ಸೋಮವಾರ ಪ್ರಕಟವಾದ ಈಶಾನ್ಯ ರಾಜ್ಯದ ಅಂತಿಮ ಮತದಾರರ ಪಟ್ಟಿಯಂತೆ, ಕಳೆದ ಒಂದು ವರ್ಷದಿಂದ ಜನಾಂಗೀಯ ಬೇಗುದಿಯಲ್ಲಿ ಬೇಯುತ್ತಿರುವ ಮಣಿಪುರದಲ್ಲಿ ಮಹಿಳಾ ಮತದಾರರು ಪುರುಷರಿಗಿಂತ 67,028 ರಷ್ಟು ಹೆಚ್ಚಿದ್ದಾರೆ. 2023ರ ಅಂತಿಮ ಮತದಾರರ ಪಟ್ಟಿಗೆ ಹೋಲಿಸಿದರೆ 31,231 ಮತದಾರರ ಇಳಿಕೆಯನ್ನು ತೋರಿಸಿದೆ. ಎರಡು ವರ್ಷಗಳ ಅಂತಿಮ ಮತದಾರರ ಪಟ್ಟಿಗಳ ಪ್ರಕಾರ 2023ರಲ್ಲಿ ಮತದಾರರ ಸಂಖ್ಯೆ 20,57,854 ಆಗಿದ್ದರೆ, ಅದು ಈಗ 20,26,623 ಆಗಿದೆ.
2024ರ ಅಂತಿಮ ಪಟ್ಟಿಯ ಪ್ರಕಾರ ಮಣಿಪುರದಲ್ಲಿ 9,79,678 ಪುರುಷರು, 10,46,706 ಮಹಿಳೆಯರು ಮತ್ತು 239 ತೃತೀಯಲಿಂಗಿ ಮತದಾರರೊಂದಿಗೆ 20,26,623 ಮತದಾರರು ದಾಖಲಾಗಿದ್ದಾರೆ ಎಂದು ಮುಖ್ಯ ಚುನಾವಣಾಧಿಕಾರಿ ಪ್ರದೀಪ್ ಕುಮಾರ್ ಶಾ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.
Press Conference by Shri Pradeep Kumar Jha, #CEOManipur on publication and handing over of Final Electoral Rolls-2024 to recognised political parties of the state. #ECI #VotingRights #EVM #NoVoterToBeLeftBehind pic.twitter.com/mBDORCmSTd
— The CEO Manipur (@CeoManipur) January 22, 2024
ಹೊಸದಾಗಿ ಸೇರ್ಪಡೆಗೊಂಡ ಒಟ್ಟು ಮತದಾರರ ಸಂಖ್ಯೆ 34,700 ಆಗಿದ್ದು, 15,596 ಪುರುಷರು, 19,095 ಮಹಿಳೆಯರು ಮತ್ತು ಒಂಬತ್ತು ತೃತೀಯಲಿಂಗಿ ಮತದಾರರಿದ್ದಾರೆ. ಪರಿಷ್ಕರಣೆ ಅವಧಿಯಲ್ಲಿ 16,509 ಹೆಸರುಗಳನ್ನು ಪಟ್ಟಿಯಿಂದ ಅಳಿಸಲಾಗಿದೆ ಎಂದು ಹೇಳಿಕೆ ತಿಳಿಸಿದೆ.
ಇಂಫಾಲ್ ಪಶ್ಚಿಮ ಜಿಲ್ಲೆ ಅತಿ ಹೆಚ್ಚು ಮತದಾರರನ್ನು (3,81,005) ದಾಖಲಿಸಿದ್ದು, ನಂತರ ಸ್ಥಾನದಲ್ಲಿ (3,23,844) ಇಂಫಾಲ್ ಪೂರ್ವ ಜಿಲ್ಲೆಯಿದೆ. ಜಿರಿಬಾಮ್ ಜಿಲ್ಲೆ ಅತ್ಯಂತ ಕಡಿಮೆ ಮತದಾರರನ್ನು (30,776) ಹೊಂದಿದೆ.
ಇದನ್ನೂ ಓದಿ; ರಾಜ್ಯದ ಮತದಾರರ ಅಂತಿಮ ಪಟ್ಟಿ ಪ್ರಕಟ: ಮಹಿಳಾ ಮತದಾರರ ಸಂಖ್ಯೆಯಲ್ಲಿ ಹೆಚ್ಚಳ
