ಪ್ರೊ. ಕಬ್ಬಡ್ಡಿ: ತೆಲಗು ಟೈಟನ್ಸ್ ವಿರುದ್ಧ ಯು ಮುಂಬಾಗೆ ಅಧಿಕಾರಯುತ ಗೆಲುವು

ಇಂದು ಆರಂಭವಾದ ಪ್ರೋ.ಕಬ್ಬಡ್ಡಿ 7ನೇ ಆವೃತ್ತಿಯ, ಹೈದರಾಬಾದ್ ಗಚಿಬೌಲಿ ಕ್ರೀಡಾಂಗಣದಲ್ಲಿ ನಡೆದ ಉದ್ಘಾಟನಾ ಪಂದ್ಯದಲ್ಲಿ ತೆಲಗು ಟೈಟನ್ಸ್ ವಿರುದ್ಧ ಯು ಮುಂಬಾಗೆ ಅಧಿಕಾರಯುತ ಗೆಲುವು ಸಾಧಿಸಿತು.

ಪಂದ್ಯದ ಆರಂಭದಿಂದಲೂ ಬಿಗಿಹಿಡಿತ ಹೊಂದಿದ್ದ ಯು ಮುಂಬಾ ಕೊನೆಗೂ 31-25 ಅಂತರದಿಂದ (6 ಅಂಕಗಳ) ಗೆಲುವಿನ ಖಾತೆ ತೆರೆಯಿತು.

ಯು ಮುಂಬಾ ಪರವಾಗಿ ರೈಡರ್ ಅಭಿಷೇಕ್ ಸಿಂಗ್ 10 ಅಂಕ ಗಳಿಸಿದರೆ,  ತೆಲಗು ಟೈಟನ್ಸ್ ನ ಸಿದ್ದಾರ್ಥ್ ದೇಸಾಯಿ ಕೇವಲ 5 ಅಂಕ ಗಳಿಸಿ ನಿರಾಸೆ ಮೂಡಿಸಿದರು. ಮುಂಬೈನ ಕ್ಯಾಪ್ಟನ್ ಕಂ ಡಿಫೆಂಡರ್ ಫಜಲ್ ಅಟ್ರಾಚಲಿ 5 ಪಾಯಿಂಟ್ ಗಳಿಸುವ ಮೂಲಕ ಗಮನಸೆಳೆದರು.