ಅರಬ್ಬಿ ಸಮುದ್ರದಲ್ಲಿ ಅಪಹರಣಕ್ಕೊಳಗಾಗಿದ್ದ ವ್ಯಾಪಾರಿ ಹಡಗಿನಿಂದ 15 ಭಾರತೀಯರು ಸೇರಿದಂತೆ 21 ಸಿಬ್ಬಂದಿಯನ್ನು ಭಾರತೀಯ ನೌಕಾಪಡೆ ಕ್ಷಿಪ್ರ ಕಾರ್ಯಾಚರಣೆ ನಡೆಸಿ ಶುಕ್ರವಾರ ರಕ್ಷಿಸಿದೆ.
ಭಾರತೀಯ ನೌಕಾಪಡೆಯ ವಿಶೇಷ ಮಾರ್ಕೋಸ್ ತಂಡ ಕಾರ್ಯಾಚರಣೆ ನಡೆಸಿ ಸಿಬ್ಬಂದಿಯನ್ನು ರಕ್ಷಿಸಿದ್ದು, ಅಪಹೃತ ಹಗಡಗಿಗೆ ಕಮಾಂಡೋಗಳು ತಲುಪುತ್ತಿದ್ದಂತೆ ಅಪಹರಣಕಾರರು ಪಲಾಯಣ ಮಾಡಿದ್ದಾರೆ ಎನ್ನಲಾಗಿದೆ.
ಲೈಬೀರಿಯನ್ ಧ್ವಜ ಹೊಂದಿದ್ದ ವ್ಯಾಪಾರಿ ಹಡಗು ಎಂ.ವಿ ಲೀಲಾ ನಾರ್ಫೋಕ್ ಅಪಹರಣಕ್ಕೊಳಗಾಗಿತ್ತು. ಈ ಕುರಿತು ಯುನೈಟೆಡ್ ಕಿಂಗ್ಡಮ್ ಮೆರೈನ್ ಟ್ರೇಡ್ ಆಪರೇಷನ್ಸ್ ಪೋರ್ಟಲ್ಗೆ ಗುರುವಾರ ಸಂಜೆ ಸಂದೇಶ ರವಾನೆಯಾಗಿತ್ತು. ಈ ಬಗ್ಗೆ ಮಾಹಿತಿ ಲಭಿಸಿದ ಕೂಡಲೇ ಐಎನ್ಎಸ್ ಚೆನ್ನೈನ ನೌಕಾಪಡೆಯು ಯುದ್ಧ ನೌಕೆಯನ್ನು ರಕ್ಷಣಾ ಕಾರ್ಯಾಚರಣೆಗೆ ಕಳುಹಿಸಿತ್ತು. ಶುಕ್ರವಾರ ಅಪಹೃತ ಹಡಗು ಏರಿದ್ದ ಕಮಾಂಡೋಗಳು ಸಿಬ್ಬಂದಿಯನ್ನು ರಕ್ಷಿಸಿದ್ದಾರೆ.
#IndianNavy’s Swift Response to the Hijacking Attempt of MV Lila Norfolk in the North Arabian Sea.
All 21 crew (incl #15Indians) onboard safely evacuated from the citadel.Sanitisation by MARCOs has confirmed absence of the hijackers.
The attempt of hijacking by the pirates… https://t.co/OvudB0A8VV pic.twitter.com/616q7avNjg
— SpokespersonNavy (@indiannavy) January 5, 2024
ಬ್ರೆಝಿಲ್ನ ಡು ಅಕೊ ಬಂದರಿನಿಂದ ಹೊರಟಿದ್ದ ಹಡಗು, ಬಹರೇನ್ನ ಖಲೀಫಾ ಬಿನ್ ಸಲ್ಮಾನ್ ಬಂದರಿಗೆ ತೆರಳುತಿತ್ತು. ಈ ವೇಳೆ ಸೊಮಾಲಿಯಾದ ಪೂರ್ವಕ್ಕೆ 300 ನಾಟಿಕಲ್ ಮೈಲ್ ದೂರದಲ್ಲಿ ಅಪಹರಣಕ್ಕೊಳಗಾಗಿತ್ತು. ಈ ಹಡಗಿನ ಸಮೀಪದಲ್ಲೇ ಐಎನ್ಎಸ್ ಚೆನ್ನೈ ಇದ್ದುದರಿಂದ ಕಾರ್ಯಾಚರಣೆಯಲ್ಲಿ ತೊಡಗಿಸಲಾಗಿತ್ತು.
ನೌಕಾಪಡೆ ಹಡಗಿನ ಬಳಿ ತಲುಪುವ ಮೊದಲೇ ವಿಮಾನದ ಮೂಲಕ ಕಣ್ಗಾವಲಿಡಲಾಗಿತ್ತು. ಹಡಗಿನಲ್ಲಿದ್ದವರು ಸುರಕ್ಷಿತವಾಗಿರವುದನ್ನು ಖಚಿತಪಡಿಸಲಾಗಿತ್ತು. ಸುಮಾರು 5-6 ಜನರ ಶಸ್ತ್ರ ಸಜ್ಜಿತ ಗುಂಪು ಜನವರಿ 4ರಂದು ಹಡಗನ್ನು ಏರಿತ್ತು ಎಂದು ತಿಳಿದು ಬಂದಿದೆ.
ಕೆಂಪು ಸಮುದ್ರ ಮತ್ತು ಅರಬೀ ಸಮುದ್ರದಲ್ಲಿ ಸತತವಾಗಿ ಹಡಗುಗಳ ಅಪಹರಣ ಮತ್ತು ದಾಳಿಯ ಬೆನ್ನಲ್ಲೇ ಈ ಘಟನೆ ನಡೆದಿದೆ. ಡಿಸೆಂಬರ್ 16 ರಿಂದ ಭಾರತೀಯ ನೌಕಾಪಡೆಯು ಕಡಲ ಗಸ್ತು ವಿಮಾನವನ್ನು ನಿಯೋಜಿಸಿದೆ. ಗಲ್ಫ್ ಆಫ್ ಏಡೆನ್ನಲ್ಲಿ 18 ಸಿಬ್ಬಂದಿಯಿದ್ದ ಮಾಲ್ಟಾ ಧ್ವಜದ ನೌಕೆ ಎಂ.ವಿ ರಿಆನ್ ಮೇಲಿನ ದಾಳಿ ಬಳಿಕ ಕಡಲ ಕಣ್ಗಾವಲು ಹೆಚ್ಚಿಸಲಾಗಿದೆ.
ಇದನ್ನೂ ಓದಿ : ಮತ್ತೆ ಗರಿಗೆದರಿದ ಇವಿಎಂ ಚರ್ಚೆಯನ್ನು ಕೊನೆಗಾಣಿಸುವುದು ಹೇಗೆ?
