“ಚಂಡೀಗಢ ಟೋಲ್ ಪ್ಲಾಝಾದಲ್ಲಿ ಮುಸ್ಲಿಮರು ಗಲಾಟೆ ಮಾಡಿ, ಟೋಲ್ ಸಿಬ್ಬಂದಿ ಮೇಲೆ ಹಲ್ಲೆ ನಡೆಸಿದ್ದಾರೆ. ಅದರಲ್ಲೂ ಹಿಂದೂ ಸಿಬ್ಬಂದಿ ಮೇಲೆಯೇ ದೌರ್ಜನ್ಯ ನಡೆಸಲಾಗಿದೆ” ಎಂದು ವಿಡಿಯೋವೊಂದನ್ನು ಸಾಮಾಜಿಕ ಜಾಲತಾಣದಲ್ಲಿ ವ್ಯಾಪಕವಾಗಿ ಹಂಚಿಕೊಳ್ಳಲಾಗುತ್ತಿದೆ.
@nitin_gadkari
Is toll tax only for hindus??At Kurali toll plaza at Chandighar😡Going for Friday prayers to pray for world peace pic.twitter.com/mJNMchI020— Sunil Menon (@sunnyboy1966) September 21, 2024
ವಿಡಿಯೋದಲ್ಲಿ, ಮುಸ್ಲಿಮರ ಟೋಪಿ ಧರಿಸಿದ ಒಂದಷ್ಟು ಜನರು ಟೋಲ್ ಪ್ಲಾಝಾವೊಂದರ ಬಳಿಗೆ ಟೆಂಪೋದಲ್ಲಿ ಬರುವುದು ಮತ್ತು ಅದರಲ್ಲಿದ್ದ ವ್ಯಕ್ತಿಯೊಬ್ಬರು ಟೋಲ್ ಗೇಟ್ ತೆರೆಯುವಂತೆ ಒತ್ತಾಯಿಸಿ ಅದನ್ನು ಮುರಿದು ಹಾಕುವುದನ್ನು ನೋಡಬಹುದು.
Look how Mullas are breaking toll barrier and fighting with Toll employees. pic.twitter.com/ZgUY1zC3ZN
— Jai Hinduasthan Hindu (@JaiBhar14746394) September 21, 2024
ಫ್ಯಾಕ್ಟ್‌ಚೆಕ್ : ಸಾಮಾಜಿಕ ಮಾಧ್ಯಮಗಳಲ್ಲಿ ಹಂಚಿಕೊಳ್ಳಲಾದ ಪೋಸ್ಟ್‌ನಲ್ಲಿ ಮಾಡಿದ ಪ್ರತಿಪಾದನೆಯನ್ನು ಪರಿಶೀಲಿಸಲು ಗೂಗಲ್ ರಿವರ್ಸ್ ಇಮೇಜ್‌ನಲ್ಲಿ ಸರ್ಚ್ ಮಾಡಿದಾಗ, 18 ಸೆಪ್ಟೆಂಬರ್‌ 2023ರಲ್ಲಿ ಬಾಂಗ್ಲಾದೇಶದ ದಿ ಡೈಲಿ ಗೋನಾಕನಾಥೋ ಎಂಬ ಪತ್ರಿಕೆಯಲ್ಲಿ ಕುರಿಲ್‌ ಟೋಲ್ ಪ್ಲಾಝಾದಲ್ಲಿ ನಡೆದದ್ದು ಏನು? ಎಂಬ ಶೀರ್ಷಿಕೆಯೊಂದಿಗೆ ಘಟನೆಯ ವಿವರವನ್ನು ನೀಡಿರುವುದು ಕಂಡು ಬಂದಿದೆ.
ಈ ವರದಿಯ ಪ್ರಕಾರ, ಸರಕು ಸಾಗಾಟ ವಾಹನದಲ್ಲಿ ಪ್ರಯಾಣಿಕರನ್ನು ಸಾಗಿಸಲಾಗಿತ್ತು. ಬಾಂಗ್ಲಾದೇಶದ ಹಲವೆಡೆ ಸರಕು ವಾಹನದಲ್ಲಿ ಪ್ರಯಾಣಿಕರ ಸಾಗಾಟವನ್ನು ನಿಷೇಧಿಸಲಾಗಿದೆ. ಹೀಗಿದ್ದರೂ, ಟೋಲ್ ಬಳಿ ಬಂದ ಈ ವಾಹನವನ್ನು ಅಲ್ಲಿನ ಸಿಬ್ಬಂದಿ ತಡೆದಿದ್ದಾರೆ. ಅಲ್ಲದೆ, ಸರಕು ವಾಹಣದಲ್ಲಿ ಬಂದವರು ಟೋಲ್ ಹಣ ಕಟ್ಟುವುದಿಲ್ಲ ಎಂದು ವಾಗ್ವಾದ ನಡೆಸಿದ್ದಾರೆ. ಇದರಿಂದ ಗಲಾಟೆ ನಡೆದಿದೆ ಎಂದು ವರದಿಯಲ್ಲಿ ಉಲ್ಲೇಖಿಸಲಾಗಿದೆ. ಇದೇ ವಿಷಯ ಹಲವು ವರದಿಗಳಲ್ಲಿ ಕೂಡ ಕಂಡು ಬಂದಿದೆ. ಹಾಗಾಗಿ, ವೈರಲ್ ವಿಡಿಯೋ ಭಾರತದಲ್ಲ ಮತ್ತು ಭಾರತದ ಮುಸಲ್ಮಾನರಿಗೂ ಈ ವಿಡಿಯೋಗೂ ಯಾವುದೇ ರೀತಿಯ ಸಂಬಂಧವಿಲ್ಲ ಎಂಬುವುದು ಸ್ಪಷ್ಟವಾಗಿದೆ.
ಒಟ್ಟಿನಲ್ಲಿ, ಸಾಮಾಜಿಕ ಮಾಧ್ಯಮಗಳಲ್ಲಿ ವ್ಯಾಪಕವಾಗಿ ಹಂಚಿಕೊಳ್ಳಲಾಗುತ್ತಿರುವ ವೈರಲ್ ವಿಡಿಯೋಗೂ ಭಾರತಕ್ಕೂ ಸಂಬಂಧವಿಲ್ಲ. ವೈರಲ್ ವಿಡಿಯೋದಲ್ಲಿನ ಘಟನೆ ಬಾಂಗ್ಲಾದೇಶದಲ್ಲಿ ನಡೆದಿದ್ದು, ಈ ವಿಡಿಯೋವನ್ನು ಸುಳ್ಳು ಮತ್ತು ಕೋಮು ದ್ವೇಷದ ಸಂದೇಶದೊಂದಿಗೆ ಹಂಚಿಕೊಳ್ಳಲಾಗುತ್ತಿದೆ.
ಇದನ್ನೂ ಓದಿ : ಪಾವಗಡದಲ್ಲಿ ಸಿಂಹ ಎಂದು ಸುಳ್ಳು ವಿಡಿಯೊ ಪ್ರಸಾರ ಮಾಡಿದ ‘ಝೀ ಕನ್ನಡ ನ್ಯೂಸ್’
