ಕೊರೊನಾ ವಿರುದ್ದದ ಹೋರಾಟದಲ್ಲಿ ಕೇರಳ ಎಂಬ ಭಾರತದ ಪುಟ್ಟ ರಾಜ್ಯ ಕೇವಲ ಭಾರತಕ್ಕೆ ಮಾತ್ರ ಮಾದರಿಯಾಗಿ ನಿಂತಿಲ್ಲ. ಈ ಸೋಂಕಿನ ವಿರುದ್ದ ಕೇರಳ ನಡೆಸುತ್ತಿರುವ ಮಾದರಿಯೋಗ್ಯ ಹೋರಾಟದ ವರದಿಗಳು ಬಿಬಿಸಿಯಿಂದ ಹಿಡಿದು ನೈಜೀರಿಯಾ ಡೈಲಿಯವರೆಗಿನ ವಿಶ್ವದಾದ್ಯಂತ ಸುಮಾರು 30 ಕ್ಕಿಂತಲೂ ಹೆಚ್ಚು ಪತ್ರಿಕೆಗಳಲ್ಲಿ ವಿಶೇಷ ವರದಿಯಾಗಿವೆ.
ಭಾರತದ ಮೊದಲ ಕೊರೊನಾ ವೈರಸ್ ಪ್ರಕರಣದಲ್ಲಿ ಕೇರಳದಲ್ಲಿ ವರದಿಯಾದಾಗ ಬಿಬಿಸಿ ಮತ್ತು ಇತರ ಕೆಲವು ಮುಖ್ಯ ಸುದ್ದಿ ವಾಹಿನಿಗಳು ಸುದ್ದಿ ಮಾಡಿದ್ದವು. ಆದರೆ ಅಲ್ಲಿನ ಮಾದರಿಯೋಗ್ಯ ಆರೋಗ್ಯ ವ್ಯವಸ್ಥೆ ಸೋಂಕು ಹರಡುವುದನ್ನು ತಡೆಯಿತು. ನಂತರ ದೇಶದಾದ್ಯಂತದ ಇತರ ರಾಜ್ಯಗಳಲ್ಲಿ ಸೋಂಕು ಹೆಚ್ಚುತ್ತಿದ್ದಂತೆ, ಕೇರಳವು ಸೋಂಕಿನ ಪರೀಕ್ಷೆ, ಪತ್ತೆಹಚ್ಚುವಿಕೆ ಮತ್ತು ಚಿಕಿತ್ಸೆಯ ಕಾರ್ಯವಿಧಾನದಲ್ಲಿನ ವಿಷಯಗಳಲ್ಲಿ ಎಚ್ಚರಿಕೆಯಿಂದ ನಡೆದುಕೊಂಡ ಪರಿಣಾಮ ಸೋಂಕು ರಾಜ್ಯದಲ್ಲಿ ಹತೋಟಿಗೆ ಬಂದಿದೆ. ಭಾರತಕ್ಕೆ ಕೊರೊನಾ ಕಾಲಿಟ್ಟ ನಂತರ ಅತೀ ಹೆಚ್ಚು ಕೊರೊನಾ ಪ್ರಕರಣಗಳಿದ್ದ ಕೇರಳದಲ್ಲಿ ಪ್ರಸ್ತುತ ಸಕ್ರಿಯ ಸೋಂಕು ಪ್ರಕರಣಗಳು ಕೇವಲ 32.
ದೇಶ ಹಾಗೂ ವಿಶ್ವದಾದ್ಯಂತದ ಕೊರೊನಾ ಹರಡಲು ಪ್ರಾರಂಭಿಸಿದಾಗ, ಜಗತ್ತಿನಾದ್ಯಂತ ಮಾಧ್ಯಮಗಳ ಕಣ್ಣುಗಳು ಕೇರಳದತ್ತ ನೆಟ್ಟಿತ್ತು. ಭಾರತದಲ್ಲೇ ಅತೀ ಹೆಚ್ಚು ಅನಿವಾಸಿಗಳಿರುವ ರಾಜ್ಯಗಳಲ್ಲಿ ಒಂದಾದ ಕೇರಳದಲ್ಲಿ ಕೊರೊನಾ ಸಾವಿನ ಪ್ರಕರಣಗಳು ನಾಲ್ಕು. ಕೊರೊನಾ ವಿರುದ್ದದ ಕೇರಳ ಮಾದರಿಯ ಹೋರಾಟವನ್ನು ವಿಶ್ವದ ಮುಂದುವರೆದ ದೇಶಗಳಾದ ಬ್ರಿಟನ್, ಅಮೆರಿಕಾ, ಕೆನಡಾ, ಇಟಲಿ, ಫ್ರಾನ್ಸ್ ಮತ್ತು ಅರಬ್ ರಾಷ್ಟ್ರಗಳ ಹಲವಾರು ಪತ್ರಿಕೆಗಳು ವರದಿಗಳನ್ನು ಮಾಡಿವೆ. ಅವುಗಳಲ್ಲಿ ಕೆಲವು ಇಲ್ಲಿವೆ…
ಕೇರಳ ತನ್ನ ಕೊರೊನಾ ರೇಖೆಯನ್ನು ಹೇಗೆ ಚಪ್ಪಟೆಗೊಳಿಸಿದೆ ಎಂಬ ಬಗ್ಗೆ ಬಿಬಿಸಿ ವರದಿ ಸಿದ್ಧಪಡಿಸಿದೆ. ಲಿಂಕ್ ಗೆ ಇಲ್ಲಿ ಕ್ಲಿಕ್ ಮಾಡಿ. “ವರ್ಕ್ ಲೈಕ್ ಕೇರಳ” ಎಂಬ ಶೀರ್ಷಿಕೆಯ ತನ್ನ ದೂರದರ್ಶನ ಕಾರ್ಯಕ್ರಮದಲ್ಲಿ, ನಿಫಾ ಸೋಂಕಿನಿಂದ ಹಿಡಿದು ಕೊರೊನಾ ಮೊದಲನೇ ಪ್ರಕರಣ ವರದಿ ಮಾಡಿದವರೆಗಿನ ಕೇರಳದ ಹೋರಾಟವನ್ನು ಬಿಬಿಸಿ ತೋರಿಸಿತು.
ಗಾರ್ಡಿಯನ್ ತನ್ನ ಸುದ್ದಿಯಲ್ಲಿ ಕೇರಳದ ಕಮ್ಯುನಿಸ್ಟ್ ಸರ್ಕಾರವು ಕೊರೊನಾ ವೈರಸ್ ತಗ್ಗಿಸುವ ಗುರಿಗಳನ್ನು ಹೇಗೆ ಸಾಧಿಸಿದೆ ಎಂಬುದನ್ನು ಹೇಳಿದೆ. ಸಾಂಕ್ರಾಮಿಕ ಸಮಯದಲ್ಲಿ ತನ್ನ ಜನರ ಯೋಗಕ್ಷೇಮವನ್ನು ನೋಡಿಕೊಳ್ಳುವುದರ ಜೊತೆಗೆ ರಾಜ್ಯದ ಆರ್ಥಿಕತೆ ಹೇಗೆ ನಿರ್ವಹಿಸಿತು ಎಂದು ಕೂಡಾ ವರದಿ ಮಾಡಿದೆ. ಲಿಂಕ್ ಗೆ ಇಲ್ಲಿ ಕ್ಲಿಕ್ ಮಾಡಿ.
ಆರ್ ಟಿ ಅಮೇರಿಕಾ ನ್ಯೂಸ್ (ಅಮೇರಿಕಾ)
ಕೇರಳ ಮಾದರಿಯನ್ನು ಕೇಂದ್ರೀಕರಿಸಿದ ಮಾತುಕತೆ ಕಾರ್ಯಕ್ರಮದಲ್ಲಿ, ಆರೋಗ್ಯ ತಜ್ಞರು ಕೇರಳದ ವೈದ್ಯಕೀಯ ವಿಧಾನ ಹೇಗೆ ವೈರಸ್ ಹರಡುವುದನ್ನು ತಡೆದಿದೆ ಎಂಬ ಬಗ್ಗೆ ಹೇಳಲಾಗಿದೆ. ಲಿಂಕ್ ಗೆ ಇಲ್ಲಿ ಕ್ಲಿಕ್ ಮಾಡಿ.
ಸಾಂಕ್ರಾಮಿಕ ರೋಗವನ್ನು ಅಸಾಧಾರಣ ಯಶಸ್ಸಿನೊಂದಿಗೆ ನಿಭಾಯಿಸಲು ತಮ್ಮ ಸಾರ್ವಜನಿಕ ಆರೋಗ್ಯ ವ್ಯವಸ್ಥೆಯ ದೃಡತೆ ಹೇಗೆ ಕಲಸ ಮಾಡಿದೆ ಎಂದು ತೋರಿಸಲು ವಿಯೆಟ್ನಾಂ ಮತ್ತು ಕೇರಳದಲ್ಲಿ ಅಳವಡಿಸಲಾಗಿರುವ ವೈರಸ್ ತಡೆ ಕ್ರಮಗಳನ್ನು ಲೇಖನವೊಂದು ತಿಳಿಸುತ್ತದೆ. ಲಿಂಕ್ ಗೆ ಇಲ್ಲಿ ಕ್ಲಿಕ್ ಮಾಡಿ.
ಕೇರಳದ ಆರೋಗ್ಯ ಮಂತ್ರಿ ಕೆ.ಕೆ.ಶೈಲಜಾ ಅವರು ಅಮೆರಿಕದ ಪ್ರಮುಖ ಫ್ಯಾಷನ್ ಮತ್ತು ಜೀವನಶೈಲಿ ನಿಯತಕಾಲಿಕ ದಿ ವೋಗ್ ಏಪ್ರಿಲ್ ಸಂಚಿಕೆಯಲ್ಲಿ ಕಾಣಿಸಿಕೊಂಡು, ಅವರು ಕೇರಳದಲ್ಲಿ ಸಾಂಕ್ರಮಿಕ ರೋಗದಿಂದ ಹೇಗೆ ಕೇರಳವನ್ನು ಹೊರತಂದರು ಎಂದು ಬರೆಯಲಾಗಿದೆ. ಲಿಂಕ್ ಗೆ ಇಲ್ಲಿ ಕ್ಲಿಕ್ ಮಾಡಿ.
ಈ ವರದಿಯು ಕೇರಳದಲ್ಲಿ ಕೊರೊನಾ ನಿರ್ವಹಣಾ ಚಿತ್ರಣವನ್ನು ಪರಿಶೀಲಿದಲ್ಲದೆ, ಕೇರಳವು ರಾಷ್ಟ್ರೀಯ 11 ಪ್ರತಿಶತದ ವಿರುದ್ಧ 50 ಪ್ರತಿಶತದಷ್ಟು ಚೇತರಿಕೆ ದರವನ್ನು ಹೇಗೆ ದಾಖಲಿಸಿದೆ ಎಂಬುದನ್ನು ತೋರಿಸುತ್ತದೆ. ಲಿಂಕ್ ಗೆ ಇಲ್ಲಿ ಕ್ಲಿಕ್ ಮಾಡಿ.
ಇಷ್ಟೇ ಅಲ್ಲದೆ ಕೇರಳ ಕೊರೊನಾ ವಿರುದ್ದ ಮಾದರಿ ಹೋರಾಟವನ್ನು ಹೇಗೆ ನಿಭಾಯಿಸಿತು ಎನ್ನುವುದು, ಇತರ ಜಾಗತಿಕ ಮಾಧ್ಯಮಗಳಲ್ಲಿ ಸುದ್ದಿಯಾದ ಲಿಂಕುಗಳು ಇಲ್ಲಿವೆ :
MIT Technology Review (ಕೇಂಬ್ರಿಡ್ಜ್)
The National Middle East (ಅಬುದಾಬಿ, ದುಬೈ)
France Courier International (ಫ್ರಾನ್ಸ್)
France Science Souvenir (ಫ್ರಾನ್ಸ್)
South China Morning Post (ಚೀನಾ)
New Prime South Africa(ದಕ್ಷಿಣ ಆಫ್ರಿಕಾ)
ಇದನ್ನೂ ಓದಿ: ಭಾರತವೆಂಬ ಗಣರಾಜ್ಯ ಅನುಸರಿಸಬೇಕಾದ ದಾರಿ ಕೇರಳ ರಾಜ್ಯದಲ್ಲಿದೆ
ವಿಡಿಯೋ ನೋಡಿ: ಸದ್ದು…ಈ ಸುದ್ದಿ ಏನಾಗಿದೆ 8ನೇ ಸಂಚಿಕೆ
ಕೇರಳದ ಮಾದರಿಯನ್ನು ನಮ್ಮ ದೇಶದ ಎಲ್ಲ ರಾಜ್ಯಗಳು ಅನುಸರಿಸಬೇಕು.