ಅಮೇರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಶುಕ್ರವಾರ ಡೆಮಾಕ್ರಟಿಕ್ ಅಧ್ಯಕ್ಷೀಯ ಅಭ್ಯರ್ಥಿ ಜೋ ಬಿಡೆನ್ ಮತ್ತು ಕಮಲಾ ಹ್ಯಾರಿಸ್ ಅವರ ಮೇಲೆ ವಾಗ್ದಾಳಿ ನಡೆಸಿದ್ದು, ‘ಬಿಡನ್ ಅವರ ಅಮೆರಿಕದಲ್ಲಿ ಯಾರೂ ಸುರಕ್ಷಿತವಾಗಿರುವುದಿಲ್ಲ’ ಎಂದು ಹೇಳಿದ್ದಾರೆ.
ಜೋ ಬಿಡನ್ ಅವರು ಅಧ್ಯಕ್ಷರಾದರೆ, ತಕ್ಷಣವೇ ಅಮೆರಿಕದ ಪ್ರತಿಯೊಂದು ಪೊಲೀಸ್ ಇಲಾಖೆಯನ್ನು ತೆರವುಗೊಳಿಸಲು ಶಾಸನವನ್ನು ಹೊರಡಿಸುತ್ತಾರೆ. ಬಹುಶಃ ಕಮಲಾ ಹ್ಯಾರಿಸ್ ಅವರ ನಡೆಯೂ ಈ ವಿಷಯದಲ್ಲಿ ಕೆಟ್ಟದಾಗಿದೆ ಎಂದು ಟ್ರಂಪ್ ಆರೋಪಿಸಿದ್ದಾರೆ.
ಅವರು ಭಾರತೀಯ ಪರಂಪರೆಯವರಾಗಿದ್ದಾರೆ. ಅವರಿಗಿಂತ ಹೆಚ್ಚು ಭಾರತೀಯರ ಬೆಂಬಲವನ್ನು ನಾನು ಹೊಂದಿದ್ದೇನೆ ಎಂದು ಸಿಟಿ ಆಫ್ ನ್ಯೂಯಾರ್ಕ್ ಪೊಲೀಸ್ ಬೆನೆವೊಲೆಂಟ್ ಅಸೋಸಿಯೇಶನ್ ಸದಸ್ಯರೊಂದಿಗಿನ ಸಂವಾದದಲ್ಲಿ ಟ್ರಂಪ್ ಹೇಳಿದರು.
ಟ್ರಂಪ್, ತಮ್ಮ ಭಾಷಣದಲ್ಲಿ, ಕಮಲಾ ಹ್ಯಾರಿಸ್ ಪೊಲೀಸರಿಗೆ ಅನಾನುಕೂಲಕರವಾದ ತೀಕ್ಷ್ಣ ಗುರಿಯನ್ನು ಹೊಂದಿದ್ದಾರೆ. ಇವರೊಂದಿಗೆ ಜೋ ಬಿಡನ್ “ಪೊಲೀಸರ ಮೇಲೆ ಎಡಪಂಥೀಯ ಯುದ್ಧ” ಸಾರುತ್ತಿರುವ ಕೇಂದ್ರದಲ್ಲಿದ್ದಾರೆ ಎಂದು ಹೇಳಿದರು.
“ಈ ವ್ಯಕ್ತಿ ನಿಮ್ಮ ಘನತೆ ಮತ್ತು ಗೌರವವನ್ನು ತೆಗೆದುಕೊಂಡು ಹೋಗುತ್ತಿದ್ದಾರೆ. ಬಿಡೆನ್ ಅಮೆರಿಕದಲ್ಲಿ ಯಾರೂ ಸುರಕ್ಷಿತವಾಗಿರುವುದಿಲ್ಲ” ಎಂದು ಟ್ರಂಪ್ ಹೇಳಿದ್ದಾರೆ.
ಇತ್ತೀಚಿನ ದಿನಗಳಲ್ಲಿ ಪೊಲೀಸರನ್ನು ವಂಚಿಸಲು ಬಿಡನ್ ಬೆಂಬಲ ನೀಡುತ್ತಿದ್ದಾರೆ ಎಂಬ ಮಾತನ್ನು ಟ್ರಂಪ್ ಪದೇ ಪದೇ ಪ್ರತಿಪಾದಿಸುತ್ತಿದ್ದಾರೆ ಎಂದು ಫಾಕ್ಸ್ ನ್ಯೂಸ್ ವರದಿ ಮಾಡಿದೆ.
ಶುಕ್ರವಾರ, ಅಧ್ಯಕ್ಷ ಟ್ರಂಪ್ ಅವರ ಮರುಚುನಾವಣೆ ಅಭಿಯಾನವನ್ನು ನ್ಯೂಯಾರ್ಕ್ ನಗರದ ಪೊಲೀಸ್ ಬೆನೆವೊಲೆಂಟ್ ಅಸೋಸಿಯೇಷನ್ (NYCPBA) ಅನುಮೋದಿಸಿದೆ.
ಶುಕ್ರವಾರ ನಡೆದ NYCPBA ಸಭೆಯಲ್ಲಿ ಮಾತನಾಡಿದ ನ್ಯೂಯಾರ್ಕ್ ನಗರದ ಮಾಜಿ ಮೇಯರ್ ರುಡಾಲ್ಫ್ ಗಿಯುಲಿಯಾನಿ, ಕಮಲಾ ಹ್ಯಾರಿಸ್ ಅವರ ಪ್ರಾಸಿಕ್ಯೂಟರಿ ದಾಖಲೆಯ ಮೇಲೆ ದಾಳಿ ಮಾಡಿದರು. ಹ್ಯಾರಿಸ್ ಕ್ಯಾಲಿಫೋರ್ನಿಯಾದ ಅಟಾರ್ನಿ ಜನರಲ್ ಆಗಿದ್ದಾಗ, “ಅವರು ಕಡಿಮೆ ಸಂಖ್ಯೆಯ ಜನರನ್ನು ವಿಚಾರಣೆಗೆ ಒಳಪಡಿಸಿದರು” ಎಂದು ಹೇಳಿದರು.
ಇದನ್ನೂ ಓದಿ: ಶ್ವೇತಭವನದ ಹೊರಗೆ ಗುಂಡು ಹಾರಾಟ; ಪತ್ರಿಕಾಗೋಷ್ಟಿಯಿಂದ ಹೊರನಡೆದ ಟ್ರಂಪ್