ದಿವಂಗತ ನಟ ಚಿರಂಜೀವಿ ಸರ್ಜಾ ಅವರ ಜನ್ಮದಿನದಂದು ಅವರ ಪತ್ನಿ ಮೇಘನಾ ರಾಜ್ ಉಡುಗೊರೆ ನೀಡಿದ್ದಾರೆ. ಚಿರಜೀವಿ ಅವರ ಕನಸಿನ ಚಿತ್ರದಲ್ಲಿ ಮುಖ್ಯ ಪಾತ್ರ ನಿರ್ವಹಿಸುವ ಮೂಲಕ ಮತ್ತೆ ನಟನೆಗೆ ಮರಳಿದ್ದಾರೆ.
ಹೊಸ ನಿರ್ದೇಶಕ ವಿಶಾಲ್ ಅವರ ಮುಂಬರುವ ಥ್ರಿಲ್ಲರ್ ಚಿತ್ರದಲ್ಲಿ ಅವರು ಮುಖ್ಯ ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಹೆಸರಿಡದ ಈ ಚಿತ್ರವನ್ನು ಮೇಘನಾ ಮತ್ತು ಚಿರಂಜೀವಿ ಅವರ ಆತ್ಮೀಯ ಗೆಳೆಯ ಹಾಗೂ ನಿರ್ದೇಶಕ ಪನ್ನಗ ಭರಣ ನಿರ್ಮಿಸಲಿದ್ದಾರೆ.
ಮೇಘನಾ ರಾಜ್ ಚಿತ್ರಗಳಲ್ಲಿ ನಟಿಸಿ ಎರಡು ವರ್ಷಗಳು ಕಳೆದಿವೆ. ಚಿರಂಜೀವಿ ಅವರ ನಿಧನದ ನಂತರ, ಮಗ ರಾಯನ್ ರಾಜ್ ಸರ್ಜಾ ಆರೈಕೆಯಲ್ಲಿ ನಟನೆಯಿಮದ ದೂರ ಉಳಿದಿದ್ದರು. ಈಗ ಸ್ನೇಹಿತ ಪನ್ನಗ ಭರಣ ನಿರ್ಮಾಣದಲ್ಲಿ ಚಿತ್ರದಲ್ಲಿ ನಟಿಸಲು ಆಸಕ್ತಿ ತೋರಿದ್ದು, ಇದು ಹುಟ್ಟುಹಬ್ಬದ ಉಡುಗೊರೆ ಎಂದಿದ್ದಾರೆ.
ಈ ವಿಷಯ ಹಂಚಿಕೊಳ್ಳಲು ಚಿರಂಜೀವಿ ಸರ್ಜಾ ಅವರ ಜನ್ಮ ದಿನಕ್ಕಿಂತ ಒಳ್ಳೆಯ ದಿನ ಮತ್ತೊಂದಿಲ್ಲ ಎಂದಿರುವ ಮೇಘನಾ ರಾಜ್, ಇದು ನಮ್ಮ ಕನಸು, ಇದು ನಿನಗಾಗಿ ಚಿರು ಎಂದಿದ್ದಾರೆ. ಪನ್ನಗ ಭರಣ ಮತ್ತು ಹೊಸ ನಿರ್ದೇಶಕ ವಿಶಾಲ್ ಜೊತೆಗಿನ ಚಿತ್ರಗಳನ್ನು ಹಂಚಿಕೊಂಡಿದ್ದಾರೆ.
ಇದನ್ನೂ ಓದಿ: ಟೀಸರ್ ಬಿಡುಗಡೆ: ನವೆಂಬರ್ 02 ಕ್ಕೆ ಅಮೆಜಾನ್ ಪ್ರೈಮ್ನಲ್ಲಿ ಜೈಭೀಮ್
View this post on Instagram
ಕನ್ನಡ ಮತ್ತು ಮಲಯಾಳಂ ಚಿತ್ರರಂಗದಲ್ಲಿ ತಮ್ಮದೇ ಛಾಪು ಮೂಡಿಸಿರುವ ನಟಿ ಮೇಘನಾ ರಾಜ್ ಆದಷ್ಟು ಬೇಗ ನಟನೆಗೆ ಮರಳಿಲಿ ಎಂಬುದು ಚಿರಂಜೀವಿ ಸರ್ಜಾ ಮತ್ತು ಮೇಘನಾ ರಾಜ್ ಅಭಿಮಾನಿಗಳ ಆಸೆಯಾಗಿತ್ತು.
ನಿರ್ದೇಶಕ ಪನ್ನಗ ಭರಣ ಮತ್ತು ನಟ ಚಿರಂಜೀವಿ ಸರ್ಜಾ ಈ ಸಿನಿಮಾವನ್ನು ನಿರ್ಮಾಣ ಮಾಡಬೇಕು ಎನ್ನುವ ಯೋಜನೆ ಮಾಡಲಾಗಿತ್ತು. ಆದರೆ, ನಟನ ಅಗಲುವಿಕೆಯಿಂದ ಕನಸು ಹಾಗೆಯೇ ಉಳಿದಿತ್ತು ಎನ್ನಲಾಗಿದೆ. ಸದ್ಯ ಮೇಘನಾ ರಾಜ್ ಈ ಚಿತ್ರವನ್ನು ’ನಮ್ಮ ಕನಸು’ ಎಂದು ಕರೆದಿದ್ದಾರೆ.
ಚಿರಂಜೀವಿ ಸರ್ಜಾ ತೀವ್ರ ಹೃದಯಾಘಾತದಿಂದ ಜೂನ್ 7, 2020 ರಂದು ನಿಧನರಾದರು. ಮೇಘನಾ ಅಕ್ಟೋಬರ್ 2020 ರಲ್ಲಿ ರಾಯನ್ ರಾಜ್ ಸರ್ಜಾ ಎಂಬ ಗಂಡು ಮಗುವಿನ ತಾಯಿಯಾದರು.
ಇದನ್ನೂ ಓದಿ: ಕೇರಳ ರಾಜ್ಯ ಚಲನಚಿತ್ರ ಪ್ರಶಸ್ತಿ ಪ್ರಕಟ: ‘ಗ್ರೇಟ್ ಇಂಡಿಯನ್ ಕಿಚನ್’ ಅತ್ಯುತ್ತಮ ಸಿನಿಮಾ
