ದೆಹಲಿಯ ಕೊರೊನಾ ತುರ್ತು ವಾರ್ಡ್‌ನೊಳಗೆ ಆಮ್ಲಜನಕದ ಮಾಸ್ಕ್ ಧರಿಸಿ ಬಾಲಿವುಡ್‌ನ ಡಿಯರ್‌ ಜಿಂದಗಿ ಚಿತ್ರದ ಲವ್ ಯು ಜಿಂದಗಿ ಹಾಡಿಗೆ ತಲೆಯಾಡಿಸಿ, ಜೀವನಪ್ರೀತಿ ತೋರಿಸಿದ್ದ 30 ವರ್ಷದ ಯುವತಿಯನ್ನು ಕೊರೊನಾ ಬಲಿ ಪಡೆದಿದೆ.
ಆಕ್ಸಿಜನ್ ಮಾಸ್ಕ್ ಧರಿಸಿ, ಬೆಡ್ ಮೇಲೆ ಕುಳಿತು ಹಾಡು ಗುನುಗುತ್ತಾ ತಲೆಯಾಡಿಸಿ, ಕ್ಯಾಮೆರಾಗೆ ಕೈ ಬೀಸಿ ಹಾಯ್‌ ಎಂದಿದ್ದ ಈ ಯುವತಿಯ ವಿಡಿಯೋ ಬಾರಿ ವೈರಲ್ ಆಗಿತ್ತು. ಜಾಲತಾಣಿಗರು ಕೂಡ ಈಕೆ ಬೇಗ ಗುಣವಾಗಲಿ ಎಂದು ಟ್ವೀಟ್ ಮಾಡಿ ಹಾರೈಸಿದ್ದರು. ಆದರೆ ಜನರ ಹಾರೈಕೆ ಫಲಿಸಿಲ್ಲ. ನಿನ್ನೆ ಯುವತಿ ಸಾವನ್ನಪ್ಪಿದ್ದಾರೆ ಎಂದು ವೈದ್ಯರು ದೃಢಪಡಿಸಿದ್ದಾರೆ.
“ನನ್ನನ್ನು ಕ್ಷಮಿಸಿ. ನಾವು ಧೈರ್ಯಶಾಲಿ ಹುಡುಗಿಯನ್ನು ಕಳೆದುಕೊಂಡಿದ್ದೇವೆ” ಎಂದು ಡಾ.ಮೋನಿಕಾ ಲಂಗೆಹ್ ಟ್ವೀಟ್ ಮಾಡಿದ್ದಾರೆ.
ಇದನ್ನೂ ಓದಿ: ನ್ಯಾಯಾಧೀಶರು ಸರ್ವಜ್ಞರಲ್ಲ ಎಂಬ ಸಿಟಿ ರವಿ ಹೇಳಿಕೆಗೆ ವ್ಯಾಪಕ ಆಕ್ರೋಶ: ಮತ್ತೆ ಹೇಳಿಕೆ ಸಮರ್ಥಿಸಿಕೊಂಡ ಮಾಜಿ ಸಚಿವ!
ಯುವತಿಗೆ ಆರಂಭದಲ್ಲಿ ಆಸ್ಪತ್ರೆಯಲ್ಲಿ ಹಾಸಿಗೆ ಸಿಗಲಿಲ್ಲ. ನಂತರ ಆಕೆಯನ್ನು ಐಸಿಯು ವಾರ್ಡ್‌ಗೆ ಸ್ಥಳಾಂತರಿಸಲಾಯಿತು, ಆದರೆ ಯುವತಿಯ ಸ್ಥಿತಿ ಸ್ಥಿರವಾಗಿರಲಿಲ್ಲ. ಕೆಲವೊಮ್ಮೆ ನಾನು ತುಂಬಾ ಅಸಹಾಯಕಿಯಾಗಿರುತ್ತೇನೆ. ಜೊತೆಗೆ ಈ ಧೈರ್ಯವಂತ ಯುವತಿಗಾಗಿ ಪ್ರಾರ್ಥಿಸಿ, ಆಕೆಗಾಗಿ ಪುಟ್ಟ ಮಗು ಮನೆಯಲ್ಲಿ ಕಾಯುತ್ತಿದೆ ಎಂದು ವೈದ್ಯರು ಹೇಳಿದ್ದರು.
I am very sorry..we lost the brave soul..
ॐ शांति .. please pray for the family and the kid to bear this loss?? https://t.co/dTYAuGFVxk— Dr.Monika Langeh?? (@drmonika_langeh) May 13, 2021
10 ದಿನಗಳಿಂದ ಕೊರೊನಾ ತುರ್ತು ವಾರ್ಡ್‌‌ನಲ್ಲಿದ್ದ ಆಕೆಗೆ ಆರೋಗ್ಯ ಸ್ಥಿತಿ ಗಂಭೀರವಾದ ನಂತರ ಐಸಿಯು ಹಾಸಿಗೆ ಸಿಕ್ಕಿತ್ತು. ಆದರೆ, ಆಕೆ ಸ್ಥಿತಿ ಮಾತ್ರ ಸ್ಥಿರವಾಗಿರಲಿಲ್ಲ. ಯುವತಿಯ ಸಾವಿಗೆ ಜಾಲತಾಣಿಗರು ಸಂತಾಪ ವ್ಯಕ್ತಪಡಿಸಿದ್ದಾರೆ.
She is just 30yrs old & She didn't get icu bed we managing her in the Covid emergency since last 10days.She is on NIVsupport,received remedesvir,plasmatherapy etc.She is a strong girl with strong will power asked me to play some music & I allowed her.
Lesson:"Never lose the Hope" pic.twitter.com/A3rMU7BjnG— Dr.Monika Langeh?? (@drmonika_langeh) May 8, 2021
ಕೊರೊನಾ ಭೀಕರ ಎರಡನೇ ಅಲೆಯಲ್ಲಿ ಹಲವಾರು ಯುವಜನರು ಸೋಂಕಿಗೆ ಒಳಗಾಗಿದ್ದಾರೆ. ದೇಶದಲ್ಲಿ ಕೆಲವು ವಾರಗಳಿಂದ ಪ್ರತಿದಿನ 3 ಲಕ್ಷಕ್ಕೂ ಹೆಚ್ಚು ಪ್ರಕರಣಗಳನ್ನು ವರದಿಯಾಗುತ್ತಿವೆ.
ಇದನ್ನೂ ಓದಿ: ಕೊರೊನಾ ಒಂದು ಜೀವಿ, ಅದಕ್ಕೂ ನಮ್ಮಂತೆ ಬದುಕುವ ಹಕ್ಕಿದೆ ಎಂದ ಬಿಜೆಪಿ ಮುಖಂಡ!
