ಮುಹಮ್ಮದ್ ಘೋರಿಯಂತಹ ವ್ಯಕ್ತಿಗಳ ಐತಿಹಾಸಿಕ ಆಕ್ರಮಣಗಳ ಸಮಯದಲ್ಲಿ ಭಾರತೀಯ ದೇವರುಗಳು ಮತ್ತು ದೇವತೆಗಳ ಪಾತ್ರವನ್ನು ಪ್ರಶ್ನಿಸುವ ತಮ್ಮ ಹೇಳಿಕೆಗಳನ್ನು ಸಮಾಜವಾದಿ ಪಕ್ಷದ ಶಾಸಕ ಇಂದ್ರಜೀತ್ ಸರೋಜ್ ಮಂಗಳವಾರ ಪುನರುಚ್ಚರಿಸಿದರು. ಖಾಸಗಿ ಮಾಧ್ಯಮವೊಂದರ ಜೊತೆಗೆ ಮಾತನಾಡಿದ ಅವರು, ದೇಶದ ದೇವರುಗಳು ಮತ್ತು ದೇವತೆಗಳು ಆಕ್ರಮಣಕಾರರನ್ನು ಶಪಿಸಿ ಅವರನ್ನು ಬೂದಿಯಾಗಿಸಬೇಕಾಗಿತ್ತು ಎಂದು ಪ್ರತಿಪಾದಿಸಿದರು.
“ನಮ್ಮ ದೇವರುಗಳು ಮತ್ತು ದೇವತೆಗಳು ಅಷ್ಟು ಶಕ್ತಿಶಾಲಿಗಳಾಗಿರಲಿಲ್ಲ. ಕ್ರಿ.ಶ. 712 ರಲ್ಲಿ, ಮುಹಮ್ಮದ್ ಬಿನ್ ಖಾಸಿಮ್ ಅರೇಬಿಯಾದಿಂದ ಈ ದೇಶಕ್ಕೆ ಬಂದು ದೇಶವನ್ನು ಲೂಟಿ ಮಾಡಿದರು. ಮುಹಮ್ಮದ್ ಘೋರಿ ಈ ಸ್ಥಳವನ್ನು ಲೂಟಿ ಮಾಡಲು ಈ ದೇಶಕ್ಕೆ ಬಂದರು. ಹಾಗಾದರೆ, ಈ ದೇಶದ ದೇವರುಗಳು ಮತ್ತು ದೇವತೆಗಳು ಏನು ಮಾಡಿದರು? ಅವರು ಮುಸ್ಲಿಮರನ್ನು ಶಪಿಸಿದ್ದರೆ ಅವರು ಬೂದಿಯಾಗಿ ಸಾಯಬೇಕಿತ್ತು ಮತ್ತು ಕುರುಡರಾಗಬೇಕಿತ್ತು. ಇದರರ್ಥ ಏನೋ ಕೊರತೆಯಿದೆ, ನಮ್ಮ ದೇವರುಗಳು ಮತ್ತು ದೇವತೆಗಳು ಅಷ್ಟೊಂದು ಶಕ್ತಿಶಾಲಿಗಳಲ್ಲ” ಎಂದು ಸಮಾಜವಾದಿ ಪಕ್ಷದ ಶಾಸಕರು ಹೇಳಿದರು.
ಉತ್ತರ ಪ್ರದೇಶದಲ್ಲಿ ನಡೆದ ಕಾರ್ಯಕ್ರಮವೊಂದರಲ್ಲಿ ಸೋಮವಾರ ಮಾತನಾಡಿದ ಸರೋಜ್, ಭಾರತದ ದೇವಾಲಯಗಳಿಗೆ ಅಧಿಕಾರವಿದ್ದರೆ, ಮೊಹಮ್ಮದ್ ಬಿನ್ ಖಾಸಿಮ್, ಮಹ್ಮದ್ ಘಜ್ನವಿ ಮತ್ತು ಮೊಹಮ್ಮದ್ ಘೋರಿಯಂತಹ ಆಕ್ರಮಣಕಾರರು ದೇಶಕ್ಕೆ ಬರುತ್ತಿರಲಿಲ್ಲ ಎಂದು ಹೇಳಿದರು.
ಇತ್ತೀಚೆಗೆ, ಸಮಾಜವಾದಿ ಪಕ್ಷದ ಮತ್ತೊಬ್ಬ ನಾಯಕ ರಾಮ್‌ಜಿ ಲಾಲ್ ಸುಮಾ, 16 ನೇ ಶತಮಾನದ ರಜಪೂತ ರಾಜ ರಾಣಾ ಸಂಗ ಅವರ ಬಗ್ಗೆ ನೀಡಿದ ಹೇಳಿಕೆಯೊಂದಿಗೆ ವಿವಾದವನ್ನು ಹುಟ್ಟುಹಾಕಿದರು. ಇಬ್ರಾಹಿಂ ಲೋದಿಯನ್ನು ಸೋಲಿಸಲು ಮೊಘಲ್ ರಾಜವಂಶದ ಸ್ಥಾಪಕ ಬಾಬರ್‌ನನ್ನು ಕರೆತಂದ ಆರೋಪದ ಮೇಲೆ ಅವರನ್ನು ‘ದೇಶದ್ರೋಹಿ’ ಎಂದು ಕರೆದರು.
ಮಾರ್ಚ್ 26 ರಂದು, ಆಗ್ರಾದಲ್ಲಿರುವ ರಾಜ್ಯಸಭಾ ಸಂಸದರ ನಿವಾಸದ ಹೊರಗೆ ಹಿಂಸಾಚಾರ ಭುಗಿಲೆದ್ದಿತು. ಅಪರಿಚಿತ ವ್ಯಕ್ತಿಗಳು ಕಲ್ಲು ತೂರಾಟ, ಕಿಟಕಿ ಗಾಜುಗಳನ್ನು ಒಡೆದು ಹೊರಗೆ ನಿಲ್ಲಿಸಿದ್ದ ವಾಹನಗಳನ್ನು ಧ್ವಂಸ ಮಾಡಿದರು.
ಉತ್ತರಪ್ರದೇಶ: ಮುಸ್ಲಿಂ ಯುವತಿಯ ಬುರ್ಖಾ ಬಿಚ್ಚಿ ಥಳಿತ; ವೀಡಿಯೋ ವೈರಲ್
