- Advertisement -
- Advertisement -
ಕೊರೋನಾ ವೈರೆಸ್ ಭೀತಿ ಸಮಯದಲ್ಲಿ ರಷ್ಯಾದೊಂದಿಗೆ ದರಸಮರಕ್ಕೆ ಇಳಿದಿರುವ ಸೌದಿಯು ಬೆಲೆಗಳನ್ನು ಕಡಿತಗೊಳಿಸಿದ ನಂತರ 1991 ರ ನಂತರದ ಕಚ್ಚಾ ತೈಲಬೆಲೆಯಲ್ಲಿ ಅತಿದೊಡ್ಡ ಕುಸಿತ ಉಂಟಾಗಿದೆ.
ಬ್ರೆಂಟ್ ಕಚ್ಚಾ ತೈಲಬೆಲೆಯು ಬ್ಯಾರೆಲ್ ಒಂದಕ್ಕೆ $ 14.25 ಡಾಲರ್ (31.5%)ಕುಸಿದಿದ್ದು $ 31.02 ಡಾಲರ್ಗೆ ತಲುಪಿದೆ. ಇದು ಜನವರಿ 17, 1991 ರ ನಂತರ ಅತಿ ಹೆಚ್ಚಿನ ಇಳಿಕೆಯಾಗಿದೆ.
ವಿಶ್ವದ ಅತಿದೊಡ್ಡ ತೈಲ ರಫ್ತುದಾರರಾದ ಸೌದಿ ಅರೇಬಿಯಾ, ವಿಶ್ವದ ಎರಡನೇ ಅತಿದೊಡ್ಡ ಉತ್ಪಾದಕ ರಷ್ಯಾದ ವಿರುದ್ಧ ದರ ಸಮರಕ್ಕೆ ಮುಂದಾಗಿದೆ. ಆ ಮೂಲಕ ದರ ಕಡಿಮೆ ಮಾಡಿ ಹೆಚ್ಚಿನ ಗ್ರಾಹಕ ದೇಶಗಳನ್ನು ತನ್ನ ತೆಕ್ಕೆಗೆ ತೆಗೆದುಕೊಳ್ಳುವುದು ಇದರ ಉದ್ದೇಶವಾಗಿದೆ.
ಕರೋನವೈರಸ್ ಭೀತಿಯಿಂದ ಏಕಾಏಕಿ ಉಂಟಾದ ಆರ್ಥಿಕ ಕುಸಿತದಿಂದ ತೈಲ ಆಮದು ದಿನೇ ದಿನೇ ಕಡಿಮೆಯಾಗುತ್ತಿರುವುದು ಸಹ ದರ ಕಡಿಮೆಯಾಗಲು ಮತ್ತೊಂದು ಕಾರಣವಾಗಿದೆ.
ಈ ದರ ಇಳಿಕೆಯ ಪ್ರಯೋಜನ ಜನಸಾಮಾನ್ಯರಿಗೆ ದಕ್ಕುವುದೇ ಇಲ್ಲವೇ ಎಂಬುದನ್ನು ಕಾದು ನೋಡಬೇಕಿದೆ.