ನಾವಡಾ ಬಿಹಾರ, ವಯಸ್ಸು 40 ವರ್ಷಗಳು
12. ಪೂಜಾ ಕುಮಾರ್ D/o ರಾಜ್ ಕುಮಾರ್ ಮಂಜಿ, ನಾವಡಾ ಬಿಹಾರ, ವಯಸ್ಸು 8 ವರ್ಷಗಳು
13. ಸಂಗೀತಾ ಮಲಿಕ್ w/o ಮೋಹಿತ್ ಮಲಿಕ್, ಭಿವಾನಿ ಹರಿಯಾಣ, ವಯಸ್ಸು 34 ವರ್ಷ
14. ಪೂನಂ W/o ವೀರೇಂದ್ರ ಸಿಂಗ್, ಮಹಾವೀರ್ ಎನ್‌ಕ್ಲೇವ್, ವಯಸ್ಸು 34 ವರ್ಷಗಳು
15. ಮಮತಾ ಝಾ w/o ವಿಪಿನ್ ಝಾ, ನಂಗ್ಲೋಯ್ ದೆಹಲಿ, ವಯಸ್ಸು 40 ವರ್ಷಗಳು
16. ರಿಯಾ ಸಿಂಗ್ d/o ಓಪಿಲ್ ಸಿಂಗ್, ಸಾಗರಪುರ ದೆಹಲಿ, ವಯಸ್ಸು 7 ವರ್ಷಗಳು
17. ಬೇಬಿ ಕುಮಾರಿ ಡಿ/ಒ ಪ್ರಭು ಸಾಹ, ಬಿಜ್ವಾಸನ್ ದೆಹಲಿ, ವಯಸ್ಸು 24 ವರ್ಷ
18. ಮನೋಜ್ s/o ಪಂಚದೇವ್ ಕುಶ್ವಾಹ, ನಂಗ್ಲೋಯ್ ದೆಹಲಿ, ವಯಸ್ಸು 47 ವರ್ಷಗಳು
370ನೇ ವಿಧಿಯನ್ನು ಅಂಬೇಡ್ಕರ್ ಯಾಕೆ ಸೇರಿಸಿದರೆಂದು ಇತಿಹಾಸ ತಿಳಿಯಿರಿ: ಉಪರಾಷ್ಟ್ರಪತಿ ಧನ್ಕರ್
