ಕವಿತೆ| ಕೋಮುವಾದ, ಜಾತಿ-ಧರ್ಮ ಎಂದವರು ಎಲ್ಲಿಗೆ ಹೋದರಯ್ಯ…

ಕೋಮುವಾದ ಮಾಡುವವರು…
ಜಾತಿ-ಧರ್ಮ ಅಂತ ಕಚ್ಚಾಡುವವರು…
ತನ್ನದೇ ಜಯ ಎಂದವರು ಎಲ್ಲಯ್ಯ?.
ಎಲ್ಲಿಗೆ ಹೋದರಯ್ಯ ಅವರು ಎಲ್ಲಿಗೆ ಹೋದರಯ್ಯ…..

ತಾನು ಮೇಲು ತನ್ನದೇ ಮೇಲು…
ತನ್ನ ಎದುರು ಎಲ್ಲವು ಕೀಳು…
ಎಂದವರು ಎಲ್ಲಯ್ಯ?.
ಎಲ್ಲಿಗೆ ಹೋದರಯ್ಯ ಅವರು ಎಲ್ಲಿಗೆ ಹೋದರಯ್ಯ…..

ತನಗೆ ಅವರು ಆಗಲ್ಲ…
ನನಗೆ ಇವರು ಆಗಲ್ಲ…
ತಾನೇ ದೊಡ್ಡವನು ಎಂದವರು ಎಲ್ಲಯ್ಯ?.
ಎಲ್ಲಿಗೆ ಹೋದರಯ್ಯ ಅವರು ಎಲ್ಲಿಗೆ ಹೋದರಯ್ಯ…..

ತನಗೆ ದಿನ ಇಡೀ ನಗರ ಸುತ್ತಾಡಬೇಕು…
ಶಾಪಿಂಗ್ ಮಾಡಬೇಕು…
ಅದು ನನ್ನ ಹವ್ಯಾಸ ಎಂದವರು ಎಲ್ಲಯ್ಯ?.
ಎಲ್ಲಿಗೆ ಹೋದರಯ್ಯ ಅವರು ಎಲ್ಲಿಗೆ ಹೋದರಯ್ಯ…..

ತನ್ನ ಮದುವೆ ಆಡಂಬರದಿಂದ ಆಗಬೇಕು…
ಈ ದಿನದಲ್ಲಿ ಆಗಬೇಕು…
ಇದು ನನ್ನ ಕನಸು ಎಂದವರು ಎಲ್ಲಯ್ಯ?.
ಎಲ್ಲಿಗೆ ಹೋದರಯ್ಯ ಅವರು ಎಲ್ಲಿಗೆ ಹೋದರಯ್ಯ…..

–ನೌಫಲ್ ಮಠ
ಉಪ್ಪಿನಂಗಡಿ ದ.ಕ