ಭಾರತ ಮತ್ತು ಆಸ್ಟ್ರೇಲಿಯಾ ನಡುವಿನ ಐಸಿಸಿ ಏಕದಿನ ವಿಶ್ವಕಪ್ ಫೈನಲ್ ಪಂದ್ಯದ ವೇಳೆ ಆಸ್ಟ್ರೇಲಿಯಾದ ವ್ಯಕ್ತಿಯೊಬ್ಬ “ಫ್ರೀ ಪ್ಯಾಲೆಸ್ತೀನ್” ಎಂಬ ಘೋಷಣೆಯ ಟೀ-ಶರ್ಟ್ ಧರಿಸಿ ಮೈದಾನದೊಳಗೆ ಓಡಿಹೋಗಿದ್ದನು. ಆ ವ್ಯಕ್ತಿಯನ್ನು ಗುಜರಾತ್ ಪೊಲೀಸರು ಸಾಮಾನ್ಯ ಅಪರಾಧಿ ಎಂದು ಬಂಧಿಸಿದ್ದಾರೆ.
ಅಹಮದಾಬಾದ್‌ನ ನರೇಂದ್ರ ಮೋದಿ ಸ್ಟೇಡಿಯಂನಲ್ಲಿ ಮೊದಲ ಇನಿಂಗ್ಸ್‌ನ 14ನೇ ಓವರ್‌ನಲ್ಲಿ ಕ್ರಿಕೆಟಿಗರಾದ ವಿರಾಟ್ ಕೊಹ್ಲಿ ಮತ್ತು ಕೆಎಲ್ ರಾಹುಲ್ ಬ್ಯಾಟಿಂಗ್ ಮಾಡುತ್ತಿದ್ದರು. ಈ ವೇಳೆ 24ರ ವರ್ಷದ ಯುವಕ “ಫ್ರೀ ಪ್ಯಾಲೆಸ್ತೀನ್” ಎಂಬ ಘೋಷಣೆಯ ಟೀ-ಶರ್ಟ್ ಧರಿಸಿ ಕೊಹ್ಲಿಯ ಸಮೀಪಿ ಬರುತ್ತಿದ್ದಂತೆ ಆತನನ್ನು ಭದ್ರತಾ ಸಿಬ್ಬಂದಿ ತಕ್ಷಣವೇ ಬಂಧಿಸಿದ್ದಾರೆ.
ಬಂಧಿತ ವ್ಯಕ್ತಿಯ ಹೆಸರು ಜಾನ್ಸನ್ ಎಂದು ತಿಳಿದುಬಂದಿದ್ದೆ. ನಂತರ ಆತನ ವಿರುದ್ಧ ಭಾರತೀಯ ದಂಡ ಸಂಹಿತೆಯ ಸೆಕ್ಷನ್ 332 (ಸ್ವಯಂಪ್ರೇರಿತವಾಗಿ ಸಾರ್ವಜನಿಕ ಸೇವಕನಾಗಿರುವ ಯಾವುದೇ ವ್ಯಕ್ತಿಗೆ ತನ್ನ ಕರ್ತವ್ಯವನ್ನು ನಿರ್ವಹಿಸುವಲ್ಲಿ ಗಾಯವನ್ನು ಉಂಟುಮಾಡುತ್ತದೆ) ಮತ್ತು 447 (ಅಪರಾಧದ ಉಲ್ಲಂಘನೆ) ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಳ್ಳಲಾಗಿದೆ.
Ahmedabad crime branch shares how Australian national Wen Johnson breached the security and invaded the pitch during Ind-Aus world cup final match, wearing t-shirt with pro-Palestine messages. The final between India and Australia was interrupted briefly #INDvsAUS @DeccanHerald pic.twitter.com/z2oyLp6jiY
— satish jha. (@satishjha) November 20, 2023
ಸೋಮವಾರ ಗಾಂಧಿನಗರ ನ್ಯಾಯಾಲಯ ಅವರನ್ನು ಒಂದು ದಿನದ ಪೊಲೀಸ್ ಕಸ್ಟಡಿಗೆ ನೀಡಿದೆ.
ಸಿಡ್ನಿ ನಿವಾಸಿಯಾಗಿರುವ ಜಾನ್ಸನ್, ರೀಲ್ಸ್ ಟಿಕ್‌ಟಾಕ್‌ನಲ್ಲಿ ಪ್ರಸಿದ್ಧರಾಗಲು ಈ ರೀತಿ ಮಾಡಿದ್ದಾರೆ ಎಂದು ಆರೋಪಿಸಲಾಗಿದೆ.
”ನಾನು ಕೊಹ್ಲಿಯ ಅಭಿಮಾನಿ ಮತ್ತು ಪಂದ್ಯದ ವೇಳೆ ಅವರನ್ನು ಭೇಟಿಯಾಗಲು ಬಯಸುತ್ತೇನೆ” ಎಂದು ಜಾನ್ಸನ್ ಅಧಿಕಾರಿಗಳಿಗೆ ತಿಳಿಸಿದ್ದಾರೆ ಎಂದು ಪೊಲೀಸ್ ಇನ್ಸ್‌ಪೆಕ್ಟರ್ ವಿರಾಜ್ ಜಡೇಜಾ ಹೇಳಿದ್ದಾರೆ.
ಕೊಹ್ಲಿಯನ್ನು ಭೇಟಿ ಮಾಡುವುದು ಅವರ ಮುಖ್ಯ ಉದ್ದೇಶವಾಗಿದ್ದರೆ, ಅವರು ಪ್ಯಾಲೆಸ್ಟೈನ್ ಪರ ಟಿ-ಶರ್ಟ್ ಯಾಕೆ ಧರಿಸಿದ್ದೀರಿ? ಎಂದು ಅಧಿಕಾರಿಗಳು ಪ್ರಶ್ನಿಸಿದ್ದಾರೆ.
ಪ್ರಾಥಮಿಕ ತನಿಖೆಯ ಪ್ರಕಾರ, ಜಾನ್ಸನ್ ಭಾರತ ತಂಡದ ನೀಲಿ ಜೆರ್ಸಿಯನ್ನು ಧರಿಸಿದ್ದರು ಅದರ ಒಳಗೆ ಪ್ಯಾಲೆಸ್ತೀನ್ ಪರ ಘೋಷಣೆಗಳನ್ನು ಹೊಂದಿರುವ ಟೀ ಶರ್ಟ್ ಧರಿಸಿದ್ದರು. ಕೊಹ್ಲಿ ಕಡೆಗೆ ಓಡುವ ಮುನ್ನ ನೀಲಿ ಜೆರ್ಸಿಯನ್ನು ತೆಗೆದಿದ್ದರು ಎಂದು ಹೇಳಲಾಗಿದೆ.
ಇದನ್ನೂ ಓದಿ: ಕೆಂಪು ಸಮುದ್ರದಲ್ಲಿ ಅಪಹರಣಕ್ಕೊಳಗಾದ ಹಡಗು ಇಸ್ರೇಲ್‌ಗೆ ಸೇರಿದ್ದು: ವರದಿ
