ಹಮಾಸ್ ಶನಿವಾರ ನಾಲ್ಕು ಮಹಿಳಾ ಇಸ್ರೇಲಿ ಸೈನಿಕರನ್ನು ಬಿಡುಗಡೆ ಮಾಡಿದ ನಂತರ, ಇಸ್ರೇಲ್ ರಕ್ಷಣಾ ಪಡೆಗಳು (ಐಡಿಎಫ್‌) 477 ದಿನಗಳ ಸೆರೆವಾಸದ ನಂತರ ಕುಟುಂಬ ಸದಸ್ಯರೊಂದಿಗೆ ಮತ್ತೆ ಒಂದಾಗುವ ವೀಡಿಯೊಗಳನ್ನು ಪೋಸ್ಟ್ ಮಾಡಿದೆ.
ಹಮಾಸ್ ಶನಿವಾರ ನಾಲ್ಕು ಇಸ್ರೇಲಿ ಸೈನಿಕರನ್ನು ಬಿಡುಗಡೆ ಮಾಡಿದೆ, ಕರೀನಾ ಅರಿಯೆವ್, ಡೇನಿಯೆಲ್ಲಾ ಗಿಲ್ಬೋವಾ, ನಾಮಾ ಲೆವಿ ಮತ್ತು ಲಿರಿ ಅಲ್ಬಾಗ್ ಅವರನ್ನು ಅಕ್ಟೋಬರ್ 7, 2023 ರಂದು ಹಮಾಸ್ ನಡೆಸಿದ ದಾಳಿಯ ನಂತರ ಸೆರೆಹಿಡಿಯಲಾಯಿತು. ಬಳಿಕ ಆ ಪ್ರದೇಶದಲ್ಲಿ ಒಂದು ದೊಡ್ಡ ಯುದ್ಧವಾಗಿ ಮಾರ್ಪಟ್ಟಿತು. ಅವರ ಬಿಡುಗಡೆಯ ನಂತರ, ನಾಲ್ವರು ಇಸ್ರೇಲಿ ಸೈನಿಕರು ಮುಗುಳ್ನಗುತ್ತಾ ಪ್ಯಾಲೆಸ್ಟೈನ್ ಚೌಕದ ವೇದಿಕೆಯಿಂದ ಹೆಬ್ಬೆರಳುಗಳನ್ನು ಮೇಲಕ್ಕೆತ್ತಿದರು.
ಎರಡೂ ಕಡೆಗಳಲ್ಲಿ ಶಸ್ತ್ರಸಜ್ಜಿತ, ಮುಖವಾಡ ಧರಿಸಿದ ಉಗ್ರಗಾಮಿಗಳು ಅವರನ್ನು ಸುತ್ತುವರೆದಿದ್ದರಿಂದ ಈ ನಡೆ ಮಹತ್ವದ್ದಾಗಿತ್ತು. ಮುಖ್ಯವಾಗಿ, ಹಿಂದೆ ಬಿಡುಗಡೆಯಾದ ಒತ್ತೆಯಾಳುಗಳು ತಮ್ಮನ್ನು ಕ್ರೂರ ಪರಿಸ್ಥಿತಿಗಳಲ್ಲಿ ಇರಿಸಲಾಗಿದೆ ಮತ್ತು ಪ್ರಚಾರದ ವೀಡಿಯೊಗಳನ್ನು ರೆಕಾರ್ಡ್ ಮಾಡಲು ಒತ್ತಾಯಿಸಲಾಗಿದೆ ಎಂದು ಹೇಳಿದರು.
ಒಂದು ವರ್ಷಕ್ಕೂ ಹೆಚ್ಚು ಕಾಲ ಸೆರೆಯಲ್ಲಿದ್ದ ನಂತರ ಅವರನ್ನು ಬಿಡುಗಡೆ ಮಾಡಿದಾಗ, ಟೆಲ್ ಅವೀವ್‌ನ ಒತ್ತೆಯಾಳು ಚೌಕದಲ್ಲಿ ನೂರಾರು ಜನರು ಹರ್ಷೋದ್ಗಾರ ಮಾಡಿದರು. ಅಲ್ಲಿ ಅವರು ದೊಡ್ಡ ಪರದೆಯಲ್ಲಿ ಇಡೀ ಸಂದರ್ಭ ವೀಕ್ಷಿಸುತ್ತಿದ್ದರು.
ಐಡಿಎಫ್‌ ಎಕ್ಸ್‌ನಲ್ಲಿ ಪೋಸ್ಟ್ ಮಾಡಿ, “ನಡೆಯುತ್ತಿರುವ ಪ್ರಯತ್ನಗಳ ಭಾಗವಾಗಿ, ಇಂದು ಹಮಾಸ್ ಸೆರೆಯಲ್ಲಿ 477 ದಿನಗಳ ನಂತರ ನಾವು ನಾಲ್ಕು ಇಸ್ರೇಲಿ ಒತ್ತೆಯಾಳುಗಳನ್ನು ಮನೆಗೆ ಸ್ವಾಗತಿಸಿದ್ದೇವೆ. ಪ್ರತಿಯೊಬ್ಬ ಒತ್ತೆಯಾಳು ಮನೆಗೆ ಬರುವವರೆಗೆ ನಮ್ಮ ಮಿಷನ್ ಮುಗಿದಿಲ್ಲ” ಎಂದು ಹೇಳಿದೆ.
ನಂತರ, ವಿನಿಮಯ ಒಪ್ಪಂದದ ಭಾಗವಾಗಿ, ಇಸ್ರೇಲಿ ಅಧಿಕಾರಿಗಳು ಶನಿವಾರ 200 ಪ್ಯಾಲೆಸ್ತೀನಿಯನ್ ಕೈದಿಗಳು ಮತ್ತು ಬಂಧಿತರನ್ನು ಬಿಡುಗಡೆ ಮಾಡಿದ್ದಾರೆ ಎಂದು ಘೋಷಿಸಿದರು.
ಪ್ಯಾಲೆಸ್ತೀನಿಯನ್ ಕೈದಿಗಳನ್ನು ಬಿಡುಗಡೆ ಮಾಡಿದ ನಂತರ, ಅವರನ್ನು ಹೊತ್ತ ಬಸ್‌ಗಳು ಆಕ್ರಮಿತ ಪಶ್ಚಿಮ ದಂಡೆಯಲ್ಲಿರುವ ಓಫರ್ ಜೈಲಿನಿಂದ ಜೆರುಸಲೆಮ್ ಮತ್ತು ರಮಲ್ಲಾ ನಗರದ ಕಡೆಗೆ ಸಾಗಿದವು. ಅಲ್ಲಿ ಸಂಬಂಧಿಕರು ಮತ್ತು ಬೆಂಬಲಿಗರು ತಮ್ಮವರ ವಾಪಸಾತಿಗಾಗಿ ಕಾಯುತ್ತಿದ್ದರು.
ಇಸ್ರೇಲ್-ಹಮಾಸ್ ಕದನ ವಿರಾಮ ಒಪ್ಪಂದ:
ಇಸ್ರೇಲ್ ಮತ್ತು ಹಮಾಸ್ ಕದನ ವಿರಾಮದ ಮೊದಲ ಹಂತದಲ್ಲಿ ಗಾಜಾದಲ್ಲಿ 33 ಒತ್ತೆಯಾಳುಗಳನ್ನು ಕ್ರಮೇಣ ಬಿಡುಗಡೆ ಮಾಡಲು ಒಪ್ಪಿಕೊಂಡಿವೆ, ಇಸ್ರೇಲ್ ವಶದಲ್ಲಿರುವ ಸುಮಾರು 2,000 ಪ್ಯಾಲೆಸ್ಟೀನಿಯನ್ ಕೈದಿಗಳಿಗೆ ಬದಲಾಗಿ. ಈ ಕದನ ವಿರಾಮದ ಸಮಯದಲ್ಲಿ ಇಸ್ರೇಲ್ ವಶದಲ್ಲಿರುವ 90 ಪ್ಯಾಲೆಸ್ಟೀನಿಯನ್ ಕೈದಿಗಳಿಗೆ ಬದಲಾಗಿ ಮೂವರು ಒತ್ತೆಯಾಳುಗಳನ್ನು ಬಿಡುಗಡೆ ಮಾಡಲಾಗಿತ್ತು.
ಒತ್ತೆಯಾಳುಗಳ ಕದನ ವಿರಾಮ-ಬಿಡುಗಡೆಯು ಇಸ್ರೇಲಿಗಳಲ್ಲಿ ಭರವಸೆ ಮತ್ತು ಭಯ ಎರಡನ್ನೂ ಹುಟ್ಟುಹಾಕಿದೆ. ಎಲ್ಲ ಒತ್ತೆಯಾಳುಗಳು ಹಿಂತಿರುಗುವ ಮೊದಲು ಕದನ ವಿರಾಮ ಕುಸಿಯಬಹುದು ಅಥವಾ ಬಿಡುಗಡೆಯಾದವರು ಆರೋಗ್ಯ ಹದಗೆಟ್ಟಿರುತ್ತೆ ಎಂದು ಹಲವರು ಚಿಂತಿಸುತ್ತಾರೆ. ಸಾವನ್ನಪ್ಪಿದ ಬಂಧಿತರ ಸಂಖ್ಯೆ ನಿರೀಕ್ಷೆಗಿಂತ ಹೆಚ್ಚಾಗಿದೆ ಎಂದು ಇತರರು ಹಲವರು ಚಿಂತೆಗೀಡಾಗಿದ್ದಾರೆ.
ಇದನ್ನೂ ಓದಿ; ಅದಾನಿ ವಿದ್ಯುತ್ ಒಪ್ಪಂದವನ್ನು ರದ್ದುಗೊಳಿಸಿದ ಶ್ರೀಲಂಕಾ – ವರದಿ
