ಅಮೆರಿಕಾ ಚುನಾವಣೆಯಲ್ಲಿ ಡೆಮಾಕ್ರಟಿಕ್ ಪಕ್ಷದ ಜೋ ಬೈಡೆನ್ ಗೆಲುವನ್ನು ಒಪ್ಪಿಕೊಳ್ಳದ ಅಮೆರಿಕಾ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಮತ್ತೊಮ್ಮೆ “ಚುನಾವಣೆಯಲ್ಲಿ ಗೆಲುವು ಸಾಧಿಸುತ್ತೇವೆ” ಎಂದು ಹೊಸ ಟ್ವೀಟ್ ಮಾಡಿದ್ದಾರೆ. ಇದಕ್ಕೆ ಪ್ರತಿಕ್ರಿಯಿಸಿರುವ ಕಮಲಾ ಹ್ಯಾರಿಸ್, ಜೋ ಬೈಡೆನ್ ಸ್ಪಷ್ಟ, ಅವರು ಗೆಲುವು ಸಾಧಿಸಿದ್ದಾರೆ ಎಂದಿದ್ದಾರೆ.
ಮತ ಎಣಿಕೆಯಲ್ಲಿ ಜೋ ಬೈಡೆನ್ ಮುನ್ನಡೆ ಪಡೆದುಕೊಂಡ ದಿನದಿಂದಲೂ ಡೋನಾಲ್ಡ್ ಟ್ರಂಪ್ ತಮ್ಮದೇ ಗೆಲುವು ಎಂದು ಟ್ವೀಟ್ ಮಾಡುತ್ತಿದ್ದರು. ತಮ್ಮ ಟ್ವೀಟ್ಗಳಲ್ಲಿ ತಮಗೆ “ದೊಡ್ಡ ಗೆಲುವು” ಎಂದು ಹೇಳಿಕೊಳ್ಳುತ್ತಾ, ಡೆಮಾಕ್ರಟಿಕ್ ಪಕ್ಷದ ವಿರುದ್ಧ ವಂಚನೆಯ ಆಧಾರರಹಿತ ಆರೋಪಗಳನ್ನು ಮಾಡುತ್ತಿದ್ದಾರೆ.
ಟ್ರಂಪ್ ಟ್ವೀಟ್ಗಳಿಒಗೆ ತಿರುಗೇಟು ನೀಡುವಂತೆ ಟ್ವೀಟ್ ಮಾಡಿರುವ ಕಮಲಾ ಹ್ಯಾರಿಸ್, ’ಅಮೆರಿಕದವರು ಜೋ ಬೈಡೆನ್ ಅವರನ್ನು ಆಯ್ಕೆ ಮಾಡಿರುವುದು ಸ್ಪಷ್ಟ. ಜೋ ಬೈಡೆನ್ಗೆ ದಕ್ಕಿದ ಪ್ರತಿ ಮತವೂ ಕೂಡ ಆರೋಗ್ಯ ರಕ್ಷಣೆಯ ಹಕ್ಕಾಗಿದ್ದು, ಅದು ಸವಲತ್ತಲ್ಲ ಎಂಬುದನ್ನು ತೋರಿಸುತ್ತಿದೆ. ಅಮೆರಿಕಾದ ಇತಿಹಾಸದಲ್ಲಿ ಹಿಂದೆಂದಿಗಿಂತಲೂ ಹೆಚ್ಚು ಮತಗಳನ್ನು ಗಳಿಸಿ ನಾವು ಚುನಾವಣೆಯನ್ನು ನಿರ್ಣಾಯಕವಾಗಿ ಗೆದ್ದಿದ್ದೇವೆ” ಎಂದಿದ್ದಾರೆ.
We just held an election, and our country made a clear choice: each vote for @JoeBiden was a statement that health care should be a right—not a privilege.
And we won that election decisively, with more votes than have ever been cast in American history.
— Kamala Harris (@KamalaHarris) November 11, 2020
ಇದನ್ನೂ ಓದಿ: ಅಮೆರಿಕಾ ಚುನಾವಣೆ: ಇನ್ನೂ ಗೆಲ್ಲುವ ವಿಶ್ವಾಸ ವ್ಯಕ್ತಪಡಿಸಿದ ಟ್ರಂಪ್- ಸರಣಿ ಟ್ವೀಟ್!
ಇತ್ತ ಟ್ರಂಪ್ ಮತ್ತಷ್ಟು ಟ್ವಿಟ್ಗಳನ್ನು ಮಾಡುತ್ತಲೇ ಇದ್ದಾರೆ. ಇಂದು ಬೆಳಿಗ್ಗೆ ಟ್ವೀಟ್ ಮಾಡಿರುವ ಟ್ರಂಪ್, “ಈ ಜಟಿಲ ಚುನಾವಣೆಯನ್ನು ಜನರು ಸ್ವೀಕರಿಸುವುದಿಲ್ಲ” ಎಂದು ಬರೆದುಕೊಂಡಿದ್ದಾರೆ.
People will not accept this Rigged Election! https://t.co/XQAOIt5ZwU
— Donald J. Trump (@realDonaldTrump) November 11, 2020
ಚುನಾವಣೆ ಫಲಿತಾಂಶದಿಂದಲೂ ಇದೇ ರೀತಿಯ ಆರೋಪಗಳನ್ನು ಮಾಡುತ್ತಾ ಡೋನಾಲ್ಡ್ ಟ್ರಂಪ್ ಸುಮಾರು 30 ಟ್ವೀಟ್ಗಳನ್ನು ಮಾಡಿದ್ದಾರೆ. ಅವುಗಳಲ್ಲಿ ಸುಮಾರು 13 ಟ್ವೀಟ್ಗಳನ್ನು ಟ್ವಿಟರ್ ಕಂಪನಿ ಈಗಾಗಲೇ ನಿರ್ಬಂಧಿಸಿದೆ.
ಅಮೆರಿಕಾ ಅಧ್ಯಕ್ಷೀಯ ಚುನಾವಣೆಯಲ್ಲಿ ಜೋ ಬೈಡೆನ್ ಅವರು 7.64 ಕೋಟಿ ಮತಗಳನ್ನು ಪಡೆದಿದ್ದಾರೆ. ಇವು ಟ್ರಂಪ್ಗಿಂತ 4 ಮಿಲಿಯನ್ ಹೆಚ್ಚು ಅಂತರದ ಮತಗಳಾಗಿವೆ. ಈವರೆಗೆ 538 ಎಲೆಕ್ಟೋರ್ ಮತಗಳ ಪೈಕಿ 279 ಎಲೆಕ್ಟೋರ್ ಮತಗಳನ್ನು ಪಡೆದಿದ್ದಾರೆ ಎಂದು ನ್ಯೂಯಾರ್ಕ್ ಟೈಮ್ಸ್ ವರದಿ ಮಾಡಿದೆ.