ಥಾಮಸ್ ಕಪ್ 2022 ಗೆಲ್ಲುವ ಮೂಲಕ 14 ಬಾರಿ ಚಾಂಪಿಯನ್ ಆಗಿದ್ದ ಇಂಡೋನೇಷ್ಯಾ ತಂಡವನ್ನು 3-0 ಅಂತರದಿಂದ ಮಣಿಸಿ ಭಾರತವು ಮೊದಲ ಬಾರಿಗೆ ಚಾಂಪಿಯನ್ ಪಟ್ಟ ಅಲಂಕರಿಸಿದೆ.
ಭಾನುವಾರ ಥಾಯ್ಲೆಂಡ್‌ನ ಇಂಪ್ಯಾಕ್ಟ್ ಅರೆನಾದಲ್ಲಿ ನಡೆದ ಫೈನಲ್‌ನಲ್ಲಿ ಭಾರತದ ಕಿಡಂಬಿ ಶ್ರೀಕಾಂತ್ 21-15, 23-21 ನೇರ ಗೇಮ್‌ಗಳಲ್ಲಿ ಜೊನಾಟನ್ ಕ್ರಿಸ್ಟಿ ಅವರನ್ನು ಸೋಲಿಸಿದರು. ಆ ಮೂಲಕ ಭಾರತ ಯಾವುದೇ ಪಂದ್ಯವನ್ನು ಸೋಲದೆ ಪ್ರಶಸ್ತಿ ಜಯಿಸಿತು. ಇದಕ್ಕೂ ಮುನ್ನ ಭಾರತದ ಸಾತ್ವಿಕ್ ಸಾಯಿರಾಜ್ ರಂಕಿರೆಡ್ಡಿ ಮತ್ತು ಚಿರಾಗ್ ಶೆಟ್ಟಿ ಅವರು ಮೊಹಮ್ಮದ್ ಅಹ್ಸಾನ್ ಮತ್ತು ಕೆವಿನ್ ಸಂಜಯ ಸುಕಮುಲ್ಜೊ ಅವರನ್ನು 18-21, 23-21, 21-19 ರಿಂದ ಸೋಲಿಸಿದಾಗ ಭಾರತ 2-0 ಮುನ್ನಡೆ ಸಾಧಿಸಿತ್ತು.
ಮೊದಲ ಪಂದ್ಯದಲ್ಲಿ ಇಂಡೋನೇಷ್ಯಾದ ಆಂಥೋನಿ ಗಿಂಟಿಂಗ್ ಅವರನ್ನು ಭಾರತದ ಲಕ್ಷ್ಯ ಸೇನ್ ಸೋಲಿಸಿ ಭಾರತಕ್ಕೆ 1-0 ಮುನ್ನಡೆ ಸಾಧಿಸಲು ಕಾರಣವಾಗಿದ್ದರು. ಮೊದಲ ಸೆಟ್ ಅನ್ನು 8-21 ರಲ್ಲಿ ಕಳೆದುಕೊಂಡ ನಂತರ, ಸೇನ್ ಎರಡನೇ ಗೇಮ್‌ನಲ್ಲಿ ವಾಪಸಾತಿ ಮಾಡಿದರು. ಸೇನ್ 8-21, 21-17, 21-16 ರಲ್ಲಿ ಗಿಂಟಿಂಗ್ ಅವರನ್ನು ಸೋಲಿಸಿದರು.
The Indian badminton team has scripted history! The entire nation is elated by India winning the Thomas Cup! Congratulations to our accomplished team and best wishes to them for their future endeavours. This win will motivate so many upcoming sportspersons.
— Narendra Modi (@narendramodi) May 15, 2022
ಹೀಗೆ ಭಾರತದ ಎಲ್ಲಾ ಆಟಗಾರರು ಅದ್ವೀತಿಯ ಪ್ರದರ್ಶನ ನೀಡುವ ಮೂಲಕ ಥಾಮಸ್ ಕಪ್ ಗೆದ್ದುಕೊಟ್ಟಿದ್ದಾರೆ. ಈ ಸಾಧನೆಗಾಗಿ ಭಾರತ ತಂಡವನ್ನು ಗಣ್ಯರು ಅಭಿನಂದಿಸಿದ್ದಾರೆ.
History !!!!
India wins Thomas cup the first time they reached finals !!!
Take a bow boys !!! #ThomasCup @Shettychirag04 @satwiksairaj @PRANNOYHSPRI @srikidambi @lakshya_sen #Vishnu #Krishna pic.twitter.com/7oMfBwlduU— taapsee pannu (@taapsee) May 15, 2022
