ಜೆರುಸಲೆಮ್ ಸ್ಥಳೀಯ ಮಾಧ್ಯಮಗಳ ಪ್ರಕಾರ, ಇರಾನ್ನ ಸರ್ಚೋಚ್ಛ ನಾಯಕ ಅಯತೊಲ್ಲಾ ಅಲಿ ಖಮೇನಿ ಅವರು ಸಾಮಾಜಿಕ ಮಾಧ್ಯಮ ಪ್ಲಾಟ್ಫಾರ್ಮ್ ಎಕ್ಸ್ನಲ್ಲಿ ತೆರೆದಿದ್ದ ಹೀಬ್ರೂ ಭಾಷಾ ಖಾತೆಯನ್ನು ಕೇವಲ ಎರಡು ಪೋಸ್ಟ್ಗಳ ನಂತರ ಅಮಾನತುಗೊಳಿಸಲಾಗಿದೆ.
ಅವರ ಇತ್ತೀಚಿನ ಪೋಸ್ಟ್ನಲ್ಲಿ, “ಜಿಯೋನಿಸ್ಟ್ ಆಡಳಿತವು ತಪ್ಪು ಮಾಡಿದೆ ಮತ್ತು ಇರಾನ್ಗೆ ಸಂಬಂಧಿಸಿದಂತೆ ಅದರ ಲೆಕ್ಕಾಚಾರದಲ್ಲಿ ತಪ್ಪಾಗಿದೆ. ಇರಾನ್ ರಾಷ್ಟ್ರವು ಯಾವ ಶಕ್ತಿ, ಸಾಮರ್ಥ್ಯ, ಉಪಕ್ರಮ ಮತ್ತು ಬಯಕೆಯನ್ನು ಹೊಂದಿದೆ ಎಂಬುದನ್ನು ನಾವು ಅರ್ಥಮಾಡಿಕೊಳ್ಳುತ್ತೇವೆ” ಎಂದು ಹೇಳಿದ್ದರು.
ಮೊದಲ ಹೀಬ್ರೂ ಭಾಷೆಯ ಪೋಸ್ಟ್ ಶನಿವಾರ ಬಂದಿತು, “ಅಲ್ಲಾಹನ ಹೆಸರಿನಲ್ಲಿ” ಎಂದು ಬರೆದಿದ್ದರು. ಕಳೆದ ವಾರ ಇರಾನ್ನ ಸೇನಾ ಗುರಿಗಳ ಮೇಲೆ ಇಸ್ರೇಲ್ ದಾಳಿ ನಡೆಸಿದ ನಂತರ ಎರಡೂ ಪೋಸ್ಟ್ಗಳು ಬಂದವು.
ಅವರ ಮುಖ್ಯ ಎಕ್ಸ್ ಖಾತೆಯಲ್ಲಿ, ಖಮೇನಿ ಆಗಾಗ್ಗೆ ಹೀಬ್ರೂ ಭಾಷೆಯಲ್ಲಿ ಪೋಸ್ಟ್ ಮಾಡುತ್ತಾರೆ. ಆಗಾಗ್ಗೆ ಇಸ್ರೇಲ್ ವಿರುದ್ಧ ತೀಕ್ಷ್ಣ ಭಾಷೆಯನ್ನು ಬಳಸುತ್ತಾರೆ.
ಇರಾನ್ ಮೇಲೆ ಇಸ್ರೇಲ್ ನಡೆಸುತ್ತಿರುವ ವೈಮಾನಿಕ ದಾಳಿಯನ್ನು ಹಿಗ್ಗಿಸಬಾರದು ಅಥವಾ ಕಡಿಮೆಗೊಳಿಸಬಾರದು ಎಂದು ಖಮೇನಿ ಹೇಳಿದ್ದರು. ಇಸ್ರೇಲ್ ಇರಾನ್ ವಿರುದ್ಧದ ತನ್ನ ಕ್ರಮಗಳ ಪರಿಣಾಮಗಳನ್ನು ಹೆಚ್ಚಿಸಲು ಬಯಸುತ್ತದೆ ಎಂದು ಖಮೇನಿ ಭಾನುವಾರ ಹೇಳಿದರು.
“ಅವರು ಇರಾನ್ಗೆ ಸಂಬಂಧಿಸಿದಂತೆ ತಪ್ಪು ಲೆಕ್ಕಾಚಾರ ಮಾಡುತ್ತಿದ್ದಾರೆ” ಎಂದು ಅವರು ತಮ್ಮ ವೆಬ್ಸೈಟ್ನ ಪ್ರಕಟಣೆಯಲ್ಲಿ ಹೇಳಿದ್ದಾರೆ. “ಇರಾನಿನ ಜನರ ಶಕ್ತಿ, ಸಾಮರ್ಥ್ಯ, ಜಾಣ್ಮೆ ಮತ್ತು ನಿರ್ಣಯವನ್ನು ಸರಿಯಾಗಿ ಅರ್ಥಮಾಡಿಕೊಳ್ಳಲು ಅವರಿಗೆ ಇನ್ನೂ ಸಾಧ್ಯವಾಗಿಲ್ಲ. ನಾವು ಅವರಿಗೆ ಈ ವಿಷಯಗಳನ್ನು ಅರ್ಥಮಾಡಿಸಬೇಕು” ಎಂದಿದ್ದಾರೆ.
ಇದನ್ನೂ ಓದಿ; ಇಸ್ರೇಲ್ಗೆ ಹೇಗೆ ಪ್ರತಿಕ್ರಿಯಿಸಬೇಕು ಎಂದು ಇರಾನ್ ಅಧಿಕಾರಿಗಳು ನಿರ್ಧರಿಸುತ್ತಾರೆ: ಅಯತೊಲ್ಲಾ ಖಮೇನಿ
