ಅಮೆರಿಕ ಅಧ್ಯಕ್ಷೀಯ ಚುನಾವಣೆ ಹಿನ್ನೆಲೆಯಲ್ಲಿ ಡೋನಾಲ್ಡ್ ಟ್ರಂಪ್ ನಡೆಸಿದ 18 ರ್ಯಾಲಿಗಳಿಂದ ಅಂದಾಜು 30,000 ಜನರಿಗೆ ಕೊರೊನಾ ಸೋಂಕು ತಗುಲಿರಬಹುದು ಮತ್ತು 700ಕ್ಕೂ ಹೆಚ್ಚು ಜನರು ಮೃತಪಟ್ಟಿರಬಹುದು ಎಂದು ಸ್ಟಾನ್ಫೋರ್ಡ್ ಯುನಿವರ್ಸಿಟಿ ಸಂಶೋಧಕರ ಸಂಶೋಧನೆಗಳು ತಿಳಿಸಿವೆ. ಆ 18 ಸ್ಥಳಗಳಲ್ಲಿಯೂ ಸಹ ಸೋಂಕುಗಳ ಮತ್ತು ಮರಣ ಪ್ರಕರಣಗಳು ಹೆಚ್ಚಾಗಿ ವರದಿಯಾಗಿವೆ ಎನ್ನಲಾಗಿದೆ.
‘COVID-19 ರ ಹರಡುವಿಕೆಯ ಮೇಲೆ ದೊಡ್ಡ ಗುಂಪು ಸಭೆಗಳ ಪರಿಣಾಮಗಳು: ಟ್ರಂಪ್ ರ್ಯಾಲಿಗಳ ಪ್ರಕರಣ’ ಹೆಸರಿನಲ್ಲಿ ಜೂನ್ 20 ರಿಂದ ಸೆಪ್ಟಂಬರ್ 22 ರವರೆಗೆ ಡೋನಾಲ್ಡ್ ಟ್ರಂಪ್ ನಡೆಸಿದ ರ್ಯಾಲಿಗಳನ್ನು ಸಂಶೋಧಕರು ಅಭ್ಯಸಿಸಿದ್ದಾರೆ.
“ನಮ್ಮ ವಿಶ್ಲೇಷಣೆಯು ದೊಡ್ಡ ಗುಂಪು ಕಾರ್ಯಕ್ರಮಗಳಲ್ಲಿ COVID-19 ಪ್ರಸರಣದ ಅಪಾಯದ ಬಗ್ಗೆ ಸಾರ್ವಜನಿಕ ಆರೋಗ್ಯ ಅಧಿಕಾರಿಗಳ ಎಚ್ಚರಿಕೆಗಳು ಮತ್ತು ಶಿಫಾರಸುಗಳನ್ನು ಬಲವಾಗಿ ಬೆಂಬಲಿಸುತ್ತದೆ. ವಿಶೇಷವಾಗಿ ಮಾಸ್ಕ್ಗಳ ಬಳಕೆ ಮತ್ತು ಸಾಮಾಜಿಕ ಅಂತರಕ್ಕೆ ಸಂಬಂಧಿಸಿದ ಮಾರ್ಗಸೂಚಿಗಳನ್ನು ಉಲ್ಲಂಘಿಸಿ ಟ್ರಂಪ್ ರ್ಯಾಲಿಗಳು ನಡೆದವು. ಆದ್ದರಿಂದ ರೋಗ ಹರಡುವಿಕೆ ಮತ್ತು ಸಾವಿನ ವಿಷಯದಲ್ಲಿ ಹೆಚ್ಚಿನ ಬೆಲೆ ತೆರಬೇಕಾಯಿತು” ಎಂದು ಸಂಶೋಧಕರು ಅಧ್ಯಯನದಲ್ಲಿ ತಿಳಿಸಿದ್ದಾರೆ.
President Trump doesn’t care about you. He doesn’t even care about his own supporters. https://t.co/HUbImXyRtY
— Joe Biden (@JoeBiden) November 1, 2020
ಶುಕ್ರವಾರ ಈ ಅಧ್ಯಯನ ವರದಿ ಬಿಡುಗಡೆಯಾಗಿದ್ದು, ಆ ವೇಳೆಗಾಗಲೇ 87 ಲಕ್ಷಕ್ಕೂ ಹೆಚ್ಚು ಅಮೆರಿಕನ್ನರು COVID-19 ಸೋಂಕಿಗೆ ತುತ್ತಾಗಿದ್ದಾರೆ ಮತ್ತು ಇದರ ಪರಿಣಾಮವಾಗಿ 225,000 ಕ್ಕೂ ಹೆಚ್ಚು ಸಾವುಗಳು ಸಂಭವಿಸಿವೆ.
ಅಧ್ಯಯನದ ಕುರಿತು ಪ್ರತಿಕ್ರಿಯಿಸಿದ ಡೆಮಾಕ್ರಟಿಕ್ ಪಕ್ಷದ ಅಧ್ಯಕ್ಷೀಯ ಅಭ್ಯರ್ಥಿ ಜೋ ಬಿಡನ್ “ಅಧ್ಯಕ್ಷ ಟ್ರಂಪ್ ನಿಮ್ಮ ಅಧ್ಯಯನದ ಬಗ್ಗೆ ತಲೆಕೆಡಿಸಿಕೊಳ್ಳುವುದಿಲ್ಲ. ಅಷ್ಟೆ ಅಲ್ಲದೆ ಅವರು ತಮ್ಮ ಬೆಂಬಲಿಗರ ಬಗ್ಗೆಯೂ ಕಾಳಜಿ ವಹಿಸುವುದಿಲ್ಲ” ಎಂದು ಹೇಳಿದ್ದಾರೆ.
ಇದನ್ನೂ ಓದಿ: ನಾನು ಚುನಾವಣೆಯಲ್ಲಿ ಸೋತರೆ ದೇಶ ಬಿಡಬಹುದು: ಡೊನಾಲ್ಡ್ ಟ್ರಂಪ್
