ಹೈದರಾಬಾದ್ನ ಧರಣಾ ಚೌಕ್ನಲ್ಲಿ ಇಂದು ಮಾನ್ಯತೆ ಪಡೆದ ಸಾಮಾಜಿಕ ಆರೋಗ್ಯ ಕಾರ್ಯಕರ್ತೆಯರು ನಡೆಸುತ್ತಿದ್ದ ಪ್ರತಿಭಟನೆ ಸಂದರ್ಭದಲ್ಲಿ ಅವರನ್ನು ಬಂಧಿಸಲಾಯಿತು. ಸರ್ಕಾರವು 18,000 ರೂ.ಗಳ ಮಾಸಿಕ ನಿಗದಿತ ವೇತನ ಮತ್ತು ಉದ್ಯೋಗ ಭದ್ರತೆಯ ಚುನಾವಣಾ ಭರವಸೆಯನ್ನು ಈಡೇರಿಸಬೇಕೆಂದು ಅವರು ಒತ್ತಾಯಿಸಿ, ಕಾಂಗ್ರೆಸ್ ಸರ್ಕಾರದ ವಿರುದ್ಧ ಆಕ್ರೊಶ ವ್ಯಕ್ತಪಡಿಸಿದರು ಎಂದು ‘ಸಿಯಾಸತ್.ಕಾಮ್’ ವರದಿ ಮಾಡಿದೆ.
ಪೊಲೀಸರು ಪ್ರತಿಭಟನಾಕಾರರನ್ನು ಎಳೆದೊಯ್ದಾಗ “ವದ್ಧು ರಾ ನಯನ ಕಾಂಗ್ರೆಸ್ ಪಲಾನಾ (ಕಾಂಗ್ರೆಸ್ ಆಡಳಿತ ಬೇಡ)” ಎಂಬ ಘೋಷಣೆಗಳು ಗಾಳಿಯಲ್ಲಿ ಪ್ರತಿಧ್ವನಿಸಿದವು.
ಸಿಯಾಸತ್.ಕಾಮ್ ಜೊತೆ ಮಾತನಾಡಿದ ಆಶಾ ಕಾರ್ಯಕರ್ತೆ ಮತ್ತು ಭುವನಗಿರಿ ಜಿಲ್ಲಾ ಅಧ್ಯಕ್ಷೆ ಭವಾನಿ ಯದಾದ್ರಿ, “ಪ್ರತಿಭಟನೆಗೆ ಕೊನೆಯ ಕ್ಷಣದಲ್ಲಿ ಅನುಮತಿ ರದ್ದುಪಡಿಸಲಾಗಿದೆ” ಎಂದು ಆರೋಪಿಸಿದರು. “ಮಧ್ಯರಾತ್ರಿಯವರೆಗೂ ಪೊಲೀಸರು ಅನುಮತಿ ನೀಡಿದ್ದರು, ಆದರೆ ಹೋರಾಟ ಪ್ರಾರಂಭವಾಗುವ ಮೊದಲೇ ಅದನ್ನು ರದ್ದುಗೊಳಿಸಿದರು” ಎಂದು ಹೇಳಿದರು.
ಎರಡು ವರ್ಷಗಳಿಗೂ ಹೆಚ್ಚು ಕಾಲ, ಆಶಾ ಕಾರ್ಯಕರ್ತರು ನಿಗದಿತ ಮಾಸಿಕ ವೇತನಕ್ಕಾಗಿ ಒತ್ತಾಯಿಸುತ್ತಿದ್ದಾರೆ. ಕೇಂದ್ರ ಘೋಷಿಸಿರುವ ಗೌರವಧನದಲ್ಲಿ ರೂ.1,500 ಹೆಚ್ಚಳವನ್ನು ತಕ್ಷಣ ಜಾರಿಗೆ ತರುವುದು, ಜುಲೈನಿಂದ ಡಿಸೆಂಬರ್ 2021 ರವರೆಗೆ ವೇತನ ಪರಿಷ್ಕರಣಾ ಆಯೋಗ (ಪಿಆರ್ಸಿ) ಅಡಿಯಲ್ಲಿ ಶಿಫಾರಸು ಮಾಡಲಾದ ಆರು ತಿಂಗಳ ಬಾಕಿ ವೇತನವನ್ನು ತೆರವುಗೊಳಿಸುವುದು, 2022 ಮತ್ತು 2025 ರ ನಡುವೆ ಕುಷ್ಠರೋಗ ಮತ್ತು ಪಲ್ಸ್ ಪೋಲಿಯೊ ಸಮೀಕ್ಷೆಗಳಲ್ಲಿ ನಿರ್ವಹಿಸಲಾದ ಕೆಲಸಗಳಿಗೆ ಚುನಾವಣೆ, ಪರೀಕ್ಷಾ ಕರ್ತವ್ಯಗಳ ಪಾವತಿ ಮತ್ತು ಬಾಕಿಗಳನ್ನು ಪಾವತಿಸುವುದು ಇತರ ಬೇಡಿಕೆಗಳಲ್ಲಿ ಸೇರಿವೆ.
50 ಲಕ್ಷ ವಿಮಾ ರಕ್ಷಣೆ, ಕುಟುಂಬದಲ್ಲಿ ಮರಣದ ಸಂದರ್ಭದಲ್ಲಿ ಅಂತ್ಯಕ್ರಿಯೆಗಾಗಿ ರೂ.50,000 ಮತ್ತು ಭವಿಷ್ಯ ನಿಧಿ (ಪಿಎಫ್), ನೌಕರರ ರಾಜ್ಯ ವಿಮಾ (ಇಎಸ್ಐ) ಪ್ರಯೋಜನಗಳನ್ನು ವಿಸ್ತರಿಸಬೇಕು ಎಂದು ಅವರು ಒತ್ತಾಯಿಸಿದರು.
“ಕಾಂಗ್ರೆಸ್ ಅಧಿಕಾರಕ್ಕೆ ಬಂದು ಎರಡು ವರ್ಷಗಳಿಗೂ ಹೆಚ್ಚು ಕಳೆದಿದೆ. ಆದರೆ, ಅವರು ತಮ್ಮ ಭರವಸೆಯನ್ನು ಈಡೇರಿಸುವಲ್ಲಿ ವಿಫಲರಾಗಿದ್ದಾರೆ” ಎಂದು ಭವಾನಿ ಯದಾದ್ರಿ ಹೇಳಿದರು.
