ದೇಶದಲ್ಲಿ ಬೆಳೆಯುತ್ತಿರುವ ಉಗ್ರವಾದಕ್ಕೆ ಮುಸ್ಲಿಂ ಮತ್ತು ಹಿಂದುತ್ವ ಸಂಘಟನೆಗಳ ಪಾತ್ರ ಮತ್ತು ಆ ಬಗ್ಗೆ ಕಳವಳ ವ್ಯಕ್ತಪಡಿಸುವ ಲೇಖನಗಳನ್ನು ಬುಧವಾರ ಅಧಿಕೃತ ವೆಬ್ಸೈಟ್ನಿಂದ ತೆಗೆದುಹಾಕಲಾದ ಗುಂಪಿಗೆ ಸೇರಿದೆ ಎಂದು ದಿ ಇಂಡಿಯನ್ ಎಕ್ಸ್ಪ್ರೆಸ್ ವರದಿ ಮಾಡಿದೆ.
ಜನವರಿ 20 ರಿಂದ ಜನವರಿ 22 ರವರೆಗೆ ಗುಪ್ತಚರ ಬ್ಯೂರೋ ಆಯೋಜಿಸಿದ್ದ ವಾರ್ಷಿಕ ಡೈರೆಕ್ಟರ್ ಜನರಲ್ಗಳು ಮತ್ತು ಇನ್ಸ್ಪೆಕ್ಟರ್ ಜನರಲ್ಗಳ ಪೊಲೀಸ್ ಕಾನ್ಫರೆನ್ಸ್ನಲ್ಲಿ ಲೇಖನಗಳನ್ನು ಸಲ್ಲಿಸಲಾಗಿದೆ. ಈ ಸಮಾವೇಶದಲ್ಲಿ ಪ್ರಧಾನಿ ನರೇಂದ್ರ ಮೋದಿ ಮತ್ತು ಕೇಂದ್ರ ಗೃಹ ಸಚಿವ ಅಮಿತ್ ಶಾ ಭಾಗವಹಿಸಿದ್ದರು.
ಇದನ್ನೂ ಓದಿ: ರಿಶಿ ಸುನುಕ್ ಬಡತನ, ಜನಾಂಗೀಯವಾದ ಹೆಚ್ಚಿಸುತ್ತಾರೆ ಮತ್ತು ಹಿಂದೂತ್ವ ಫ಼್ಯಾಸಿಸಂ ಅನ್ನು ಗಟ್ಟಿಗೊಳಿಸುತ್ತಾರೆ!
2022 ರ ಸಮ್ಮೇಳನಕ್ಕಾಗಿ ಸಲ್ಲಿಸಲಾಗಿದ್ದ ಲೇಖನವನ್ನು ವೆಬ್ಸೈಟ್ನಿಂದ ತೆಗೆದುಹಾಕಲಾಗಿತ್ತು ಎಂದು ವರದಿಯಾಗಿದೆ. ಆದರೂ ಇದೀಗ 2021 ರಿಂದಲೂ ಹಾಕಲಾಗಿದ್ದ ಲೇಖನಗಳು ಲಭ್ಯವಿವೆ.
2022 ರಲ್ಲಿ ಪೊಲೀಸ್ ಅಧಿಕಾರಿಗಳು ಸಲ್ಲಿಸಿದ ಕೆಲವು ಲೇಖನಗಳು ಭಾರತ-ಚೀನಾ ಗಡಿಯಲ್ಲಿನ ಪರಿಸ್ಥಿತಿ ಮತ್ತು ಮುಂದಿನ ಪ್ರದೇಶಗಳಲ್ಲಿ ಚೀನಾದ ಆಕ್ರಮಣಕಾರಿ ನಡವಳಿಕೆಯನ್ನು ಉಲ್ಲೇಖಿಸಿವೆ. ಇದು ರಾಷ್ಟ್ರೀಯ ಭದ್ರತೆಗೆ ಅಪಾಯಕಾರಿಯಾಗಬಹುದು ಎಂದು ಪಿಟಿಐ ವರದಿ ಮಾಡಿದೆ.
ಪೂರ್ವ ಲಡಾಖ್ ಪ್ರದೇಶದ 65 ಗಸ್ತು ಕೇಂದ್ರಗಳಲ್ಲಿ 26 ರಲ್ಲಿ ಭಾರತವು ಪ್ರವೇಶವನ್ನು ಕಳೆದುಕೊಂಡಿದೆ ಎಂದು ಲೇಹ್ ಹಿರಿಯ ಪೊಲೀಸ್ ಅಧೀಕ್ಷಕ ಪಿಡಿ ನಿತ್ಯಾ ತಮ್ಮ ಪತ್ರಿಕೆಯಲ್ಲಿ ತಿಳಿಸಿದ್ದಾರೆ. ಭಾರತ ಮತ್ತು ಚೀನಾ ನಡುವಿನ ಗಡಿ ಸಂಘರ್ಷಗಳ ಪ್ರಮುಖ ಫ್ಲ್ಯಾಶ್ ಪಾಯಿಂಟ್ – ಪೂರ್ವ ಲಡಾಖ್ನ ಕಾರಕೋರಂ ಪಾಸ್ ಮತ್ತು ಚುಮುರ್ ಪ್ರದೇಶದ ನಡುವೆ ಇರುವ 26 ಗಸ್ತು ಕೇಂದ್ರಗಳಿಗೆ ಭಾರತೀಯ ಭದ್ರತಾ ಪಡೆಗಳು ಇನ್ನು ಮುಂದೆ ಗಸ್ತು ತಿರುಗಲು ಸಾಧ್ಯವಿಲ್ಲ ಎಂದು ಅವರು ಹೇಳಿದರು.
ಇನ್ನೊಂದು ಲೇಖನವು ಹಿಂದುತ್ವ ಗುಂಪುಗಳಾದ ವಿಶ್ವ ಹಿಂದೂ ಪರಿಷತ್ ಮತ್ತು ಬಜರಂಗದಳವನ್ನು ಮೂಲಭೂತ ಸಂಘಟನೆಗಳೆಂದು ಗುರುತಿಸಿದೆ ಎಂದು ದಿ ಇಂಡಿಯನ್ ಎಕ್ಸ್ಪ್ರೆಸ್ ವರದಿ ಮಾಡಿದೆ.
“ಬಲಪಂಥೀಯ ವ್ಯಕ್ತಿಗಳು ಅಥವಾ ಗುಂಪುಗಳು ದೇಶದ ಬಗ್ಗೆ ಅಧಿಕೃತ ಪರಿಕಲ್ಪನೆಯನ್ನು ಹೊಂದಿವೆ. ಇದರಲ್ಲಿ ದೇಶ ಮತ್ತು ಜನರು ಜನಾಂಗೀಯವಾಗಿ ಏಕರೂಪವಾಗಿರಬೇಕು. ಎಲ್ಲರೂ ಏಕರೂಪದಲ್ಲಿ ಇರಬೇಕು ಎಂದು ಬಯಸುತ್ತಾರೆ” ಎಂದು ಪತ್ರಿಕೆಯೊಂದು ಹೇಳಿದೆ ಎಂದು ಪತ್ರಿಕೆ ವರದಿ ಮಾಡಿದೆ. “ಭಾರತವು ಬಹುಸಂಖ್ಯೆಯ ಸಮಾಜವಾಗಿದ್ದರೂ, ಬಹುಸಂಖ್ಯಾತತ್ವದ ಕಡೆಗೆ ಇಂಚಿಂಚಾಗಿ ಬಿಂಬಿಸಲಾಗಿದೆ. ಈ ರೀತಿಯಾಗಿ ಹೇಳುವ ಕೆಲವು ಬಲಪಂಥೀಯ ಸಂಘಟನೆಗಳನ್ನು ಹೆಸರಿಸಲಾಗಿದ್ದು- ಆನಂದ್ ಮಾರ್ಗ್, ವಿಎಚ್ಪಿ, ಬಜರಂಗದಳ, ಹಿಂದೂ ಸೇನೆ, ಇತ್ಯಾದಿ.”
ಪೊಲೀಸ್ ಸೂಪರಿಂಟೆಂಡೆಂಟ್ ಶ್ರೇಣಿಯ ಅಧಿಕಾರಿಯೊಬ್ಬರು ಇಸ್ಲಾಮಿಕ್ ಮೂಲಭೂತವಾದ ಮತ್ತು ಹಿಂದೂ ಉಗ್ರವಾದವನ್ನು ಸವಾಲುಗಳೆಂದು ನೋಟಿಸ್ ಮಾಡಿದರು. ಇಸ್ಲಾಮಿಕ್ ಸಂಘಟನೆಗಳಾದ ಜಮಾತ್-ಎ-ಇಸ್ಲಾಮಿ ಮತ್ತು ಜಮಿಯತ್ ಅಹ್ಲೆ-ಹದಿತ್, ಹಾಗೂ ಹಿಂದೂ ಉಗ್ರವಾದವನ್ನು ಮೂಲಭೂತೀಕರಣಕ್ಕೆ ಕಾರಣವೆಂದು ಅಧಿಕೃತ ನೋಟಿಸ್ ಮಾಡಿದ್ದಾರೆ.
“ಹಿಂದೂ ರಾಷ್ಟ್ರೀಯತೆಯ ಬೆಳವಣಿಗೆಯೊಂದಿಗೆ ಬಾಬರಿ ಮಸೀದಿ ಧ್ವಂಸ, ಗೋಮಾಂಸ ಹತ್ಯೆ ಪ್ರಕರಣಗಳು ಮತ್ತು ‘ಘರ್ ವಾಪ್ಸಿ ಆಂದೋಲನ’ಗಳು ಯುವ ಮನಸ್ಸುಗಳನ್ನು ಸೇರಿಸಿಕೊಳ್ಳಲು ಮತ್ತು ತೀವ್ರಗಾಮಿಗೊಳಿಸಲು ಉಗ್ರಗಾಮಿ ಗುಂಪುಗಳಿಗೆ ಮೂಲವಾಗಿದೆ” ಎಂಬ ಲೇಖನವಿದೆ.
