ಅನಾರೋಗ್ಯವಿರುವ ಕಾರಣ ಜೈಲಿನಲ್ಲಿರದೇ ಬೇಲ್: ಚುನಾವಣೆಯಲ್ಲಿ ಸ್ಪರ್ಧಿಸಲು ತೊಂದರೆಯಿಲ್ಲವೇ ಪ್ರಗ್ಯಾ ಠಾಕೂರ್?
‘ಭಯೋತ್ಪಾದಕ ಕೃತ್ಯದ ಆರೋಪಿ’ಗೆ ಜಾಲತಾಣಿಗರ ಪ್ರಶ್ನೆ
ಭೋಪಾಲ್.ನಿಂದ ಸ್ಪರ್ಧಿಸಲು ಬಿಜೆಪಿ ಟಿಕೆಟ್ ಪಡೆದಿರುವ ಪ್ರಗ್ಯಾಸಿಂಗ್ ಅವರು ಎರಡು ಪ್ರಮುಖ ಕಾರಣಗಳಿಗಾಗಿ ಸಾಮಾಜಿಕ ಜಾಲತಾಣಗಳಲ್ಲಿ ಪ್ರಶ್ನೆಗೊಳಗಾಗುತ್ತಿದ್ದಾರೆ.
ಮಾಲೆಗಾಂವ್ ಸ್ಫೋಟದ ಆರೋಪಿ ಪ್ರಗ್ಯಾ ಸಿಂಗ್ ಠಾಕೂರ್ ಕೇಸರಿ ಭಯೋತ್ಪಾದನೆಯ ಪ್ರಮುಖ ಸಂಕೇತವಾಗಿದ್ದರು. ಅವರ ಜೊತೆಗೆ ಅಸೀಮಾನಂದ, ಕರ್ನಲ್ ಪುರೋಹಿತ್ ಮತ್ತಿತರರು ವಿವಿಧ ಬಾಂಬ್ ಬ್ಲಾಸ್ಟ್ ಕೇಸುಗಳಲ್ಲಿ ಜೈಲಿಗೆ ಹೋಗಿದ್ದರು. ಬಿಜೆಪಿ ಸರ್ಕಾರ ಬಂದ ನಂತರ ಎಲ್ಲರೂ ಬಿಡುಗಡೆಯಾದರು. ಆದರೆ ಪ್ರಗ್ಯಾಸಿಂಗ್ ಠಾಕೂರ್ ಅವರ ಮೇಲಿನ ವಿಚಾರಣೆ ಇನ್ನೂ ಮುಂದುವರೆಯುತ್ತಿದ್ದು, ಆಕೆಗೆ ತೀವ್ರ ಅನಾರೋಗ್ಯವಿರುವ ಕಾರಣದಿಂದ ಜಾಮೀನು ಕೊಡಿ ಎಂದು ವಕೀಲರು ಕೇಳಿದ್ದರು. ಅದರಂತೆ ಪ್ರಗ್ಯಾಗೆ ಜಾಮೀನು ಸಿಕ್ಕಿ ಹೊರಬಂದಿದ್ದಾರೆ.
ಪ್ರಗ್ಯಾ ಸೇರಿದಂತೆ ಬಹುತೇಕ ಕೇಸರಿ ಭಯೋತ್ಪಾದಕತೆಯ ಆರೋಪಿಗಳನ್ನು ಬಂಧಿಸಿದ್ದು, ಬಹಳ ಖ್ಯಾತಿ ಗಳಿಸಿದ ಪೊಲೀಸ್ ಆಫೀಸರ್ ಹೇಮಂತ್ ಕರ್ಕರೆ. ಅವರು ಮಹಾರಾಷ್ಟ್ರದ ಭಯೋತ್ಪಾದಕ ವಿರೋಧಿ ದಳದ ಪ್ರಮುಖ ಅಧಿಕಾರಿಗಳಲ್ಲೊಬ್ಬರಾಗಿದ್ದರು. ಸ್ವತಃ ಹೇಮಂತ್ ಕರ್ಕರೆಯವರು ಮುಂಬೈ ಮೇಲೆ ನಡೆದ ಭಯೋತ್ಪಾದಕರ ದಾಳಿಯಲ್ಲಿ ಗುಂಡಿಗೆ ಬಲಿಯಾಗಿದ್ದರು.
ಇದೀಗ ಬಿಜೆಪಿ ಅಭ್ಯರ್ಥಿಯಾಗಿರುವ ಪ್ರಗ್ಯಾ ಅವರ, ಉಮೇದುವಾರಿಕೆಯು ಹಲವರ ಕೆಂಗಣ್ಣಿಗೆ ಗುರಿಯಾಗಿದೆ. ಭಯೋತ್ಪಾದನೆಯ ವಿರುದ್ಧ ಹೋರಾಡುತ್ತೇವೆಂದು ಹೇಳಿಕೊಳ್ಳುವ ಬಿಜೆಪಿಯು ಭಯೋತ್ಪಾದನೆಯ ಆರೋಪ ಹೊತ್ತಿರುವ ವ್ಯಕ್ತಿಯನ್ನು ಅದ್ಹೇಗೆ ಅಭ್ಯರ್ಥಿಯನ್ನಾಗಿಸುತ್ತದೆ ಎಂಬುದು ಹಲವರ ಪ್ರಶ್ನೆ. ಏಕೆಂದರೆ ಆಕೆಯ ಮೇಲಿರುವ ಆರೋಪಗಳು ಸಾಮಾನ್ಯವಾದುವಲ್ಲ. ಗಮನಿಸಬೇಕಾದ ವಿಚಾರವೆಂದರೆ, ಡಿಸೆಂಬರ್ 2017ರಲ್ಲಿ ಎನ್ಐಎ ವಿಶೇಷ ನ್ಯಾಯಾಲಯವು ಪ್ರಗ್ಯಾ ಮತ್ತಿತರರ ಮೇಲೆ ಯುಎಪಿಎ ಕಾನೂನಿನ ಕೆಳಗೆ ವಿಚಾರಣೆ ನಡೆಸಬೇಕೆಂದು ಆದೇಶ ನಡೆಸಿತ್ತು.
ಇದಕ್ಕೆ ಬಿಜೆಪಿಯ ಸಮರ್ಥಕರಿಂದ ಬಂದ ಉತ್ತರ ಹೀಗಿದೆ, ‘ಸಾಧ್ವಿ ಪ್ರಗ್ಯಾಸಿಂಗ್ ಠಾಕೂರ್ ಅವರ ಮೇಲೆ ಸುಳ್ಳು ಆರೋಪಗಳನ್ನು ಹೊರಿಸಲಾಗಿತ್ತು. ಅವರು ಈಗಾಗಲೇ ಖುಲಾಸೆಯಾಗಿ ಹೊರಬಂದಿದ್ದಾರೆ’.
She is acquitted from court which was false narrative of Hindu terrorism now you don't trust judiciary also ? हिंदू कभी अक्रांता नहीं रहे इतिहास गवाह है ।टाइम पास के लिए कुछ भी न लिखे । फिर आप पड़ोसी देश में superStar बन जातें हैं । https://t.co/RhG0xogkH3
— Amish Devgan (@AMISHDEVGAN) April 17, 2019
ಈ ಸಮರ್ಥನೆಯು ಸಾಕಷ್ಟು ಸದ್ದು ಮಾಡಿದ ನಂತರ ಆಲ್ಟ್ ನ್ಯೂಸ್ ವಾಸ್ತವ ಸಂಗತಿಯನ್ನು ಮುಂದಿಟ್ಟಿತು ‘ಪ್ರಗ್ಯಾ ಸಿಂಗ್ ಅನಾರೋಗ್ಯದ ಕಾರಣ ಮುಂದಿಟ್ಟು ಜಾಮೀನು ಪಡೆದುಕೊಂಡು ಹೊರಬಂದಿದ್ದಾರೆಯೇ ಹೊರತು, ಅವರಿನ್ನೂ ಖುಲಾಸೆಯಾಗಿಲ್ಲ’.
False claim: Sadhvi Pragya has been acquitted of terror charges
ಇದರಲ್ಲಿ ಹೇಳಲಾಗಿರುವಂತೆ, ಪ್ರಗ್ಯಾಸಿಂಗ್ ಇನ್ನೊಬ್ಬರ ಸಹಾಯವಿಲ್ಲದೇ ನಡೆಯಲೂ ಸಾಧ್ಯವಿಲ್ಲ ಮತ್ತು ಆಕೆಗೆ ಸ್ತನ ಕ್ಯಾನ್ಸರ್ ಇರುವುದರಿಂದ 5 ಲಕ್ಷ ರೂ.ಗಳ ಬಾಂಡ್.ಅನ್ನು ಪಡೆದುಕೊಂಡು ಜಾಮೀನಿನ ಮೇಲೆ ಬಿಡಬಹುದು ಎಂದು ಹೇಳಿದ್ದಲ್ಲದೇ ಕೆಲವು ಷರತ್ತುಗಳನ್ನೂ ಮುಂಬೈ ನ್ಯಾಯಾಲಯ ವಿಧಿಸಿತ್ತು. ಜೊತೆಗೆ ಜಾಮೀನಿನ ಕಾರಣಕ್ಕೆ ಕೆಲವು ಅನಿಸಿಕೆಗಳನ್ನು ನಾವು ಮುಂದಿಟ್ಟಿದ್ದೇವೆಯೇ ಹೊರತು ಆಕೆಯನ್ನು ವಿಚಾರಣೆ ನಡೆಸುತ್ತಿರುವ ನ್ಯಾಯಾಲಯ ಅವನ್ನು ಗಣನೆಗೆ ತೆಗೆದುಕೊಳ್ಳಬಾರದೆಂದು ಹೈಕೋರ್ಟ್ ಆದೇಶದಲ್ಲಿ ಸ್ಪಷ್ಟವಾಗಿ ಹೇಳಿತ್ತು.
- Moreover, the Appellant in this case is a woman. She was arrested on 23rd October 2008 and is in custody since last more than 8 years. Medical certificate annexed to the petition and written submissions show that appellant is suffering from breast cancer. The medical report of the Appellant indicates that she has become infirm and cannot even walk without support. The medical certificate further shows that Appellant is being given treatment in Ayurvedic hospital. In our opinion, Ayurvedic Hospital cannot give proper treatment to the Appellant, who is suffering from cancer.
- Taking, therefore, totality of the facts and circumstances of the case mentioned here-in-above, we are of the considered opinion that the Appellant has made out a case for bail under sub-section (5) of section 43D of the UAP Act. We, accordingly, allow the Appeal and Appellant is directed to be released on bail on her furnishing bail bond of Rs.5,00,000/-, with with one or two sureties of like amount, subject to following conditions :
[a] Appellant shall deposit her passport, if any, with the Special Court.
[b] Appellant shall report to the NIA as and when required.
76 APEAL-545-16-Pragya Singh.doc
[c] Appellant shall not tamper with the evidence or prosecution witnesses.
[d] Appellant shall remain present at the time of hearing of the case before the Special Court.
- At this stage, it is clarified that whatever observations made here-in-above about the merits of the case, they are made for the purpose of deciding this Appeal only and Trial Court is not to be influenced by them in any way.
ಎರಡನೆಯದಾಗಿ,
ಇದೇ ಪ್ರಗ್ಯಾ ಸಿಂಗ್ ಠಾಕೂರ್ ಹೇಳಿರುವ ಮತ್ತೊಂದು ಮಾತೆಂದರೆ, ‘ನನ್ನನ್ನು ಹಿಂಸಿಸಿದ ಹೇಮಂತ್ ಕರ್ಕರೆಯವರಿಗೆ ನೀವು ನಾಶವಾಗಿ ಹೋಗಿ ಎಂದು ಶಾಪ ಕೊಟ್ಟಿದ್ದೆ, ಅದಕ್ಕಾಗಿಯೇ ಅವರು ಕೊಲ್ಲಲ್ಪಟ್ಟರು’. ಹೇಮಂತ್ ಕರ್ಕರೆಯವರು ಕೊಂದದ್ದು ಕಸಬ್ ಮತ್ತು ಸಂಗಡಿಗರು ನಡೆಸಿದ ಭಯೋತ್ಪಾದಕ ದಾಳಿಯಲ್ಲಿ! ಹಾಗಾದರೆ ಈಕೆಯ ಶಾಪದನ್ವಯವೇ ದೇವರು ಕಸಬ್ ನನ್ನು ಕಳಿಸಿದರೇ ಎಂಬ ಪ್ರಶ್ನೆಯನ್ನು ಹಲವರು ಸಾಮಾಜಿಕ ಜಾಲತಾಣದಲ್ಲಿ ಕೇಳಿದ್ದಾರೆ.
ದೇಶವನ್ನು ರಕ್ಷಿಸಲು ನಡೆದ ಹೋರಾಟದಲ್ಲಿ ಪ್ರಾಣವನ್ನು ಪಣಕ್ಕಿಟ್ಟು ಹುತಾತ್ಮರಾದ ಅಧಿಕಾರಿಯೊಬ್ಬರ ಕುರಿತು ಈ ರೀತಿ ಮಾತಾಡಬಹುದೇ ಎಂಬ ಪ್ರಶ್ನೆಗೆ ಸಾಧ್ವಿ ಎಂದು ಕರೆಸಿಕೊಳ್ಳುತ್ತಿರುವ ಪ್ರಗ್ಯಾ ಏನು ಉತ್ತರ ಹೇಳಿದ್ದಾರೆಂಬುದು ಗೊತ್ತಿಲ್ಲ.
