ಸೆಂಟರ್ ಫಾರ್ ಮಾನಿಟರಿಂಗ್ ಇಂಡಿಯನ್ ಎಕಾನಮಿ (CMIE) ಯ ವರದಿಯನ್ನು ಉಲ್ಲೇಖಿಸಿ, ಪಶ್ಚಿಮ ಬಂಗಾಳ ಮುಖ್ಯಮಂತ್ರಿ ಮಮತಾ ಬ್ಯಾನರ್ಜಿ ಇಂದು “ಈ ವರ್ಷದ ಜೂನ್ನಲ್ಲಿ ರಾಜ್ಯದ ನಿರುದ್ಯೋಗ ದರವು ಶೇಕಡಾ 6.5 ರಷ್ಟಿದೆ, ಇದು ದೇಶದ (ಶೇಕಡಾ 11 ರಷ್ಟು) ಶೇಕಡಾವಾರು ನಿರುದ್ಯೋಗ ದರಕ್ಕಿಂತ ಉತ್ತಮವಾಗಿದೆ ಎಂದಿದ್ದಾರೆ.
ಆಂಫಾನ್ ಚಂಡಮಾರುತದಿಂದ ಉಂಟಾದ ವಿನಾಶ ಮತ್ತು ಕೋವಿಡ್ -19 ಬಿಕ್ಕಟ್ಟನ್ನು ನಿಭಾಯಿಸಲು ತನ್ನ ಸರ್ಕಾರ ಅಳವಡಿಸಿಕೊಂಡ ಆರ್ಥಿಕ ತಂತ್ರವೇ ಇದಕ್ಕೆ ಕಾರಣ ಎಂದು ಅವರು ಹೇಳಿದರು.
ನಾವು ಕೋವಿಡ್ -19 ಮತ್ತು ಆಂಫಾನ್ ನಿಂದ ಉಂಟಾದ ವಿನಾಶವನ್ನು ನಿಭಾಯಿಸಲು ‘ರೋಬಸ್ಟ್ ಆರ್ಥಿಕ ತಂತ್ರ’ವನ್ನು ಜಾರಿಗೆ ತಂದಿದ್ದೇವೆ ಎಂದು ಅವರು ತಿಳಿಸಿದ್ದಾರೆ.
We've implemented a robust economic strategy to tackle #COVID19 & the devastation caused by Amphan. Proof lies in West Bengal's Unemployment Rate for the month of June 2020 which stands at 6.5%, far better than that of India at 11%, UP at 9.6% & Haryana at 33.6%, as per CMIE.
— Mamata Banerjee (@MamataOfficial) July 4, 2020
CMIE ಪ್ರಕಾರ ಪಶ್ಚಿಮ ಬಂಗಾಳದ ನಿರುದ್ಯೋಗದರವು 2020 ರ ಜೂನ್ನಲ್ಲಿ ಶೇ.6.5 ರಷ್ಟಿದೆ. ಉತ್ತರ ಪ್ರದೇಶದಲ್ಲಿ ಶೇ 9.6 ಮತ್ತು ಹರಿಯಾಣದಲ್ಲಿ 33.6 ರಷ್ಟಿದೆ ಎಂದು ಮಮತಾ ಬ್ಯಾನರ್ಜಿ ತಮ್ಮ ಟ್ವೀಟ್ನಲ್ಲಿ ಹೇಳಿದ್ದಾರೆ.
CMIE ಬುಧವಾರ ಬಿಡುಗಡೆ ಮಾಡಿದ ಮಾಹಿತಿಯ ಪ್ರಕಾರ, ಲಾಕ್ಡೌನ್ ನಿರ್ಬಂಧಗಳನ್ನು ಸಡಿಲಿಸಿದ ನಂತರ ಆರ್ಥಿಕ ಚಟುವಟಿಕೆಗಳು ಪುನರಾರಂಭಗೊಂಡಿದ್ದರಿಂದ ದೇಶದ ನಿರುದ್ಯೋಗದರವು ಮೇನಲ್ಲಿ ಶೇಕಡಾ 23.5 ಇದ್ದಿದ್ದು, ಜೂನ್ನಲ್ಲಿ ಶೇ.11ಕ್ಕೆ ಇಳಿದಿದೆ.
ಇದನ್ನೂ ಓದಿ: ಏಪ್ರಿಲ್ನಲ್ಲಿ ನಿರುದ್ಯೋಗ ದರ 27.1% ರಷ್ಟು ಏರಿಕೆ: ಸಾರ್ವಕಾಲಿಕ ಗರಿಷ್ಠ ಮಟ್ಟಕ್ಕೆ ಏರಿಕೆಯೆಂದ CMIE
