ರಾಜ್ಯದಾದ್ಯಂತ 1.73 ಲಕ್ಷ ರೈತರು ಶೂನ್ಯ ಬಡ್ಡಿದರದ ಕೃಷಿ ಸಾಲ ಪಡೆಯಲು ಅರ್ಹತಾ ಮಾನದಂಡಗಳನ್ನು ಪೂರೈಸಿದ್ದರೂ, ರಾಜ್ಯ ಸರ್ಕಾರವು ಪ್ರಸಕ್ತ ಹಣಕಾಸು ವರ್ಷದಲ್ಲಿ ಕೇವಲ 13,689 ರೈತರಿಗೆ ಮಾತ್ರ ಸಾಲ ವಿತರಿಸಿದೆ ಎಂದು ರಾಜ್ಯ ಸರ್ಕಾರ ಮಾಹಿತಿ ನೀಡಿದೆ. ರಾಜ್ಯದಾದ್ಯಂತ 1.73 ಲಕ್ಷ

ಹೆಚ್ಚಿನ ರೈತರಿಗೆ ಈ ಸಾಲಗಳನ್ನು ನೀಡಲು ಸರ್ಕಾರ ಅಸಮರ್ಥವಾಗಿರುವುದಕ್ಕೆ ರಾಷ್ಟ್ರೀಯ ಕೃಷಿ ಮತ್ತು ಗ್ರಾಮೀಣಾಭಿವೃದ್ಧಿ ಬ್ಯಾಂಕ್ (ನಬಾರ್ಡ್) ಹೊಣೆ ಎಂದು ಸಹಕಾರ ಸಚಿವ ಕೆ ಎನ್ ರಾಜಣ್ಣ ಅವರು ಹೇಳಿದ್ದಾರೆ. ಅಲ್ಲದೆ, ಕೃಷಿ ವಲಯದ ಸಬ್ಸಿಡಿ ಸಾಲಗಳಿಗೆ ನಬಾರ್ಡ್ 58% ರಷ್ಟು ನಿಧಿಯನ್ನು ಕಡಿತಗೊಳಿಸಿದೆ ಎಂದು ರಾಜಣ್ಣ ಹೇಳಿದ್ದಾರೆ.

ಬಿಜೆಪಿ ಎಂಎಲ್‌ಸಿ ಪ್ರತಾಪ್ ಸಿಂಹ ನಾಯಕ್ ಅವರು ಈ ಕುರಿತು ಕೇಳಿದ ಪ್ರಶ್ನೆಗೆ ಉತ್ತರಿಸಿದ ಸಚಿವ ರಾಜಣ್ಣ, “ಕಳೆದ ವರ್ಷ, ನಾವು ರೈತರಿಗೆ 5,800 ಕೋಟಿ ರೂ. ಸಾಲವನ್ನು ವಿತರಿಸಲು ಸಾಧ್ಯವಾಯಿತು. ಆದರೆ ನಬಾರ್ಡ್ ತನ್ನ ಸಬ್ಸಿಡಿ ಸಾಲಗಳನ್ನು ಕಡಿತಗೊಳಿಸಿರುವುದರಿಂದ, ನಾವು ಎಲ್ಲಾ ರೈತರಿಗೆ ಸಾಲ ನೀಡಲು ಸಾಧ್ಯವಾಗಲಿಲ್ಲ” ಎಂದು ಹೇಳಿದ್ದಾರೆ.

ಆದಾಗ್ಯೂ, ಸದನದ ಮುಂದೆ ಮಂಡಿಸಲಾದ ಮಾಹಿತಿಯ ಪ್ರಕಾರ, ರಾಜ್ಯ ಸರ್ಕಾರವು ಕೇವಲ 6,744 ರೈತರಿಗೆ, ಒಟ್ಟು 290.51 ಕೋಟಿ ರೂ. ಮಾತ್ರ ಸಾಲ ವಿತರಿಸಿದೆ. ರಾಜ್ಯದಾದ್ಯಂತ 1.73 ಲಕ್ಷ

ಒಂದೆಡೆ ವಾಣಿಜ್ಯ ಬ್ಯಾಂಕುಗಳಲ್ಲಿ ತಮ್ಮ ಹಣವನ್ನು ಠೇವಣಿ ಇಡುವ ಮತ್ತು ಮತ್ತೊಂದೆಡೆ ಸಾಲಕ್ಕಾಗಿ ಸಹಕಾರ ಸಂಘಗಳನ್ನು ಸಂಪರ್ಕಿಸುವ ರೈತರ ಪ್ರವೃತ್ತಿಯನ್ನು ಸಹಕಾರ ಸಚಿವರು ಖಂಡಿಸಿದ್ದಾರೆ. “ಸಂಘಗಳು ನೋಟುಗಳನ್ನು ಮುದ್ರಿಸಲು ಸಾಧ್ಯವಿಲ್ಲ ಎಂಬುದನ್ನು ರೈತರು ಅರ್ಥಮಾಡಿಕೊಳ್ಳಬೇಕು. ಸಹಕಾರ ಸಂಘಗಳಿಗೆ ಬೇರೆ ಯಾವುದೇ ಸಂಪನ್ಮೂಲಗಳಿಲ್ಲ. ಹಣದ ಕೊರತೆಯಿಂದಾಗಿ, ನಾವು ಸಂಪೂರ್ಣ ಸಾಲವನ್ನು ವಿತರಿಸಲು ಸಾಧ್ಯವಿಲ್ಲ” ಎಂದು ರಾಜಣ್ಣ ಹೇಳಿದ್ದಾರೆ.

ಇಲ್ಲಿ ಕ್ಲಿಕ್ ಮಾಡಿ

ಇದನ್ನೂಓದಿ:  ಉತ್ತರಾಖಂಡ| ಕೇದಾರನಾಥದಲ್ಲಿ ಹಿಂದೂಯೇತರರನ್ನು ನಿಷೇಧಿಸಬೇಕು ಎಂದು ಬಿಜೆಪಿ ಶಾಸಕಿ ಒತ್ತಾಯ

ಉತ್ತರಾಖಂಡ| ಕೇದಾರನಾಥದಲ್ಲಿ ಹಿಂದೂಯೇತರರನ್ನು ನಿಷೇಧಿಸಬೇಕು ಎಂದು ಬಿಜೆಪಿ ಶಾಸಕಿ ಒತ್ತಾಯ