ಕೇವಲ 100 ಗ್ರಾಂ ತೂಕ ಹೆಚ್ಚಾಗಿದೆ ಎಂಬ ಕಾರಣಕ್ಕೆ ಪ್ಯಾರಿಸ್ ಒಲಂಪಿಕ್ಸ್‌ನ ಮಹಿಳಾ ಕುಸ್ತಿಯ ಫೈನಲ್ಸ್‌ನಿಂದ ಅನರ್ಹಗೊಂಡಿರುವ ಕುಸ್ತಿಪಟು ವಿನೇಶಾ ಫೋಗಟ್ ಅವರಿಗೆ ಧೈರ್ಯ ತುಂಬಿರುವ ಮುಖ್ಯಮಂತ್ರಿ ಸಿದ್ದರಾಮಯ್ಯ, “ನೀವು ಯಾವಾಗಲೂ ನಮ್ಮ ಚಾಂಪಿಯನ್ ಆಗಿರುತ್ತೀರಿ” ಎಂದು ಹೇಳಿದ್ದಾರೆ.
ಈ ಬಗ್ಗೆ ಎಕ್ಸ್‌ನಲ್ಲಿ ಪೋಸ್ಟ್‌ ಮಾಡಿರುವ ಅವರು, “ಪ್ಯಾರಿಸ್ ಒಲಂಪಿಕ್ಸ್‌ನ ದುರದೃಷ್ಟಕರ ಘಟನೆಯ ನಂತರ ವಿನೇಶಾ ಫೋಗಟ್ ಅವರಿಗಾಗಿ ನಮ್ಮ ಹೃದಯ ಮಿಡಿಯುತ್ತಿದೆ. ನಿಮ್ಮ ಶಕ್ತಿ, ಸ್ಥಿತಿಸ್ಥಾಪಕತ್ವ ಮತ್ತು ಸಮರ್ಪಣೆ ಯಾವಾಗಲೂ ರಾಷ್ಟ್ರವನ್ನು ಪ್ರೇರೇಪಿಸುತ್ತದೆ” ಎಂದು ವಿನೇಶಾ ಕುರಿತು ಮೆಚ್ಚುಗೆಯ ಮಾತುಗಳನ್ನಾಡಿದ್ದಾರೆ.
My heart goes out to @Phogat_Vinesh after the unfortunate incident from the Paris Olympics. Your strength, resilience, and dedication have always inspired the nation.
Remember, this moment does not diminish your countless achievements and the pride you have brought to India.… pic.twitter.com/TwGobN1ygK
— Siddaramaiah (@siddaramaiah) August 7, 2024
“ನೆನಪಿಡಿ, ಈ ಕ್ಷಣವು ನಿಮ್ಮ ಲೆಕ್ಕವಿಲ್ಲದಷ್ಟು ಸಾಧನೆಗಳನ್ನು ಮತ್ತು ನೀವು ಭಾರತಕ್ಕೆ ತಂದ ಹೆಮ್ಮೆಯನ್ನು ಕಡಿಮೆ ಮಾಡುವುದಿಲ್ಲ. ಧೈರ್ಯವಾಗಿರು ವಿನೇಶಾ. ನಾವು ನಿಮ್ಮನ್ನು ಮತ್ತು ನಿಮ್ಮ ಅದ್ಭುತ ಪ್ರಯಾಣವನ್ನು ನಂಬುತ್ತೇವೆ. ನೀವು ಯಾವಾಗಲೂ ನಮ್ಮ ಚಾಂಪಿಯನ್ ಆಗಿರುತ್ತೀರಿ” ಎಂದು ಹೊಗಳಿದ್ದಾರೆ.
ಈ ಬಗ್ಗೆ ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್‌ ಮಾಡಿರುವ ಉಪ ಮುಖ್ಯಮಂತ್ರಿ ಡಿ.ಕೆ. ಶಿವಕುಮಾರ್, “ವಿನೇಶಾ ಫೋಗಟ್, ನಿಜವಾದ ಚಾಂಪಿಯನ್‌ಗಳನ್ನು ಅವರ ಆತ್ಮದಿಂದ ವ್ಯಾಖ್ಯಾನಿಸಲಾಗುತ್ತದೆ, ಅವರ ಹಿನ್ನಡೆಯಿಂದಲ್ಲ. ಪದಕ ಅಥವಾ ಪದಕವಿಲ್ಲದೆಯೂ ನೀವು ನಮಗೆ ಚಾಂಪಿಯನ್. ನಿಮ್ಮ ಕಠಿಣ ಪರಿಶ್ರಮ ಮತ್ತು ಸ್ಥಿತಿಸ್ಥಾಪಕತ್ವವು ಭಾರತದಾದ್ಯಂತ ಯುವಜನರನ್ನು ಪ್ರೇರೇಪಿಸುತ್ತದೆ. ಇಡೀ ರಾಷ್ಟ್ರವೇ ನಿಮ್ಮ ಬೆನ್ನಿಗೆ ನಿಂತಿದೆ. ಧೃತಿಗೆಡಬೇಡಿ, ಉತ್ತಮವಾದದ್ದು ಇನ್ನೂ ಬರಬೇಕಿದೆ” ಎಂದು ಬರೆದುಕೊಂಡಿದ್ದಾರೆ.
Vinesh, true champions are defined by their spirit, not their setbacks. Medal or no medal, you are a champion for us. Your hard work and resilience continue to inspire youth throughout India. The entire nation stands behind you.
Don't lose heart- the best is yet to come.… pic.twitter.com/fDRN89TLBM
— DK Shivakumar (@DKShivakumar) August 7, 2024
“ಒಲಂಪಿಕ್ಸ್‌ ಕುಸ್ತಿ ಪಂದ್ಯಾವಳಿಯಲ್ಲಿ ಫೈನಲ್ ತಲುಪಿ ಚಿನ್ನದ ಪದಕದ ಗೆಲುವಿನ ಭರವಸೆ ಮೂಡಿಸಿದ್ದ ವಿನೇಶಾ ಪೋಗಟ್ ಅವರು ತೂಕದ ಕಾರಣಕ್ಕೆ ಅನರ್ಹತೆ ಹೊಂದಿದ್ದು ನಿಜಕ್ಕೂ ಬೇಸರದ ಸಂಗತಿ.
ಆದರೂ ನಿಮ್ಮ ಹೋರಾಟದ ಹಾದಿ ದೇಶಕ್ಕೇ ಸ್ಪೂರ್ತಿ” ಎಂದು ಸಮಾಜ ಕಲ್ಯಾಣ ಇಲಾಖೆ ಸಚಿವ ಡಾ. ಎಚ್‌.ಸಿ. ಮಹದೇವಪ್ಪ ಪೋಸ್ಟ್‌ ಮಾಡಿದ್ದಾರೆ.
ಒಲಂಪಿಕ್ ಕುಸ್ತಿ ಪಂದ್ಯಾವಳಿಯಲ್ಲಿ ಫೈನಲ್ ತಲುಪಿ ಚಿನ್ನದ ಪದಕದ ಗೆಲುವಿನ ಭರವಸೆ ಮೂಡಿಸಿದ್ದ ವಿನೇಶಾ ಪೋಗಟ್ ಅವರು ತೂಕದ ಕಾರಣಕ್ಕೆ ಅನರ್ಹತೆ ಹೊಂದಿದ್ದು ನಿಜಕ್ಕೂ ಬೇಸರದ ಸಂಗತಿ.
ಆದರೂ ನಿಮ್ಮ ಹೋರಾಟದ ಹಾದಿ ದೇಶಕ್ಕೇ ಸ್ಪೂರ್ತಿ pic.twitter.com/ediL7hglhy
— Dr H C Mahadevappa(Buddha Basava Ambedkar Parivar) (@CMahadevappa) August 7, 2024
ಇದನ್ನೂ ಓದಿ; ತೂಕದ ಕಾರಣಕ್ಕೆ ವಿನೇಶಾ ಫೋಗಟ್ ಅನರ್ಹತೆ; ‘ಯುನೈಟೆಡ್ ವರ್ಲ್ಡ್ ವ್ರೆಸ್ಲಿಂಗ್’ ನಿಯಮ ಹೇಳುವುದೇನು..?
