ರಾಜ್ಯದಲ್ಲಿ ಡ್ರಗ್ಸ್ ಮಾಫಿಯಾ ಬೆಳಕಿಗೆ ಬರುತ್ತಿದ್ದಂತೆ, ಬೆಂಗಳೂರಿನಲ್ಲಿ ಪ್ರತಿ ದಿನ ಒಂದಲ್ಲ ಒಂದು ಮಾದಕ ವಸ್ತು ಜಾಲ ಪತ್ತೆಯಾಗುತ್ತಿದೆ. ಕೆಜಿಗಟ್ಟಲೇ ಗಾಂಜಾ, ಡ್ರಗ್ಸ್ ದೊರೆಯುತ್ತಿರುವ ವರದಿಗಳಾಗುತ್ತಿವೆ.
ಮಾದಕವಸ್ತು ಲೇಪಿತ ಜೆಲ್ಲಿ ಚಾಕ್ಲೆಟ್ಗಳನ್ನು ಮಾರಾಟ ಮಾಡುತ್ತಿದ್ದ ಜಾಲವನ್ನು ಸಿಸಿಬಿ ಪೊಲೀಸರು ಬಂಧಿಸಿದ್ದಾರೆ. ಮಾಮೂಲಿ ಚಾಕ್ಲೆಟ್ನಂತೆಯೇ ಕಾಣುವ ಇವುಗಳಿಗೆ ಮಕ್ಕಳು ಬೇಗನೇ ಆಕರ್ಷಿತರಾಗುತ್ತಾರೆ. ಈ ಕಾರಣಕ್ಕೆ ಇವರು ಮಕ್ಕಳನ್ನು ಟಾರ್ಗೆಟ್ ಮಾಡುತ್ತಿದ್ದರು ಎಂದು ಆರೋಪಿಸಲಾಗಿದೆ.
ಇದನ್ನೂ ಓದಿ: ಡ್ರಗ್ಸ್ ದಂಧೆ – ಬೆಚ್ಚದಿರಿ: ವಿವರಗಳಷ್ಟೇ, ಯಾರ ಹೆಸರುಗಳೂ ಇಲ್ಲ
Well…these jellies can attract any child..they are Marijuana laced jellies..seized by CCB along with Ecstacy and LSD drugs..2 drug peddlers arrested..further investigation on.. pic.twitter.com/SOpto53O3K
— Sandeep Patil IPS (@ips_patil) September 18, 2020
ಈ ಬಗ್ಗೆ ಸಿಸಿಬಿ ಜಂಟಿ ಪೊಲೀಸ್ ಆಯುಕ್ತ ಸಂದೀಪ್ ಪಾಟೀಲ್ ಟ್ವೀಟ್ ಮಾಡಿದ್ದಾರೆ. ಪ್ರಕರಣದಲ್ಲಿ ಇಬ್ಬರು ಡ್ರಗ್ಸ್ ಪೆಡ್ಲರ್ಗಳನ್ನು ಬಂಧಿಸಿದ್ದು, ಬಂಧಿತರಿಂದ ಎಲ್ಎಸ್ಡಿ, ಮತ್ತುಬರಿಸುವ ಮಾತ್ರೆಗಳನ್ನು ವಶಪಡಿಸಿಕೊಳ್ಳಲಾಗಿದೆ ಎಂದಿದ್ದಾರೆ.
ಇದರ ಜೊತೆಗೆ ಹೆಲ್ಮೆಟ್ನಲ್ಲಿ ಮಾದಕ ವಸ್ತು ಬ್ರೌನ್ ಶುಗರ್ ಸಾಗಾಟ ಮಾಡುತ್ತಿದ್ದ ವಿಕ್ರಂ ಖಿಲೇರಿ ಎಂಬಾತನನ್ನು ಸಿಟಿ ಮಾರ್ಕೆಟ್ ಪೊಲೀಸರು ಬಂಧಿಸಿದ್ದಾರೆ. ಬಂಧಿತನಿಂದ 90 ಗ್ರಾಂ ಬ್ರೌನ ಶುಗರ್, ಹಣ ವಶಪಡಿಸಿಕೊಂಡಿದ್ದು, ಬೈಕ್ ಜಪ್ತಿ ಮಾಡಲಾಗಿದೆ ಎಂದು ಪಶ್ಚಿಮ ವಿಭಾಗದ ಡಿಸಿಪಿ ಸಂಜೀವ್ ಪಾಟೀಲ್ ತಿಳಿಸಿದ್ದಾರೆ.
ಹೆಲ್ಮೆಟ್ಟಲ್ಲಿ ಬ್ರೌನ್ ಶುಗರ್ ಬಚ್ಚಿಟ್ಟು ಮಾರಾಟಕ್ಕೆ ಯತ್ನಿಸಿದ ಆರೋಪಿ ವಿಕ್ರಂ ಖಿಲೇರಿ ದಸ್ತಗಿರಿ ಮಾಡಿದ ಸಿಟಿ ಮಾರ್ಕೇಟ್ ಪೊಲೀಸರು.
90 ಗ್ರಾಂ ಬ್ರೌನ್ ಷುಗರ್, ₹6000 ನಗದು ಹಣ ಮತ್ತು ಕೃತ್ಯಕ್ಕೆ ಬಳಸಿದ್ದ ಮೋಟಾರ್ ಸೈಕಲ್ ಅನ್ನು ಆರೋಪಿತನಿಂದ ಜಪ್ತಿ ಮಾಡಿದ @CityMarketPS, @BlrCityPolice.@AddlCPWest @CPBlr pic.twitter.com/1dBA4Mk1DP
— Dr. Sanjeev M Patil, IPS (@DCPWestBCP) September 17, 2020
ಬಂಧಿತ ವಿಕ್ರಂ, ಡ್ರಗ್ಸ್ ಪೊಟ್ಟಣಗಳ ಮೇಲೆ ದೇವರ ಚಿತ್ರ ಅಂಟಿಸಿ, ದೇವರ ಪ್ರಸಾದ ಎಂದು ಬಸ್ ಮತ್ತು ಕೊರಿಯರ್ ಕಂಪನಿಗಳ ಮೂಲಕ ಬೇರೆಡೆಗೆ ಡ್ರಗ್ಸ್ ಸಾಗಿಸುತ್ತಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ.
