2019 ರಲ್ಲಿ ಕಾನೂನು ಬಾಹಿರ ಸರ್ಕಾರಿ ವಿರೋಧಿ ರ್ಯಾಲಿಯಲ್ಲಿ ಪಾಲ್ಗೊಂಡಿದ್ದಾರೆಂದು ಆರೋಪಿಸಿ ಹಾಂಕಾಂಗ್ನ ಪ್ರಮುಖ ಪ್ರಜಾಪ್ರಭುತ್ವ ಹೋರಾಟಗಾರರಲ್ಲಿ ಒಬ್ಬರಾದ 24 ವರ್ಷದ ಜೋಶುವಾ ವಾಂಗ್ ಅವರಿಗೆ 13.5 ತಿಂಗಳು ಜೈಲು ಶಿಕ್ಷೆ ಘೋಷಿಸಲಾಗಿದೆ. ಈ ವರ್ಷದಲ್ಲಿ ಪ್ರತಿಪಕ್ಷದ ವ್ಯಕ್ತಿಯೊಬ್ಬರಿಗೆ ನೀಡುತ್ತಿರುವ ಅತ್ಯಂತ ಕಠಿಣ ಶಿಕ್ಷೆ ಇದಾಗಿದೆ.
ಕಳೆದ ವರ್ಷದ ಜೂನ್ನಲ್ಲಿ ಹಿಂಸಾತ್ಮಕ ಪ್ರತಿಭಟನೆಗಳು ನಡೆಯುತ್ತಿದ್ದಾಗ ನಗರದ ಪೊಲೀಸ್ ಪ್ರಧಾನ ಕಚೇರಿಯ ಬಳಿ ಕಾನೂನುಬಾಹಿರ ಸಭೆಯನ್ನು ಆಯೋಜಿಸಿ ಪ್ರಚೋದಿಸಿದ್ದಾಗಿ ವಾಂಗ್ ತಪ್ಪೊಪ್ಪಿಕೊಂಡಿದ್ದರು ಎನ್ನಲಾಗಿದ್ದು, ಅದಕ್ಕಾಗಿ ಅವರಿಗೆ ಮೂರು ವರ್ಷಗಳ ಶಿಕ್ಷೆ ಘೋಷಣೆಯಾಗಿದೆ.
ಇದನ್ನೂ ಓದಿ: ’ಪ್ರಜಾಪ್ರಭುತ್ವ ಪ್ರಶ್ನಿಸುವ ಹಕ್ಕು ನೀಡಿದೆ’: ಭೋಜ್ಪುರಿ ಗಾಯಕಿ ಹಾಡುಗಳು ವೈರಲ್
ಸುಮಾರು 100 ಬೆಂಬಲಿಗರು ಶಿಕ್ಷೆ ಘೋಷಣೆಯ ಮುಂಚೆಯೇ ನ್ಯಾಯಾಲಯದೊಳಗೆ ಜಮಾಯಿಸಿದ್ದರಾದರೂ, ಚೀನಾ ಪರ ಒಂದು ಸಣ್ಣ ಗುಂಪು ಹೊರಗೆ ಒಟ್ಟುಗೂಡಿ, ಜೋಶುವಾಗೆ ಭಾರಿ ಜೈಲು ಶಿಕ್ಷೆ ನೀಡಬೇಕು ಎಂದು ಆಗ್ರಹಿಸಿದರು.
ಜೋಶುವಾ ತಮ್ಮ ವಕೀಲರ ಮೂಲಕ ನೀಡಿದ ಹೇಳಿಕೆಯಲ್ಲಿ, “ಇದು ಹೋರಾಟದ ಅಂತ್ಯವಲ್ಲ, ನಮ್ಮ ಮುಂದೆ ಮತ್ತೊಂದು ಸವಾಲಿನ ಯುದ್ಧ ಭೂಮಿಯಿದೆ. ನಾವು ಈಗ ಅನೇಕ ಧೈರ್ಯಶಾಲಿ ಪ್ರತಿಭಟನಾಕಾರರೊಂದಿಗೆ ಜೈಲಿನೊಳಗೆ ಯುದ್ಧಕ್ಕೆ ಜೊತೆಯಾಗುತ್ತಿದ್ದೇವೆ. ಪ್ರಜಾಪ್ರಭುತ್ವ ಮತ್ತು ಹಾಂಕಾಂಗ್ನ ಸ್ವಾತಂತ್ರ್ಯದ ಈ ಹೋರಾಟ ಹೆಚ್ಚು ಗೋಚರಿಸದಿದ್ದರೂ, ಅತ್ಯಗತ್ಯವಾಗಿದೆ” ಎಂದು ಹೇಳಿದ್ದಾರೆ.
ಇದನ್ನೂ ಓದಿ: ನಮ್ಮ ಪ್ರಜಾಪ್ರಭುತ್ವ ದೇಶ ಹಳ್ಳ ಹಿಡಿಯ ಹೊರಟಿರುವುದು ನಮ್ಮ ಜನರಿಗೆ ಗೋಚರಿಸುತ್ತಿಲ್ಲವೆ?
#JoshuaWong 13.5m in jail – via lawyers, “it’s not the end of the fight. Ahead of us is another challenging battleground. We’re now joining the battle in prison along with many brave protestors, less visible yet essential in the fight for democracy and freedom for HK. pic.twitter.com/1ZGmfUDf7k
— Joshua Wong 黃之鋒 ? (@joshuawongcf) December 2, 2020
ಜೋಶುವಾ ಅವರ ದೀರ್ಘಕಾಲದ ಸಹೋದ್ಯೋಗಿಗಳಾದ ಆಗ್ನೆಸ್ ಚೌ(23) ಮತ್ತು ಇವಾನ್ ಲ್ಯಾಮ್(26) ಕ್ರಮವಾಗಿ ಒಟ್ಟು 10 ಮತ್ತು 7 ತಿಂಗಳುಗಳ ಕಾಲ ಜೈಲುವಾಸ ಅನುಭವಿಸಿದ್ದರು.
ಇದನ್ನೂ ಓದಿ: ಪ್ರಜಾಪ್ರಭುತ್ವ ಏರಬಹುದಾದ ಎತ್ತರ ತೋರಿಸಿಕೊಟ್ಟ ನ್ಯೂಜಿಲ್ಯಾಂಡ್ ಪ್ರಧಾನಿ ’ಜಸಿಂಡಾ’
