ಅತ್ಯಾಚಾರ ಆರೋಪವನ್ನು ಎದುರಿಸುತ್ತಿರವ ಪಂಜಾಬ್ನ ಲೋಕ ಇನ್ಸಾಫ್ ಪಕ್ಷ(LIP)ದ ಮುಖ್ಯಸ್ಥ ಮತ್ತು ಶಾಸಕ ಸಿಮರ್ಜೀತ್ ಸಿಂಗ್ ಬೇನ್ಸ್ ಬಂಧನಕ್ಕೆ ಆಗ್ರಹಿಸಿ ಶಿರೋಮಣಿ ಅಕಾಲಿ ದಳದ ನಾಯಕರು ಮತ್ತು ಕಾರ್ಯಕರ್ತರು ತೀವ್ರ ಪ್ರತಿಭಟನೆಯನ್ನು ನಡೆಸಿದ್ದಾರೆ. ಇಂದು ಸಚಿವ ಭರತ್ ಭೂಷಣ್ ಅವರ ಲುಧಿಯಾನದ ನಿವಾಸದ ಮುಂದೆ ಅಕಾಲಿ ಕಾರ್ಯಕರ್ತರು ಪ್ರತಿಭಟನೆಯನ್ನು ನಡೆಸಿದ್ದಾರೆ.
#WATCH | Punjab: Shiromani Akali Dal (SAD) workers protest outside the residence of state minister Bharat Bhushan in Ludhiana, demanding the arrest of Lok Insaf Party (LIP) MLA Simranjit Singh Bains, in an alleged rape case. pic.twitter.com/VV602eXnsd
— ANI (@ANI) July 14, 2021
ಪ್ರತಿಭಟನಾ ನಿರತರನ್ನು ಚದರಿಸಲು ಪೊಲೀಸರು ಹರಸಾಹಸ ಪಟ್ಟಿದ್ದು ಸಾವಿರಾರು ಸಂಖ್ಯೆಯಲ್ಲಿ ನೆರೆದ ಕಾರ್ಯಕರ್ತರನ್ನು ಪ್ರದೇಶದಿಂದ ಕದಲಿಸಲು ಪೊಲೀಸರು ಬಲ ಪ್ರಯೋಗ ಮಾಡಬೇಕಾಯಿತು ಎಂದು ಸುದ್ದಿ ಸಂಸ್ಥೆ ಎಎನ್ಐ ವರದಿ ಮಾಡಿದೆ.
ಸಿಮರ್ಜಿತ್ ಸಿಂಗ್ ಸೇರಿದಂತೆ 5 ಜನರ ವಿರುದ್ಧ ಲುಧಿಯಾನ ಪೊಲೀಸರು ಅತ್ಯಾಚರ ಪ್ರಕರಣವನ್ನು ದಾಖಲಿಸಿದ್ದರು. ಐಪಿಸಿ ಸೆಕ್ಷನ್ 376, 354, 354-A, 506 ಮತ್ತು 120-B ಯ ಅಡಿಯಲ್ಲಿ ಪ್ರಕರಣವನ್ನು ದಾಖಲಾಗಿದೆ. ಅತ್ಯಾಚಾರ, ಲೈಂಗಿಕ ದೌರ್ಜನ್ಯ, ಅಪರಾಧಿಕ ಕೃತ್ಯಕ್ಕೆ ಪ್ರಚೋದನೆ ಸೇರಿ ಸಿಮರ್ಜಿತ್ ಸಿಂಗ್ ಗಂಭೀರ ಪ್ರಕರಣಗಳನ್ನು ಎದುರಿಸುತ್ತಿದ್ದಾರೆ.
ಲುಧಿಯಾನದ ನ್ಯಾಯಾಧೀಶರ ಆದೇಶದ ಮೇರೆಗೆ ಪೊಲೀಸರು ಪ್ರಕರಣವನ್ನು ದಾಖಲಿಸಿಕೊಂಡಿದ್ದಾರೆ. ಶಿರೋಮಣಿ ಅಕಾಲಿ ದಳ, ಕಾಂಗ್ರೆಸ್ ಸರ್ಕಾರ ಅತ್ಯಾಚಾರ ಆರೋಪಿ ಸಿಮರ್ಜಿತ್ ಸಿಂಗ್ ರಕ್ಷಣೆಗೆ ನಿಂತಿದೆ ಎಂದು ಆರೋಪಿಸಿ ಸರ್ಕಾರದ ವಿರುದ್ಧ ಪ್ರತಿಭಟನೆಗೆ ಮುಂದಾಗಿದೆ.
ಇದನ್ನೂ ಓದಿ: ಉನ್ನಾವ್ ಅತ್ಯಾಚಾರ: ಬಿಜೆಪಿಯ ಮಾಜಿ ಶಾಸಕ ಕುಲದೀಪ್ ಸೆಂಗಾರ್ಗೆ ಜೀವಾವಧಿ ಶಿಕ್ಷೆ ಘೋಷಿಸಿದ ಕೋರ್ಟ್
